Abatswerĩ 17:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Na Mĩka mwamubwira ati, Wĩkale nage, ubye tata nʼomũhererĩ wage, nage nasyakuha ebĩtsĩpa ĩkũmĩ obuli mwaka, nʼolukimba lwʼeriambala, nʼakalyo. NʼOmũlawĩ oyo mwingiramo.

Abatswerĩ 17:10 Iomraidhean Croise

Enzũko 45:8

Neryo lino, sĩ ʼbũga ambu Ĩnywe mwanyituma eno, nĩkwa ye Nyamuhanga. Naye abĩrĩmbĩra eribya tata uku Farao, nʼomukama wʼekĩtũnga kiwe kyosĩ, nʼeribya mũtabalĩ oko kihugo kyosĩ kyʼeMĩsĩrĩ.

2 Abami 13:14

Nĩkwa omugulu Elĩsa abya alwere endwala eyamũholaya, Yoasĩ omwami wa Ĩsraelĩ mwandagalira ewa Elĩsa erimulirira, ati, Tata wage, tata wage, esyogalĩ sya Ĩsraelĩ, nʼabakagendaya esyosabayĩrĩ syayo!

2 Abami 2:12

Na Elĩsa mwalangira, mwabirikira ati, Tata wage, tata wage, esyogalĩ sya Ĩsraelĩ nʼabakagenda oko syosabayĩrĩ syasyo! Neryo mwataswamulolako; neryo mwahamba esyongimba siwe mwasatyasyo mo bihande bibiri.

2 Abami 6:21

Neryo omugulu omwami wʼeĨsraelĩ alangirabo, mwabwira Elĩsa ati, Tata wage, nyĩtebo kwehĩ? Nyĩtebo kwehĩ?

Yobũ 29:16

Monabya ĩse oko bʼobwaga, Monasonda-sonda omwatsi wʼoyo ndasĩ.

Ĩsaya 22:21

Nage nasyamwambalya ekanzu yawe, kandi asyamubohera kwʼomukoba wawe, kandi nasyamuha ehamũlĩ yawe. Naye asyabya tata wʼesyondũlanĩ syʼeYerũsalema, nʼoko kĩtũnga kya Yũda.

Ezekĩelĩ 13:19

Kandi mwabirinyitsuma omo katĩkatĩ kʼabandu bage busana nʼamakũndĩ wʼekisusu na busana nʼebitole byʼobundu, erĩĩta ebĩrĩmũ ebite byangahola, nʼerĩbalya ebĩrĩmũ ebiriho ebite byangabyaho, busana nʼeribihira abandu bage abakahulikirira amabehĩ.

Matayo 26:15

mwabũlyabo ati, Mwamalĩga erimbakĩ namahotera Yesu ũkwʼĩnywe kwehĩ? Nabo mobamulengera ebihande byʼebĩtsĩpa makũmĩ asatu.

Yoane 12:6

Nĩkwa Yũda abũga atya butsira erĩbũga ati atsomene abera, nĩkwa kusangwa abya mũrahĩ. Yũda abya akaheka engunza ĩnĩakĩba esyahĩrawa muyo.

1 Timoteo 6:10

Kusangwa erianza ebindu likaleta emĩsĩndo yosĩ yʼebibi. Abandi bandu abakasimbirirabyo babirireka erĩkĩrĩrya, babĩrĩyita omo malĩge mangi.

1 Petero 5:2

Mũlĩsaye esyombũlĩ sya Nyamuhanga esiri omo katĩkatĩ kenyũ. Mulemberesyo kusangwa mwanzĩre erikola mutya busana na Nyamuhanga, butsira erihatikanwa. Kandi Simukole mutya busana nʼerihembwa lisa, nĩkwa omo mũhwa wʼerikola.

Abatswerĩ 17:11

Neryo Omũlawĩ mwasĩma erĩĩkala nʼomundu oyo; nʼomũlwana oyo mwabya busana naye ngʼomuguma wʼoko bagala buwe.

Abatswerĩ 17:9

Neryo Mĩka mwamũbũlya ati, Ũkalũa hahi kwehĩ? Naye mwamũsũbĩrya ati, Ĩngye indi Mũlawĩ wʼeBetelehemũ-Yũda, kandi ngabungira aho nangabana omwanya.

Abatswerĩ 18:4

Naye mwabwirabo ati, Mĩka abirinyiyira atya nʼatya, kandi abirimba omũbĩrĩ, nage nabiribya mũhererĩ wuwe.

1 Samwelĩ 2:36

Neryo oyo wasyasĩgalira omo nyũmba yawe asyasa nʼerĩũnama embere siwe busana nʼekĩtsĩpa kiguma nʼekihande kyʼobundu, kandi asyabũga ati, Kĩsĩ-kĩsĩ, ũmbĩre omo mũbĩrĩ muguma wʼabahererĩ, inatoka erirya akatole kaguma kʼobundu.