Abatswerĩ 17:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼomundu oyo ye Mĩka abya nʼenyũmba yʼesyonyamuhanga, kandi mwakokotya eefodĩ nʼesisumba, neryo mwasolola omuguma oko bagala buwe, eribya mũhererĩ wuwe.

Abatswerĩ 17:5 Iomraidhean Croise

Enzũko 31:19

Nĩkwa Labanĩ abya iniamabigenda erĩyatwa obweya bwʼesyombũlĩ siwe, kandi Rakelĩ mwĩba ebisambo ebyabya bya tata wuwe.

Enzũko 31:30

Na lino ukasonda erigenda kusangwa ũkwĩre enyũmba ya tata wawe yʼolukando, nĩkwa wabĩrĩba ebisambo byage busana nakĩ kwehĩ?

1 Abami 12:31

Kandi Yeroboamũ mwahĩmba amanyũmba wʼahendata, kandi mwĩmya omo bandu bosĩ abahererĩ, abatabya bʼoko bagala ba Lawĩ.

1 Abami 12:32

Kandi Yeroboamũ mwahĩra ekiro kikulu omo mukera wʼomunani, oko kiro kyʼerĩkũmĩ nʼebitanu kyʼomukera, ekiri ngʼekiro kikulu ekyabya eYũda, neryo mwahetukira oko kiherero; mwakola atya eBetelĩ nibya, iniakahongera ebyana ebyo ahesa. Neryo mwahĩra eBetelĩ abahererĩ bʼahendata aho ahĩmba.

Ezera 1:7

Kandi omwami Kĩro mwahũlũkya ebindu byʼenyũmba yʼOmwami Mukulu, ebyo Nebũkadeneza alũsaya eYerũsalema, ebyo ahĩra omo nyũmba yʼesyonyamuhanga siwe;

Erĩlũayo 24:5

Neryo mwatuma abalwana ba Ĩsraelĩ, abahera amahere wʼerĩokererya, nʼerihera amahere wʼobuholo awʼesyonde oko Mwami Mukulu.

Erĩlũayo 28:15

Kandi wasyayira ekyuma kyʼekĩkũba kyʼeritswera, omũbĩrĩ wʼomunyimanyima; wasyayirakyo ngʼomũbĩrĩ wʼeefodĩ, owʼesyamagetsi, nʼowʼerangĩ yʼakanĩkĩ, nʼeyʼolubono, nʼeyʼengula, nʼolukimba lwʼekĩtanĩ kibuya ekĩlũkĩre ndeke, wasyakĩkokotya.

Erĩlũayo 28:4

Nʼesyongimba syesĩ esyo basyakokotya: ekyuma kyʼekĩkũba, nʼeefodĩ, nʼekanzu, nʼerĩkotĩ ryʼebitanga-bitanga, nʼakakĩra, nʼomukoba; basyakokotya esyongimba sĩbũyĩrĩre busana na Harũnĩ mugala wenyũ nʼabagala buwe, ibatoka erinyikolera omo mũbĩrĩ wʼobũhererĩ.

Erĩlũayo 29:9

Kandi wasyakũndĩkabo emiremba, Harũnĩ nʼabagala buwe, nʼerĩambalyabo otũkĩra; basyabya nʼomũbĩrĩ wʼobũhererĩ omo mugambo wʼebiro byosĩ; kandi wasyahigula Harũnĩ nʼabagala buwe.

Ĩsaya 44:13

Ogundi mundu akabatsa omuti akasanza olukoba lwʼerirengako. Iniasakakyo omo kalamu kʼengula. Ĩnĩategekanĩago omo mbatso, akasaka kukyo omo hyuma hyʼolulengo, kandi ĩnĩategekanĩago omo kĩsosekanĩo kyʼomundu omo bubuya bwʼomundu ikyatoka erĩĩkala omo nyũmba.

