Abatswerĩ 2:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nʼomugulu Omwami Mukulu ahanganĩrayabo abatswerĩ, Omwami Mukulu mwabya haguma nʼomũtswerĩ oyo, nʼerĩlamyabo omo byala byʼesyonzĩgũ syabo ebiro byosĩ byʼomũtswerĩ oyo; kusangwa Omwami Mukulu mwaganyirabo busana nʼemĩsĩmbo yabo busana nʼabandu banũbayabo nʼerĩagalyabo.

Abatswerĩ 2:18 Iomraidhean Croise

Enzũko 6:6

Neryo Omwami Mukulu mwayĩkũbya bomo busana nʼeribumba omundu omo kihugo, mokyamwĩta bũlĩge omo mutima wuwe.

2 Abami 13:4

Kandi Yoahazĩ mwalakira Omwami Mukulu, neryo Omwami Mukulu mwamowa kusangwa alangira erinuba lya Ĩsraelĩ, ngoko mwami wʼeSũrĩa anũbayabo.

Esyonyimbo 12:5

Omwami Mukulu ati, Lino ngandĩhĩka, Kusangwa abʼobwaga bakanũbĩbawa, Nʼabakendererĩbawa bakasĩmba eriagalwa. Nasyahabo Obuholo obo bakasonda!

Esyonyimbo 90:13

Uwe Mwami Mukulu Wasyakolyahi ute watukebera kwehĩ? Uganyire abagombe bawe!

Erĩlũayo 2:24

Neryo Nyamuhanga mowa emĩsĩmbo yabo. Neryo Nyamuhanga mwibuka endagano yiwe haguma na Abrahamũ, na Ĩsaka, na Yakobo.

Erĩlũayo 3:12

Neryo Nyamuhanga mwabũga ati, Kwenene nasyabya haguma nawe; nʼekĩ kyasyabya kiminyikalo ukʼuwe, ngoko nabirikutuma: Wasyabya wabĩlũsya abandu omo Mĩsĩrĩ wasyaramya Nyamuhanga oko kitwa ekĩ.

Erĩlũayo 32:14

Neryo Omwami Mukulu mwabinduka oko kibi ekyo abũga ati asyakola oko bandu buwe.

Hosea 11:8

Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Yona 3:10

Neryo Nyamuhanga mwalangira emĩbĩrĩ yabo, ngoko bamabinduka erĩlũa omo syonzira nyibi syabo; na Nyamuhanga mwayisubako oko kibi ekyo abũga ati akandikolabo; mwatakolakyo.

Emiganzo 10:9

Kandi omugulu mukayalwa nʼenzĩgũ omo kihugo kyenyũ eyĩkabanũbaya, mwasyabuha endulo yʼomo syongubi; neryo imwatoka eryibukwa embere syʼOmwami Mukulu Nyamuhanga wenyũ, kandi, mwasyalamĩbwa oko syonzĩgũ syenyũ.

Eryibuka Ebihano 32:36

Kusangwa Omwami Mukulu asyakola erĩbanza busana nʼabandu buwe, Nʼeriganyira abagombe buwe; Omugulu akalangira amaka wabo iniahwere, Isihali oyũsĩgere, oyũbohĩrwe kutse oyũtabohĩrwe.

Yosũa 1:5

Sihendisyabya mundu nʼomuguma oyo wasyatoka erihangana embere syawe ebiro byosĩ byʼeribyaho lyawe; ngoko nabya na Musa, ko nasyabya haguma nawe nyitya; sindiendĩsyakũhũtatira, kutse erĩkũsĩganĩa.

Abatswerĩ 10:16

Kandi mobalũsya esyonyamuhanga syʼehali omo katĩkatĩ kabo, mobakolera Omwami Mukulu; nʼekĩrĩmũ kiwe mokyabya nʼobũlĩge busana nʼobuligo bwa Ĩsraelĩ.

Abatswerĩ 11:32

Neryo Yefũta mwasokera oko bana ba Amonĩ erilwa nabo; nʼOmwami Mukulu mwahĩrabo omo byala biwe.

Abatswerĩ 2:19

Nĩkwa omũtswerĩ abere abihola, mobasuba enyũma, mobakola nabi kwilaba abotata wabo, nʼerikwama esindi nyamuhanga nʼerikolerasyo nʼerĩyũnamirasyo; mobataleka emĩbĩrĩ yabo, kutse esyonzira syabo syʼobũtowa.

Abatswerĩ 3:9

Kandi omugulu abana ba Ĩsraelĩ balakira Omwami Mukulu, Omwami Mukulu mwahanganĩrya abana ba Ĩsraelĩ omũlamya oyo walamayabo, ye Otĩnĩelĩ mugala wa Kenazĩ mulumuna wa Kalebũ.

Abatswerĩ 6:12

Nʼomũlaĩka wʼOmwami Mukulu mwamuhulukira, mwabũga naye ati, Omwami Mukulu ali haguma nawe, uwe mundu wʼamaka wʼamalwa.

Abatswerĩ 6:16

Neryo Omwami Mukulu mwabũga naye ati, Kwenene nasyabya haguma nawe, kandi wasyĩta Abamĩdĩanĩ ngʼomundu muguma.