Abatswerĩ 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kandi abana ba Ĩsraelĩ mobakola ekibi omo meso wʼOmwami Mukulu, mobakolera Baalĩ;

Abatswerĩ 2:11 Iomraidhean Croise

Enzũko 13:13

Nĩkwa abandu bʼeSodomo babya babi abakolĩ bʼamalolo kutsibu embere syʼOmwami Mukulu.

Enzũko 38:7

Nĩkwa Erĩ, akambere ka Yũda, abya mubi omo meso wʼOmwami Mukulu, neryo Omwami Mukulu mwamwĩta.

1 Abami 11:5

Kusangwa Solomono mwakwama Asterotĩ, nyamuhanga wʼobũkalĩ wʼAba­nya. Sĩdonĩ, nʼerikwama Milkomũ esyonye syʼAbanya Amonĩ.

1 Abami 18:18

Naye mwasũbĩrya ati, Sĩndĩtagalya Ĩsraelĩ; nĩkwa ni we nʼekĩtũnga kya tata wawe, kusangwa wabĩrĩsĩganĩa ebihano byʼOmwami Mukulu, kandi wabirikwama Baalĩ.

1 Abami 22:53

Neryo mwakolera Baalĩ, mwamũramya, mwahĩtanĩa Omwami Mukulu, Nyamuhanga wa Ĩsraelĩ, ngʼebyosĩ ebyo tata wuwe akola.

2 Emyatsi yʼEmigulu 28:2

Nĩkwa mwagendera omo syonzira syʼabami ba Ĩsraelĩ, nibya mwahesa esyosanamu syʼerĩnũnĩa busana na Baalĩ.

2 Emyatsi yʼEmigulu 28:3

Kandi mwahĩsya obukwa omo musya wʼomugala wa Hĩnomũ, kandi mwahĩsya abana buwe omo muliro, ngʼesyonye syʼebihanda ko siri, ebyo Mwami Mukulu ahiga embere syʼabana ba Ĩsraelĩ.

2 Emyatsi yʼEmigulu 33:6

Nibya mwalabya abana buwe omo muliro omo musya wa Benĩ-hĩnomũ; kandi mwabya akalagula omo myatsi yʼekyanya, kandi mwakola omo syongĩsa, nʼerilagula, mwagenda oko bʼesyombĩnga, nʼeriya oko bakũmũ; mwakola ebibi bingi omo meso wʼOmwami Mukulu, erĩmũhĩtanĩa.

Ezera 8:12

Nʼoko bagala ba Azĩgadĩ, ye Yohananĩ mugala wa Hakatanĩ; na haguma naye abalume erĩgana nʼerĩkũmĩ (110).

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Esyonyimbo 78:56

Nĩkwa mobahona nʼerirenga uku Nyamuhanga Wʼendata Kutsibu, Mobatowa ebihano biwe.

Yeremĩa 11:10

Babirisubira ebibi byʼabotata-kulu wabo, abagana erĩowa ebĩnywa byage; kandi babirikwama esindi nyamuhanga erikolerasyo. Ekĩtũnga kya Ĩsraelĩ nʼekĩtũnga kya Yũda babĩrĩtwa erilagana lyage eryo nayira nʼabotata wabo.

Yeremĩa 16:11

Neryo wasyabũga nabo uti, Omwami Mukulu ati, Ni busana nʼabotata wenyũ erĩnyĩsĩganĩa, nʼerikwama esindi nyamuhanga, nʼerikolerasyo, nʼerĩũnamirasyo, ĩbanyĩsĩganĩa, kandi sibetakwama emigambo yage.

Yeremĩa 2:20

Kusangwa oko mugulu wa kera nabĩrĩtwa engomo yawe, nʼeritulanga emĩrĩkĩ yawe. Nĩkwa mowabũga uti, Sindiendisyakola! kusangwa oko buli kitwa kiri nʼeyĩkwa oko buli muti mubisi, mowayiyira mo mũsĩngĩrĩ.

Yeremĩa 2:23

Wangatoka erĩbũga uti, Sindi mũhalĩrya, mondakwama Baalĩ kwehĩ? Tungerera enzira yawe omo musya! Uminye ekyo wabirikola! Uli ngamia ndere yangũhĩre eyĩkayĩgobaya omo nzira syayo,

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Yeremĩa 9:14

Nĩkwa babirirendera omo butsibu bwʼemitima yabo, nʼerikwama Baalĩ ebyo abotata wabo bakangĩrĩrayabo.

Emiganzo 25:3

Na Ĩsraelĩ mwalandikana na Baalĩ-Peorĩ; nʼOmwami Mukulu mwahitana uku Ĩsraelĩ.