Ezekĩelĩ 21:21

Kusangwa omwami wʼeBabelĩ akahangana omo mahwa wʼenzira, aho mutwe wʼesyonzira ĩbĩrĩ, erilagula. Akasũkaya emisoha, akabũlaya esyosanamu siwe, akalangira omo marepe.

Ezekĩelĩ 21:26

Omukama Iye Omwami Mukulu ati, Lũsaya ekitambara, ũlũsaye embĩta. Sibyendisyaswabya bitya. Ũhamaye ekiri ahisi, ũkĩmaye ekiri endata.

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Hosea 8:14

Kusangwa Ĩsraelĩ abiribirirwa Omũhangĩkĩ wuwe nʼerĩhĩmba ebikali; na Yũda abĩrĩkanyĩa emĩyĩ ikongotere; nĩkwa nasyatuma omuliro omo mĩyĩ yako, nago asyahĩsya amanyũmba awasosĩre ebikali.

Emiganzo 3:10

Litya wasyahamula Harũnĩ nʼabagala buwe, nabo basyateya obũhererĩ bwabo; nʼowʼehandi amasegera hakũhĩ asyĩtwa.

AbaEbrania 5:4

Kandi sihali omundu oyukayisoga erĩsĩkĩbwa ngʼomũhererĩ mukulu oko bahererĩ bosĩ, nĩkwa ni Nyamuhanga oyukabirikira omundu busana nʼomũbĩrĩ oyũ, ngoko abirikira Harũnĩ.

Abatswerĩ 17:4

Kandi omugulu asũbũlĩraya nyĩnya yʼebĩtsĩpa ebyo, nyĩnya wuwe mwĩmya ebĩtsĩpa magana abiri, mwahabyo omũhesĩ wʼebĩtsĩpa, oyo wabatsa esanamu nʼeribamba kwʼebĩtsĩpa ebyo, mobyabya omo nyũmba ya Mĩka.

Abatswerĩ 18:14

Neryo abalume batanu abayalinga ekihugo kyʼeLaĩsĩ mobasũbĩrya, mobabwira bagala babo, bati, Mũnasĩ omo manyũmba aya ngoko muli eefodĩ nʼeterafĩmũ, nʼesanamu eyĩbatsĩre, eyĩbambĩre kwʼebĩtsĩpa, kwehĩ? Neryo lino muminye ekyo mwangakola.

Abatswerĩ 18:24

Naye mwabũga ati, Mwabiriheka esyonyamuhanga syage esyo nakokotaya, nʼomũhererĩ, nenyũ momwayigendera, nage ngwitekĩ kwehĩ? Neryo mukambwira muti, Ũkwĩrekĩ kwehĩ?

Abatswerĩ 18:30

Nʼabagala ba Danĩ mobayisingikira esanamu yʼeribatsa eyo; na Yonatana, omugala wa Gersomĩ, mugala wa Manase, iye nʼabagala buwe babya abahererĩ oko kihanda kya Danĩ erĩhĩka oko kiro kyʼerĩhũngwa lyʼekihugo.

Abatswerĩ 8:27

Neryo Gĩdeonĩ mwakokotya eefodĩ musyo, mwahĩrayo omo mũyĩ wuwe, eOfra. Na Ĩsraelĩ bosĩ mobayakwamayo omo luteto eyo; neryo moyabya ngʼekitego busana na Gĩdeonĩ nʼoko kĩtũnga kiwe.

1 Samwelĩ 19:13

Neryo Mĩkalĩ mwĩmya ekĩsosekanĩo, mwahĩrakyo omo ngyingo, kandi mwahĩra ekisegemero kyʼobweya bwʼembene oko mutwe wakyo, neryo mwaswikakyo emyenda.

1 Samwelĩ 23:6

Neryo omugulu Abĩatarĩ mugala wa Ahĩmelekĩ asagira eyiri Dawĩdĩ eKeĩla, mwandagala nʼeefodĩ omo byala biwe.