Abatswerĩ 2:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Nʼerihitana lyʼOmwami Mukulu molyagulumira oko Baĩsraelĩ, neryo mwahereryabo omo byala byʼabanyeyĩ abanyegabo; kandi mwagũlyabo omo byala byʼesyonzĩgũ syabo esĩtĩmbĩre kubo, kyaleka ibatatoka eriswahangana embere wʼesyonzĩgũ syabo.

Abatswerĩ 2:14 Iomraidhean Croise

2 Samwelĩ 24:1

Kandi erihitana lyʼOmwami Mukulu molyagulumira oko Baĩsraelĩ, neryo mwĩmũkya Dawĩdĩ erireta obũlĩge oko Ĩsraelĩ ati, Genda uyaganze Abaĩsraelĩ nʼAbayũda.

2 Samwelĩ 7:11

kandi ngʼekiro nahana abatswerĩ babye bakateya bandu bage Abaĩsraelĩ; nawe nasyakũlũhũkya oko nzĩgũ syawe syosĩ. Kandi Omwami Mukulu akakubwira ati, asyahĩmba enyũmba busana nawe.

2 Abami 13:3

Neryo erihitana lyʼOmwami Mukulu molyaka oko Baĩsraelĩ, neryo mwahĩrabo omo byala bya Hazaelĩ omwami wʼeSũrĩa, nʼomo byala bya Benĩ-Hadadĩ mugala wa Hazaelĩ ebiro byosĩ.

2 Abami 17:20

Neryo Omwami Mukulu mwagana bana bosĩ ba Ĩsraelĩ, kandi mwagalyabo, mwahabo omo byala byʼabanyeyĩ, erĩhĩka aho ahigirabo erĩlũa omo meso wuwe.

2 Emyatsi yʼEmigulu 15:5

Nʼoko migulu eyo mohatabya buholo oko yukahuluka kutse oyukingira eka, nĩkwa engitsi nene moyagalya esyondũlanĩ syosĩ syʼebihugo.

2 Emyatsi yʼEmigulu 28:5

Busana nʼekyo, Omwami Mukulu Nyamuhanga wuwe mwamũhĩra omo byala byʼOmwami wʼeSũrĩa; nabo mobamwĩta, mobamũhũngako endeko nene yʼabanyegwa, mobaletabo eDamasekĩ. Kandi mwahĩrwa omo byala byʼOmwami wʼAbaĩsraelĩ, oyo wamwĩta nʼerĩĩta lĩnene.

2 Emyatsi yʼEmigulu 36:16

Nĩkwa mobasekererya abakwenda ba Nyamuhanga, nʼeripona ebĩnywa biwe, nʼerĩsekererya abamĩnyererĩ buwe, erĩhĩka aho erihitana lyʼOmwami Mukulu lyakala oko bandu buwe, erĩhĩka ahate mulamo.

Nehemĩa 9:27

Busana nʼekyo mowahĩrabo omo byala byʼesyonzĩgũ syabo, abalũhayabo; nʼoko mugulu wʼobũlĩge bwabo, omugulu bakulakira, mowowabo elubula; nʼomo bungi bwʼolukogo lwawe mowahabo abalamya abalamayabo omo byala byʼabandu abanũbayabo.

Esyonyimbo 44:11

Wabirireka itwakerwa ngʼesyombũlĩ; Wabiritupanza-panzira omo bihugo byʼehali.

Esyonyimbo 44:12

Wagũlaya abandu bawe busana nʼobũgũlĩ buke, Isulitagasakĩ omo bũgũlĩ obo.

Ĩsaya 42:24

Nindi oyo waha Yakobo mo munyego, nʼerĩhĩra Ĩsraelĩ oko bahũngĩ kwehĩ? Si yo Mwami Mukulu kwehĩ? Iye yo twahalayako, nʼerigana erigendera omo nzira siwe, nʼemigambo yiwe mobatakengayo.

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Yeremĩa 37:10

Kusangwa nomo mwangĩtĩre emilondo yosĩ yʼabasĩrĩkanĩ bʼAbakaldea abakalwa nenyũ, nʼabahutere basa bakasaka omo katĩkatĩ kabo, obuli mundu omo hema yiwe, banganahangana nʼerĩhĩsya omũyĩ oyũ omo muliro.

Abalawĩ 26:17

Nasyabahĩnĩra, nenyũ mwasyĩtwa embere wʼesyonzĩgũ syenyũ; nʼabakabakwa obusu basyabatabalako; kandi mwasyatibita omugulu hate mundu oyukabatibitako.