Eryibuka Ebihano 31:16

Neryo Omwami Mukulu mwabũga na Musa ati, Lebaya, wasyeya abotata-kulu bawe; nʼabandu aba basyahangana, basyayira oburagane nʼesyonyamuhanga esĩtasĩbwe syʼekihugo eyo bakaya, basyanyĩsĩganĩa, nʼerĩtwa endagano yage eyo nabirilagana nabo.

Eryibuka Ebihano 4:25

Omugulu mwasyabuta abana nʼabitsikulu, imwamabibuga ebiro binene omo kihugo ekyo, ĩmũkayĩtsandaya, nʼeriyikolera esyosanamu sĩbatsĩre ngʼomubiri wʼekĩndũkĩ, mukakola ebibi omo meso wʼOmwami Mukulu Nyamuhanga wenyũ, erĩmũhĩtanĩa;

Abatswerĩ 10:10

Neryo abana ba Ĩsraelĩ mobalakira Omwami Mukulu, bati, Twamakũhalyako kusangwa twabĩrĩsĩganĩa Nyamuhanga wetu, kandi twabirikolera esyo Balĩ.

Abatswerĩ 10:6

Kandi abana ba Ĩsraelĩ mobaswakola ebibi omo meso wʼOmwami Mukulu, mobakolera esyo Balĩ na Astarotĩ, nʼesyonyamuhanga syʼeSĩrĩa nʼesyonyamuhanga syʼeSĩdona, nʼesyonyamuhanga syʼeMoabũ; nʼesyonyamuhanga syʼabana ba Amonĩ, nʼesyonyamuhanga syʼAbafĩlĩstĩnĩ mobasĩganĩa Omwami Mukulu, mobatamukolera.

Abatswerĩ 13:1

Nʼabana ba Ĩsraelĩ mobaswakola ebibi omo meso wʼOmwami Mukulu; neryo Omwami Mukulu mwahĩrabo omo byala byʼAbafĩlĩstĩnĩ emyaka makũmĩ ani (40).

Abatswerĩ 3:12

Nʼabana ba Ĩsraelĩ mobaswakola ebibi kandi omo meso wʼOmwami Mukulu. Neryo Omwami Mukulu mwaha amaka uku Eglonĩ omwami wʼeMoabũ eribambira Ĩsraelĩ, kusangwa babya ibabirikola ebibi omo meso wʼOmwami Mukulu.

Abatswerĩ 3:7

Nʼabana ba Ĩsraelĩ mobakola ebibi omo meso wʼOmwami Mukulu Nyamuhanga wabo, mobibirirwa Omwami Mukulu Nyamuhanga wabo, kandi mobakolera esyosanamu sya Baalĩ na Aseterotĩ.

Abatswerĩ 4:1

Nʼabana ba Ĩsraelĩ mobakola ebibi kandi omo meso wʼOmwami Mukulu, Ehũdĩ abihola.

Abatswerĩ 6:1

Kandi abana ba Ĩsraelĩ mobakola ekyabya kibi omo meso wʼOmwami Mukulu; neryo Omwami Mukulu mwahĩrabo omo byala byʼAbamĩdĩanĩ oko myaka irinda.

Abatswerĩ 6:25

Neryo ekiro ekyo, Omwami Mukulu mwamubwira ati, Ĩmaya enume yʼende ya tata wawe, nʼeyindi nume yʼakabiri yʼende eyʼemyaka irinda, ũhĩmbũle ekiherero kya Baalĩ ekyo tata wawe awite, kandi ukondere esanamu ya Asera yʼahisi eyĩhererenĩe nakyo;

Abatswerĩ 8:33

Neryo Gĩdeonĩ abere abihola, abana ba Ĩsraelĩ mobaswakwama Balĩ omo luteto, mobayira Balĩ-berĩtĩ mo nyamuhanga wabo.

1 Samwelĩ 12:10

Neryo mobalakira Omwami Mukulu, bati, Twabĩrĩhalya, kusangwa twabĩrĩsĩganĩa Omwami Mukulu, erikolera Mabalĩ na Astarotĩ. Nĩkwa lino ũtũlamaye omo byala byʼesyonzĩgũ syetu, netu tukandikukolera.

1 Samwelĩ 7:3

Neryo Samwelĩ mwabũga nʼenyũmba yosĩ ya Ĩsraelĩ ati, Mwamasuba oko Mwami Mukulu nʼomutima gosĩ, ego, mũhĩre esindi nyamuhanga syo hali, na Astarotĩ sĩlũe omo katĩkatĩ kenyũ, mũhĩre emitima yenyũ oko Mwami Mukulu, nʼerimukolera ĩyowene; naye akandĩbalamya omo byala byʼAbafĩlĩstĩnĩ.

1 Samwelĩ 7:4

Neryo abana ba Ĩsraelĩ mobahĩra Baalĩ na Astarotĩ syo hali, mobakolera Omwami Mukulu ĩyowene.