Abatswerĩ 2:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² kandi mobasĩganĩa Omwami Mukulu Nyamuhanga wʼabotata-kulu wabo oyo walũsayabo omo kihugo kyʼeMĩsĩrĩ, mobakwama esindi nyamuhanga syʼebihanda ebyabya bĩtĩmbĩre kubo, kandi mobũnama embere wasyo: mobagalĩranĩa Omwami Mukulu batya.

Abatswerĩ 2:12 Iomraidhean Croise

Esyonyimbo 106:36

Mobaramya esyosanamu syabo, Ekĩ mokyaheryabo;

Esyonyimbo 78:58

Mobamũhĩtanĩa omo myanya yabo mitya-mitya yʼerĩramya, Mobaleka inialwa obũha busana nʼesyosanamu syabo esikabatsawa.

Erĩlũayo 13:14

Neryo omugulu mugala wawe asyakũbũlya oko mugulu owakandisyasa ati, Ekĩ nĩkĩ kwehĩ? Wasyamubwira uti, Omo byala byʼamaka Omwami Mukulu mwatũlũsya eMĩsĩrĩ, erĩlũa omo nyũmba yʼobukobe.

Erĩlũayo 13:16

Neryo ekyo kyasyabya kiminyikalo oko byala byawe, nʼekyambalo omo katĩkatĩ kʼameso wawe; kusangwa Omwami Mukulu mwatũlũsya eMĩsĩrĩ omo byʼamaka.

Erĩlũayo 13:3

Neryo Musa mwabũga nʼabandu ati, Mwibuke ekiro ekyo mwalũamo eMĩsĩrĩ, erĩlũa omo nyũmba yʼobukobe; kusangwa omo byala byʼamaka Omwami Mukulu mwabalũsya hano; kandi obundu obuli mwʼekĩhamya sibwendisyalibwa.

Erĩlũayo 13:9

Nakyo kyasyabya kiminyikalo ukʼuwe omo byala byawe, na busana nʼeryibuka omo katĩkatĩ kʼameso wawe, emigambo yʼOmwami Mukulu ibye omo buno bwawe; kusangwa omo byala byʼamaka Omwami Mukulu mwakũlũsya eMĩsĩrĩ.

Erĩlũayo 20:5

Sũsyũnamirabyo kutse erikolerabyo; kusangwa ĩngye Mwami Mukulu Nyamuhanga wawe, indi Nyamuhanga wʼobũha, erĩtũhũlya ebibi byʼabotata oko bana nʼoko lulengo lwʼakasatu nʼolwʼakani oko bakanyĩkwa obusu,

Yeremĩa 16:11

Neryo wasyabũga nabo uti, Omwami Mukulu ati, Ni busana nʼabotata wenyũ erĩnyĩsĩganĩa, nʼerikwama esindi nyamuhanga, nʼerikolerasyo, nʼerĩũnamirasyo, ĩbanyĩsĩganĩa, kandi sibetakwama emigambo yage.

Eryibuka Ebihano 13:5

Nʼomũmĩnyererĩ oyo nʼomũlotĩ oyo wʼesyonzolĩ, asyĩtwa, kusangwa abirihana eripona Omwami Mukulu Nyamuhanga wenyũ, oyo wabalũsaya omo kihugo kyʼeMĩsĩrĩ, nʼerĩbatongolya omo nyũmba yʼobukobe, eribateba omo nzira eyo Mwami Mukulu abahana erigenderamo. Na litya mwasyalũsya ebibi omo katĩkatĩ kenyũ.

Eryibuka Ebihano 29:18

hakasyabya omo katĩkatĩ kenyũ omulume kutse omũkalĩ, kutse ekĩtũnga, kutse ekihanda, omutima wabo akabũnũkala mũnabwĩre akalũa oko Mwami Mukulu Nyamuhanga wetu, akayakolera esyonyamuhanga syʼebihanda ebyo; hakasyabya omũlĩhĩ owakabuta ebĩgũma byʼobuti nʼerikaliha;

Eryibuka Ebihano 29:25

Neryo abandu basyabũga bati, Kusangwa balekĩre endagano yʼOmwami Mukulu, Nyamuhanga wʼabotata-kulu wabo, eyo alagana nabo omugulu alũsayabo omo kihugo kyʼeMĩsĩrĩ.

Eryibuka Ebihano 32:15

Nĩkwa Yesũrũnĩ mwaneneha, mwalyata omwĩse. Mwabirineneha, mwabiritunahala, mwamatendera; Neryo mwasĩganĩa Nyamuhanga oyo wamũkengeregesanaya, Mwaserembula Erĩbwe ryʼerilama liwe.

Eryibuka Ebihano 33:17

Ngʼakambere kʼende yiwe, ekĩkengenĩe ni kiwe; Nʼamahembe wuwe ni mahembe wʼenganda. Asyakũna mugo mwʼebihanda, erĩhĩka oko ndũlĩ syʼekihugo. Nabo ni maelfu makũmĩ wa Efũraĩmũ, Kandi ni maelfu wa Manase.

Eryibuka Ebihano 4:25

Omugulu mwasyabuta abana nʼabitsikulu, imwamabibuga ebiro binene omo kihugo ekyo, ĩmũkayĩtsandaya, nʼeriyikolera esyosanamu sĩbatsĩre ngʼomubiri wʼekĩndũkĩ, mukakola ebibi omo meso wʼOmwami Mukulu Nyamuhanga wenyũ, erĩmũhĩtanĩa;

Eryibuka Ebihano 5:9

Sĩmũsyeramayabyo, kutse erikolerabyo; kusangwa ĩngye, Mwami Mukulu, Nyamuhanga wenyũ, indi Nyamuhanga wʼobũha, erisuyira ebibi byʼabotata oko bana, nʼoko bitsikulu oko lulengo lwʼakasatu nʼoko lwʼakani oko bakanyĩkwa obusu;

Eryibuka Ebihano 6:12

neryo mũyĩtegaye mukasyibirirwa Omwami Mukulu, oyo wakũlũsaya omo kihugo kyʼeMĩsĩrĩ, erĩlũa omo nyũmba yʼobukobe.

Abatswerĩ 10:11

Neryo Omwami Mukulu mwabwira abana ba Ĩsraelĩ ati, Mondabalamya oko bʼeMĩsĩrĩ nʼAbaamorĩ, nʼoko bana ba Amonĩ, nʼoko Bafĩlĩstĩnĩ kwehĩ?

Abatswerĩ 5:8

Mobayisoga esyonyamuhanga nyihyanyihya; Neryo mohabya amalwa omo syongyo. Mohatabya engabo kutse erĩtũmo ebikalolawako Omo katĩkatĩ kʼamaelfu makũmĩ ani omo Ĩsraelĩ.

Abatswerĩ 8:33

Neryo Gĩdeonĩ abere abihola, abana ba Ĩsraelĩ mobaswakwama Balĩ omo luteto, mobayira Balĩ-berĩtĩ mo nyamuhanga wabo.