Abatswerĩ 19:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Kandi ĩba wuwe mwahangana, mwamukwamira, erĩyabũga naye ndeke erĩmũsũbũlya kandi, iniawite omugombe wuwe haguma naye, nʼesyopunda ĩbĩrĩ, neryo omũkalĩ oyo mwamuleta omo nyũmba ya tata wuwe; nʼomugulu ĩse wʼomwana-muto amulolako mwatsema erĩhĩndana naye.

Abatswerĩ 19:3 Iomraidhean Croise

Enzũko 34:3

Neryo Sekemũ mwanza Dĩna mwali wa Yakobo yo ndeke, kandi mwanza omwana-muto oyo, neryo mwabũga naye ebĩnywa bitendere.

Enzũko 50:21

Na lino simubahe. Ngandibalembera nʼabana benyũ. Neryo mwakĩranĩabo, mwabũga nabo ebibuya.

Yeremĩa 3:1

Nyamuhanga akabũga ati, Omundu amahiga omũkalĩ wuwe, naye akamũlũako, nʼeriya oko gundi mundu asyamusubira kwehĩ? Ekihugo ekyo sikyendisyatsanda kutsibu kwehĩ? Nĩkwa uwe wabĩrĩsĩngĩra nʼabaragane bangi, nĩkwa ukanyisubako, Omwami Mukulu atya.

Hosea 2:14

Busana nʼekyo, lebaya, ngandimukulula, nʼerimuleta omo mbwarara, nʼerĩbũga ndeke naye.

Hosea 2:16

Neryo Omwami Mukulu akabũga ati, Oko kiro ekyo, wasyanyibirikira mo Ĩsĩ, ĩbage, isiwendisyasyanyahula kandi mo Baalĩ, mukama wage.

Abalawĩ 19:17

Sũsyekwa mugala wenyũ yʼobusu omo mutima wawe; wasyakunga mũlĩkyenyũ kwenene, kandi suhingane nʼebibi biwe.

Abalawĩ 20:10

Nʼomundu oyũkasĩngĩra omũkalĩ wʼogundi mundu, nʼoyũkasĩngĩra omũkalĩ wa mwĩra wuwe, omũtetĩ wʼobulume nʼomũtetĩ wʼobũkalĩ kwenene basyĩtwa.

Emiganzo 22:22

Nĩkwa erihitana lya Nyamuhanga molyagulumira kusangwa Balama mwagenda, nʼomũlaĩka wʼOmwami Mukulu mwayikika omo nzira eribya enzĩgũ yiwe. Neryo Balama abere akagenda oko punda yiwe nʼabagombe buwe babiri babya haguma naye.

Matayo 1:19

Neryo Yosefũ oyo wamũsĩmolaya, ini mundu utunganene, siabya anzĩre erĩmwĩta esĩsonĩ, neryo mwasonda erimuleka bũbĩso-bĩso.

Yoane 8:11

Naye mwabũga ati, Mukama, sihali nʼomuguma. Neryo Yesu mwabũga ati, Nage sĩndĩkũhĩra kwʼomusango. Ugende, erĩtsũka lino Susyekola kibi kandi.]

AbanyaGalatia 6:1

Balĩkyetu, omundu amabanika Omwʼĩlolo, ĩnywe mukakola omo Mũlĩmũ, mũmũhanganaye; kandi, mukole mutya omo mutima molo, kandi Ũyĩtegaye, ukasyalengwako.

Abatswerĩ 15:1

Nĩkwa enyũma wʼaho, oko mugulu wʼerigesa engano, Samũsonĩ mwayabana omũkalĩ wuwe mwamutwalira ekyana kyʼembene; kandi mwabũga ati, Ngandiya omo kisenge kyʼogʼomwage. Nĩkwa tata wʼomũkalĩ mwatalĩga akayamo.

Abatswerĩ 19:2

Nʼomũhwekĩ wuwe mwamutswako eribya mũmalaya, mwamũlũako mwasuba omo nyũmba ya tata wuwe eBetelehemũ-Yũda, mwabyayo oko mikera ĩnĩ.

Abatswerĩ 19:26

Neryo omũkalĩ oyo mwasa bukakya, mwawa oko lũkyo lwʼenyũmba yʼomundu oyo eyo mukama wuwe abyamo, erĩhĩka aho bwakera.

Abatswerĩ 19:4

Neryo ĩse-byala, ĩse wʼomwama-muto oyo, mwamũlĩndya; naye mwĩkala haguma naye ebiro bisatu. Mobalya, nʼerĩpũlya, mobagotseraho.