Abatswerĩ 19:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo mobĩkala, kandi mobalya nʼerĩpũlya, ababiri abo haguma; neryo ĩse wʼomwana-muto oyo mwabũga nʼomundu oyo ati, Kĩsĩ-kĩsĩ, Ũlĩge, erigotsera eno ekiro ekĩ, nʼomutima wawe atseme.

Abatswerĩ 19:6 Iomraidhean Croise

2 Samwelĩ 13:28

Kandi Abũsaloma mwahana bagombe buwe ati, Mũlebaye ndeke omugulu omutima wa Amnonĩ atsemĩre omo bĩnyũ; nʼoko mugulu nasyabũga nenyũ nyiti, mũswĩraye Amnonĩ, neryo mũmwĩte; simubahe; ĩsĩ ngye ndaliabahana kwehĩ? mũsĩke, mubye mbangĩ.

1 Abami 21:7

Na Yezebelĩ mũkalĩwe mwamubwira ati, Ukatabalira obwami bwʼAbaĩsraelĩ bo lino kwehĩ? Hangana, ulye akalyo, nʼomutima wawe atsange; ngandikuha eririma lyʼebĩnyũ lya Nabotĩ Omũyezreelĩ.

Esĩterĩ 1:10

Nʼoko kiro kyʼakalinda, omugulu omutima wʼOmwami abya akatsema omo bĩnyũ, omwami mwahamula Mehũmanĩ, na Bĩzĩta, na Harbona, na Bĩgĩta, na Abagĩta, na Zetarĩ, na Karkasĩ, abahanganĩrĩ balinda abakola embere syʼOmwami Ahasuero,

Esyonyimbo 104:15

Nʼebĩnyũ ebyʼerimũtsemesya, Nʼamagũta wʼerĩhakabya obũsũ buwe, Nʼobundu bwʼerimuha akagala.

Luka 12:19

Neryo nasyabwira omutima wage nyiti, Mutima, uwite bindu binene bĩbĩkĩre busana nʼemyaka mingi. Uhumule, ulye, Ũpũlaye, ũyĩtsemesaye.

1 AbanyaTesalonika 5:3

Omugulu abandu bakabũga bati, Hali Obuholo nʼerĩyĩsyandira, neryo-neryo eritogota lyasyĩtabo! Nabo sibendisyabala nʼahake, lyasyahĩka ngʼerikunda erĩkahĩka oko mũkalĩ.

Eribisurirwa 11:10

Kandi esyondũlanĩ syʼekihugo basyatsemera oluholo lwʼabalangĩrĩ babiri aba. Basyatsanga nʼerĩhereranĩa olũsũnzo, kusangwa abamĩnyererĩ babiri aba mobagalya abandu abĩkere omo kihugo.

Eribisurirwa 11:13

Nʼoko ndambĩ eyo nyisa-nyisa mohabya omũsĩkĩ munene, akahindi kaguma kʼomwʼĩkũmĩ kʼomũyĩ mokatera, nʼabandu maelfu alinda (7,000), mobakwa omo mũsĩkĩ oyo. Neryo abandi bandu mobakwa obuba, mobapipa obukulu bwa Nyamuhanga wʼelubula.

Abatswerĩ 16:25

Neryo omugulu emitima yabo yatsema, mobabũga bati, Mubirikire Samũsonĩ, atũsekaye. Neryo mobabirikira Samũsonĩ omo nyũmba yʼomũlĩkĩ; naye mwasekyabo. Kandi mobamũhĩra omo katĩkatĩ kʼesyondũyĩ syʼenyũmba.

Abatswerĩ 19:7

Neryo omundu oyo mwahangana erigenda, nĩkwa ĩse-byala wuwe mwamuhatikana, kyaleka iniagotseraho kandi.

Abatswerĩ 19:9

Nʼomugulu omundu oyo ahangana erihongoka, iye nʼomũhwekĩ wuwe, nʼomugombe wuwe, ĩse-byala wuwe, ĩse wʼomwana-muto, mwamubwira ati, Lebaya, lino bukahumbera; kĩsĩ-kĩsĩ ulinde ugotsere eno kandi. Lebaya, obũtũkũ bũkĩra; ugotsere hano, omutima wawe atseme. Neryo iwahangana engyakya-ngyakya busana nʼolugendo lwawe iwabana eriya eka wawe.

Abatswerĩ 9:27

Kandi mobaya omwʼirima, moboha ebĩgũma byʼamalima wʼebĩnyũ wabo, mobakamabyo, mobatsemerabyo, kandi mobingira omo nyũmba ya nyamuhanga wabo, mobalya mobapũlya, mobalakira Abĩmelekĩ.

Rũta 3:7

Neryo Boazĩ abere abirya nʼerĩpũlya, nʼomutima wuwe abitsema, mwayagotsera oko ndũlĩ yʼekilundo kyʼengano. Neryo Rũta mwasa bolobolo, mwaswikula ebisando biwe, mwagotseraho.

1 Samwelĩ 25:36

Kandi Abĩgaĩlĩ mwahĩka eyiri Nabalĩ; neryo, lebaya, ĩnĩabĩrĩkokotya erirya ĩnene omo nyũmba yiwe, ngʼerirya ĩnene lyʼOmwami; nʼomutima wa Nabalĩ ĩnĩatsangĩre omwisi wuwe, kusangwa ĩnĩabĩrĩkũnda kutsibu; busana nʼekyo mwatamubwira kyahi, ekike kutse kinene, erĩhĩka okwʼikya lyʼengyakya.