Abatswerĩ 20:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo abandu ba Ĩsraelĩ bosĩ mobahuluka oko Mwami Mukulu eMĩsĩpa, nʼendeko moyahĩndanĩbwa ngʼomundu muguma, erĩtsũka eDanĩ erĩhĩka eBerĩ-seba, haguma nʼekihugo kyʼeGĩleadĩ.

Abatswerĩ 20:1 Iomraidhean Croise

2 Samwelĩ 19:14

Litya mwabindula emitima yʼabandu bosĩ ba Yũda ngʼomutima wʼomundu muguma; kyaleka ibatumira oko mwami, bati, Usubule nʼabagombe bawe bosĩ.

2 Samwelĩ 2:9

Neryo mwamuyira mo mwami oko Gĩleadĩ, nʼowʼAbaasũrĩ, nʼowʼAbayezreelĩ, nʼowʼAbaefũraĩmũ, nʼowʼAbabenyamĩna, nʼowʼAbaĩsraelĩ bosĩ.

2 Samwelĩ 24:2

Nʼomwami mwabwira Yoabũ omukulu wʼomulondo wʼabasĩrĩkanĩ wabya naye, ati, Genda omo katĩkatĩ kʼebihanda byosĩ bya Ĩsraelĩ, erĩtsũka eDanĩ nʼerĩhĩka eBerĩ-seba, muganze abandu, inatoka eriminya emiganzo yʼabandu.

2 Samwelĩ 3:10

eritwanganĩa obwami bwʼekĩtũnga kya Saũlo, nʼerisingika obwami bwa Dawĩdĩ oko Baĩsraelĩ nʼoko Bayũda, erĩtsũka eDanĩ nʼerĩhĩka eBerĩ-sheba.

1 Abami 5:5

Neryo, lebaya, ngasonda erĩhĩmba enyũmba busana nʼerĩna lyʼOmwami Mukulu Nyamuhanga wage, ngoko Mwami Mukulu abwira tata wage Dawĩdĩ, ati, Omugala wawe, oyo nasyahĩra oko kĩtũmbĩ kyawe kyʼobwami omo mwanya wawe, yũkasyahĩmba enyũmba busana nʼerĩna lyage.

2 Abami 25:23

Neryo omugulu abakulu bosĩ bʼemilondo, ibo nʼabandu babo, bowa ngoko mwami wʼeBabelĩ abĩrĩhĩra Gedalĩa mo mũtabalĩ; mobahĩka uku Gedalĩa eMĩsĩpa, ye Ĩsmaelĩ mugala wa Netanĩa, na Yehonanĩ, mugala wa Karea, na Seraya mugala wa Tahũmetĩ Omũnetofatĩ, na Yazanĩa mugala wa Makatĩtĩ, ibo nʼabandu babo.

1 Emyatsi yʼEmigulu 21:2

Neryo Dawĩdĩ mwabwira Yoabũ nʼabanya-mwami bʼabandu ati, Mugende, muganze Abaĩsraelĩ erĩtsũka eBerĩ-seba nʼerĩhĩka eDanĩ; neryo munyiretere omwatsi, inatoka eriminya emiganzo yabo.

2 Emyatsi yʼEmigulu 30:5

Neryo mobahanganĩa omugambo erĩtũlaganĩalyo omo Ĩsraelĩ yosĩ erĩtsũka eBerĩ-seba nʼerĩhĩka eDanĩ, base eriyira Erikiruka busana nʼOmwami Mukulu, Nyamuhanga wa Ĩsraelĩ, eYerũsalema; kusangwa abangi mobatabya bakayiralyo ngoko kyabya kĩsakĩre.

Ezera 3:1

Neryo omugulu omukera wʼakalinda ahĩka, nʼabana ba Ĩsraelĩ babere babibya omo mĩyĩ, abandu mobayĩhĩndanĩa ngʼomundu muguma eYerũsalema.

Nehemĩa 11:27

nʼeHazarĩ-sũalĩ, nʼeBerĩ-seba, nʼomo hĩyĩ hyako,

Nehemĩa 8:1

Nʼabandu bosĩ mobayĩhĩndanĩa haguma ngʼomundu muguma ahagalĩhĩre ahali embere wʼolũkyo lwʼAmagetsi; mobabwira Ezera omũhandĩkĩ, bati alete ekitabu kyʼemigambo ya Musa, eyo Mwami Mukulu ahana Ĩsraelĩ.

Yeremĩa 40:6

Neryo Yeremĩa mwaya eyiri Gedalĩa mugala wa Ahĩkamũ eMĩsĩpa, mwĩkala haguma naye omo katĩkatĩ kʼabandu abasĩgala omo kihugo.

Emiganzo 32:1

Nĩkwa abagala ba Rũbenĩ nʼabagala ba Gadĩ babya bawite ebihangulo binene byʼesyonde; kandi omugulu balangira ekihugo kyʼeYazerĩ, nʼekihugo kyʼeGĩleadĩ, ko kiri mʼobũlĩsĩryo bwʼesyonde;

Emiganzo 32:40

Na Musa mwaha Gĩleadĩ uku Makĩrĩ mugala wa Manase; naye mwĩkalaho.

