Abatswerĩ 14:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nĩkwa tata wuwe na koyo wuwe mobataminya nga kĩnemũlũa oko Mwami Mukulu; kusangwa asonda omwanya wʼerilwa nʼAbafĩlĩstĩnĩ. Neryo oko mugulu oyo, Abafĩlĩstĩnĩ ibakatabala oko Baĩsraelĩ.

Abatswerĩ 14:4 Iomraidhean Croise

1 Abami 12:15

Neryo omwami mwatahulikirira bandu; kusangwa abya mwatsi Omwami Mukulu aberereraya, atoke erĩberererya ekĩnywa kiwe, ekyo Mwami Mukulu abwira Yeroboamũ mugala wa Nebatĩ omo buno bwa Ahĩya Omũsĩlonĩ.

1 Abami 12:24

Omwami Mukulu ati, Simusyehetuka nʼeriyalwa nʼabagala benyũ abana ba Ĩsraelