Abatswerĩ 2:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Nĩkwa omũtswerĩ abere abihola, mobasuba enyũma, mobakola nabi kwilaba abotata wabo, nʼerikwama esindi nyamuhanga nʼerikolerasyo nʼerĩyũnamirasyo; mobataleka emĩbĩrĩ yabo, kutse esyonzira syabo syʼobũtowa.

Abatswerĩ 2:19 Iomraidhean Croise

Enzũko 6:11

Neryo ekihugo ikyabiritsanda embere sya Nyamuhanga, nʼekihugo mokyũsũla nʼomwaga.

Nehemĩa 9:28

Nĩkwa enyũma ibamabihumula, mobaswakola nabi embere syawe; busana nʼekyo mowasĩgabo omo byala byʼesyonzĩgũ syabo, abatabala kubo. Nĩkwa omugulu basubula nʼerikulakira, mowowabo elubula; mowalamyabo ngendo nyingi busana nʼolukogo lwawe.

Esyonyimbo 78:8

Sibabye ngʼaboso-kulu wabo, Abandu abakayisamambula nʼerĩtendĩowa. Abandu abatawite erĩkĩrĩrya erĩsĩkĩre uku Nyamuhanga, Kandi mobatabya nʼeritindalegula embere sya Nyamuhanga.

Erĩlũayo 32:7

Neryo Omwami Mukulu mwabũga na Musa ati, Ũkĩme, ugende; kusangwa abandu bawe abo walũsaya omo kihugo kyʼeMĩsĩrĩ, babĩrĩyĩtsandya;

Yeremĩa 16:12

Nenyũ nibya mwabirikola nabi, kwilaba abotata wenyũ. Kusangwa lebaya, mukalendera obuli mundu omo butsibu bʼomutima wuwe mubi, imutanyihulikirira.

Yeremĩa 23:17

Ebiro byosĩ bakabwira abakanyipona bati, Omwami Mukulu abĩrĩbũga ati, Mwasyabya nʼobuholo. Kandi bakabwira obuli mundu oyukagenda omo butsibu bʼomutima wuwe bati, Erĩkwa siryendĩsyabahĩkako.

Yeremĩa 3:17

Oko mugulu oyo basyahula eYerũsalema mo kĩtũmbĩ kyʼobwami kyʼOmwami Mukulu. Ebihanda byosĩ bvasyahĩndanĩbwayo busana nʼerĩna lyʼOmwami Mukulu eYerũsalema. Kandi sibendisyaswalendera omo butsibu bwʼomutima wabo mubi.

Ezekĩelĩ 20:30

Neryo Ubwire ekihanda kya Israelĩ uti, Omukama Iye Omwami Mukulu ati, Mũkayĩtsandaya omo mũsĩndo wʼabotata wenyũ kwehĩ? Kandi mukakola omwatsi wʼobũsĩngĩrĩ ngʼesyonye syabo kwehĩ?

Matayo 23:32

Neryo mũsũlaye olulengo lʼomusango lwʼabotata wenyũ.

Eryibuka Ebihano 31:29

Kusangwa nyĩnasĩ enyũma wʼoluholo lwage mwasyayĩtsandya, nʼerĩbũnũkala oko nzira eyo nabiribahana; nʼebibi byasyabahĩkako oko biro byʼenyũma; kusangwa mwanzĩre erikola ebibi omo meso wʼOmwami Mukulu, erĩmũhĩtanĩa busana nʼemĩbĩrĩ yʼebyala byenyũ.

Yosũa 24:31

Kandi Abaĩsraelĩ mobakolera Omwami Mukulu ebiro byosĩ bya Yosũa, nʼoko biro byosĩ byʼabakulu abakota kwilaba Yosũa, kandi abaminya omũbĩrĩ gosĩ wʼOmwami Mukulu, ogo akolera Ĩsraelĩ.

Abatswerĩ 10:13

Nĩkwa mwabĩrĩnyĩsĩganĩa nʼerikolera esindi nyamuhanga; neryo sindiendiswabalamya kandi.

Abatswerĩ 2:18

Nʼomugulu Omwami Mukulu ahanganĩrayabo abatswerĩ, Omwami Mukulu mwabya haguma nʼomũtswerĩ oyo, nʼerĩlamyabo omo byala byʼesyonzĩgũ syabo ebiro byosĩ byʼomũtswerĩ oyo; kusangwa Omwami Mukulu mwaganyirabo busana nʼemĩsĩmbo yabo busana nʼabandu banũbayabo nʼerĩagalyabo.

Abatswerĩ 2:20

Neryo erihitana lyʼOmwami Mukulu molyagulumira oko Baĩsraelĩ ati, Kusangwa ekihanda ekĩ kyabĩrĩhalya oko ndagano yage eyo nahana abotata-kulu wabo, kandi mobatahulikirira omulenge wage.

Abatswerĩ 2:7

Nʼabandu mobakolera Omwami Mukulu oko biro byosĩ bya Yosũa, nʼebiro byosĩ byʼabakulu abakota kwilaba Yosũa, abalola oko mũbĩrĩ munene gosĩ wʼOmwami Mukulu ogo akolera Ĩsraelĩ.

Abatswerĩ 4:1

Nʼabana ba Ĩsraelĩ mobakola ebibi kandi omo meso wʼOmwami Mukulu, Ehũdĩ abihola.

Abatswerĩ 8:33

Neryo Gĩdeonĩ abere abihola, abana ba Ĩsraelĩ mobaswakwama Balĩ omo luteto, mobayira Balĩ-berĩtĩ mo nyamuhanga wabo.

1 Samwelĩ 15:23

Kusangwa erĩlolo lyʼepono liri ngʼerĩlolo lyʼobulagu, nʼobutabwirika buli ngʼebibi nʼerisaba esyosanamu. Kusangwa wabirigana ekĩnywa kyʼOmwami Mukulu, naye abirikugana ati, Susyebya mwami.