Yosũa 15:38

nʼeDĩlanĩ, nʼeMĩsĩpe, nʼeYokĩtelĩ,

Yosũa 17:1

Kandi omugereko mwawira oko kihanda kya Manase; kusangwa abya kambere ka Yosefũ. Uku Makĩrĩ akambere ka Manase, ĩse wa Gĩleadĩ mwahabwa eGĩleadĩ nʼeBasanĩ, kusangwa abya mundu wʼamalwa.

Yosũa 18:26

nʼeMĩsĩpe, nʼeKefĩra, nʼeMoza,

Yosũa 22:12

Nʼomugulu abana ba Ĩsraelĩ bowa engulu eyĩ, endeko yosĩ yʼabana ba Ĩsraelĩ mobayikuma-kumira eSĩlo, eriyalwa nabo.

Yosũa 22:9

Nʼabana ba Rũbenĩ nʼabana ba Gadĩ nʼekihande kyʼekihanda kya Manase mobasubula, mobalũa oko bana ba Ĩsraelĩ eSĩlo, omo kihugo kyʼeKanana, eriya oko kihugo kyʼeGĩleadĩ, oko kihugo kyʼerĩsĩgalya lyabo, ekyo basĩgalaya ngʼerihana lyʼOmwami Mukulu omo buno bwa Musa.

Yosũa 4:13

Nga elfu makũmĩ ani (40,000) ibanambite ebindu byʼamalwa ĩbayĩtegekenĩe oko malwa, mobasoka embere syʼOmwami Mukulu eriya oko malwa, omo bwerere bwʼeYerĩko.

Abatswerĩ 10:17

Neryo abana ba Amonĩ mobayĩhĩndanĩa haguma, mobahanda endwiro eGĩleadĩ. Nʼabana ba Ĩsraelĩ ndanĩa haguma, mobahanda endwiro eMĩsĩpa.

Abatswerĩ 11:11

Neryo Yefũta mwagenda haguma nʼabakulu bʼeGĩleadĩ, nʼabandu mobamuyira mo mukulu nʼomukama wabo. Na Yefũta mwabũga ebĩnywa biwe byosĩ embere syʼOmwami Mukulu eMĩsĩpa.

Abatswerĩ 11:34

Neryo omugulu Yefũta ahĩka eMĩsĩpa omo nyũmba yiwe; neryo, lebaya, mwali wuwe mwahuluka erĩmũkokya nʼebiyamba nʼamasata; abya mwana wuwe muguma musa; isiawite mugala kutse ogundi mwali.

Abatswerĩ 18:29

Kandi mobahula erĩna lyʼomũyĩ mo Danĩ ngʼerĩna lya Danĩ tata wabo, oyo wabutawa omo Ĩsraelĩ; nĩkwa erĩmbere erĩna lyʼomũyĩ oyo lyabya Laĩsĩ.

Abatswerĩ 20:11

Neryo abandu bosĩ ba Ĩsraelĩ mobahĩndana eribambira omũyĩ oyo, ibabiribohana haguma ngʼomundu muguma.

Abatswerĩ 20:18

Neryo abagala ba Ĩsraelĩ mobahangana, mobahetukira eBetelĩ, mobabũlya Omwami Mukulu; mobabũga bati, Nindi wasyatsũka eriyalwa busana netu nʼabagala ba Benyamĩna kwehĩ? Neryo Omwami Mukulu mwabũga ati, Yũda atsũke.

Abatswerĩ 20:2

Nʼabakulu bʼabandu bosĩ, abʼebihanda byosĩ bya Ĩsraelĩ, mobayĩkanganĩa omo ndeko yʼabandu ba Nyamuhanga, abasĩrĩkanĩ abakagenda omo bisando elfu magana ani (400,000) abaheka omũyalĩ.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

Abatswerĩ 20:8

Neryo abandu bosĩ mobahangana ngʼomundu muguma, bati, Sihali nʼomuguma oyo wasyagenda omo hema yiwe, kandi sihali oyo wasyasuba nʼomuguma oko nyũmba yiwe.

Abatswerĩ 21:5

Nʼabana ba Ĩsraelĩ mobabũga bati, Nindi omo katĩkatĩ kʼebihanda byosĩ bya Ĩsraelĩ oyũtahĩka omo ndeko oko Mwami Mukulu kwehĩ? Kusangwa ibabiriyisema kutsibu busana nʼoyũtahĩka oko Mwami Mukulu eMĩsĩpa, bati, Kwenene asyĩtwa.

1 Samwelĩ 10:17

Kandi enyũma wʼaho Samwelĩ mwabirikira bandu bo haguma oko Mwami Mukulu eMĩsĩpa;

1 Samwelĩ 3:20

Neryo Abaĩsraelĩ bosĩ erĩtsũka eDanĩ erĩhĩka eBerĩ-seba mobaminya ko Samwelĩ abĩrĩhanganĩbwa eribya mũmĩnyererĩ wʼOmwami Mukulu.