Abatswerĩ 2:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kandi mobahula erĩna lyaho mo Bokĩmũ; kandi mobahongeraho Omwami Mukulu.

Abatswerĩ 2:5 Iomraidhean Croise

Enzũko 35:8

Nĩkwa Debora, omũbegerya wa Rebeka, mwahola, mwatabwa eyĩkwa wʼeBetelĩ omo ndĩna yʼomuti wʼomwelo. Erĩna lyaho molyahulwa mo Alonĩ-bakũtĩ.

Yosũa 7:26

Kandi mobasingika endata kwiye ekilundo kinene kyʼamabwe, ekiriho erĩhĩka mũnabwĩre; neryo Omwami Mukulu mwabũnũkala oko bukali bwʼerihitana liwe. Kyaleka erĩna lyʼaho iryahulwa mo Musya wʼobũlĩge, erĩhĩka na mũnabwĩre.

Abatswerĩ 13:19

Neryo Manoa mwĩmya ekyana kyʼembene haguma nʼobuhere bwʼeyĩsyano, mwahongerabyo okwʼĩbwe oko Mwami Mukulu; nʼomũlaĩka mwakola ekyʼeriswekera omugulu Manoa na mũkalĩwe batungerera.

Abatswerĩ 2:1

Nʼomũlaĩka wʼOmwami Mukulu mwahetuka akalũa eGĩlgalĩ erĩhĩka eBokĩmũ. Neryo mwabũga ati, Monaba-hetũkya erĩlũa eMĩsĩrĩ, nʼeribaleta omo kihugo ekyo nalahĩrĩraya abotata-kulu wenyũ; monabũga nyiti, Sĩndĩendĩsyatwa endagano yage nenyũ kera na kera.

Abatswerĩ 2:4

Neryo, omugulu omũlaĩka wʼOmwami Mukulu abũga ebĩnywa ebĩ oko bana bosĩ ba Ĩsraelĩ, abandu mobasumba omulenge wabo mobalira.

Abatswerĩ 2:6

Nĩkwa Yosũa abere abĩhongokya abandu, abana ba Ĩsraelĩ mobaya obuli mundu oko mwandu wuwe erĩsĩgalya ekihugo.

Abatswerĩ 6:24

Neryo Gĩdeonĩ mwahĩmbĩra Omwami Mukulu ekiherero aho, mwahulaho mo Mwami Mukulu ni Buholo. Nʼerĩhĩka mũnabwĩre kikineho eOfra wa Abĩezerĩ.

1 Samwelĩ 7:9

Na Samwelĩ mwĩmya ekyana kyʼembũlĩ ekikonga, mwaherakyo mo buhere bwʼerĩokererya oko Mwami Mukulu. Na Samwelĩ mwalakira Omwami Mukulu busana na Ĩsraelĩ; Omwami Mukulu mwamũsũbĩrya.