Abalawĩ 26:28

nage nasyalendera bwage omwʼihitana erilwa nenyũ; kandi nage nasyabasuyira ngendo sirinda busana nʼebibi byenyũ.

Abalawĩ 26:37

Kandi basyatwĩkalanako, ngʼabandu abakasaga omũyalĩ, ahate oyukakwamabo; kandi isimwendisyabya nʼamaka erihangana embere wʼesyonzĩgũ syenyũ.

Emiganzo 32:13

Nʼerihitana lyʼOmwami Mukulu molyagulumira uku Ĩsraelĩ, neryo mwaganga-gangyabo omo mbwarara emyaka makũmĩ ani, erĩhĩka aho lulengo olwakola nabi omo meso wʼOmwami Mukulu lwatĩndĩra.

Emiganzo 32:14

Neryo, Ĩnywe mwabirihangana omo mwanya wʼabotata wenyũ, endeko yʼabandu bʼebibi eritomekerya erihitana erĩkalĩre lyʼOmwami Mukulu uku Ĩsraelĩ.

Eryibuka Ebihano 28:20

Omwami Mukulu asyabatumira obutakire, erĩsĩngwa nʼerikungwa, omo byosĩ mũkahĩra kwʼebyala byenyũ erikola, erĩhĩka aho mwasyahererĩbwa, nʼerĩhĩka aho mwasyaherera lũba; busana nʼebibi byʼemikolere yenyũ, eyaleka ĩmwanyĩsĩga.

Eryibuka Ebihano 28:25

Omwami Mukulu asyabaswĩrĩrya embere wʼesyonzĩgũ syenyũ; mwasyahuluka omo nzira nguma, nʼerisagira omo syonzira sirinda; kandi mwasyagusangwa eyĩ nʼeyĩ omo katĩkatĩ kʼamami gosĩ wʼekihugo.

Eryibuka Ebihano 28:58

Mwamatindianza erikwamirira erikola ebĩnywa byosĩ byʼemigambo eyĩ ebĩsakĩre omo kitabu ekĩ, erikenga erĩna erĩ ryʼolukengerwa nʼeryʼerĩũbahya, Omwami Mukulu Nyamuhanga wenyũ,

Eryibuka Ebihano 32:30

Kwʼomuguma angasagya elfu nguma, Nʼababiri ĩbasagya amaelfu ĩkũmĩ go bati, kwehĩ? Omwĩmĩrĩ wabo ngʼatalĩgũlayabo, NʼOmwami Mukulu ngʼatalihoterabo kwehĩ?

Yosũa 23:16

Omugulu mwasyahalya oko ndagano yʼOmwami Mukulu Nyamuhanga wenyũ, eyo abahana, mukayakolera esindi nyamuhanga, nʼerĩyũnamirasyo, neryo erihitana lyʼOmwami Mukulu lyasyabagulumirako, kandi mwasyahera lũba erĩlũa omo kihugo kibuya ekyo abiribaha.

Abatswerĩ 1:19

Neryo Omwami Mukulu mwabya haguma na Yũda; neryo mwahamba ekihugo kyʼebitwa; nĩkwa mwataluka erihiga esyondũlanĩ esyabya omo musya, kusangwa babya bawite esyogalĩ syʼebyuma.

Abatswerĩ 1:34

NʼAbaamorĩ mobahiga abana ba Danĩ erĩhĩka oko kihugo kyʼebitwa; kusangwa mobatalĩgĩrabo eriandagala omo musya;

Abatswerĩ 10:7

Nʼerihitana lyʼOmwami Mukulu molyagulumira oko Baĩsraelĩ, neryo mwagũlyabo omo byala byʼAbafĩlĩstĩnĩ, nʼomo byala byʼabana ba Amonĩ.

Abatswerĩ 2:20

Neryo erihitana lyʼOmwami Mukulu molyagulumira oko Baĩsraelĩ ati, Kusangwa ekihanda ekĩ kyabĩrĩhalya oko ndagano yage eyo nahana abotata-kulu wabo, kandi mobatahulikirira omulenge wage.

Abatswerĩ 3:12

Nʼabana ba Ĩsraelĩ mobaswakola ebibi kandi omo meso wʼOmwami Mukulu. Neryo Omwami Mukulu mwaha amaka uku Eglonĩ omwami wʼeMoabũ eribambira Ĩsraelĩ, kusangwa babya ibabirikola ebibi omo meso wʼOmwami Mukulu.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.