Abatswerĩ 19:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nʼomugulu omundu oyo ahangana erihongoka, iye nʼomũhwekĩ wuwe, nʼomugombe wuwe, ĩse-byala wuwe, ĩse wʼomwana-muto, mwamubwira ati, Lebaya, lino bukahumbera; kĩsĩ-kĩsĩ ulinde ugotsere eno kandi. Lebaya, obũtũkũ bũkĩra; ugotsere hano, omutima wawe atseme. Neryo iwahangana engyakya-ngyakya busana nʼolugendo lwawe iwabana eriya eka wawe.

Abatswerĩ 19:9 Iomraidhean Croise

2 Samwelĩ 13:28

Kandi Abũsaloma mwahana bagombe buwe ati, Mũlebaye ndeke omugulu omutima wa Amnonĩ atsemĩre omo bĩnyũ; nʼoko mugulu nasyabũga nenyũ nyiti, mũswĩraye Amnonĩ, neryo mũmwĩte; simubahe; ĩsĩ ngye ndaliabahana kwehĩ? mũsĩke, mubye mbangĩ.

Emĩsyo 27:1

Suyipipe busana nʼomungya; Kusangwa Sĩwasĩ ebyo ekiro kyangahũlũkya.

Luka 24:29

Nĩkwa mobahatikana Yesu bati, Wĩkale netu kusangwa bukahumbera, nʼomwĩrĩmya ali hakũhĩ. Neryo Yesu mwingira erĩĩkala nabo.

Abatswerĩ 19:10

Nĩkwa omundu oyo mwatanza eririnda ekiro ekyo, nĩkwa mwahangana, mwahongoka, mwahĩka hakũhĩ nʼeYebũsĩ (eyo ye Yerũsalema). Kandi iniawite esyopunda ĩbĩrĩ haguma naye ĩsĩsesĩre. Kandi iniawite haguma naye omũhwekĩ wuwe nibya.

Abatswerĩ 19:6

Neryo mobĩkala, kandi mobalya nʼerĩpũlya, ababiri abo haguma; neryo ĩse wʼomwana-muto oyo mwabũga nʼomundu oyo ati, Kĩsĩ-kĩsĩ, Ũlĩge, erigotsera eno ekiro ekĩ, nʼomutima wawe atseme.

Abatswerĩ 19:8

Neryo oko kiro kyʼakatanu mwabuka omo ngyakya-ngyakya ati akahongoka; kandi ĩse wʼomwana-muto mwabũga ati, Kĩsĩ-kĩsĩ, ũhũmũlaye omutima wawe, ulinde erĩhĩka okwʼirenga lyʼeryuba; neryo mobalya, ababiri abo.

Rũta 3:7

Neryo Boazĩ abere abirya nʼerĩpũlya, nʼomutima wuwe abitsema, mwayagotsera oko ndũlĩ yʼekilundo kyʼengano. Neryo Rũta mwasa bolobolo, mwaswikula ebisando biwe, mwagotseraho.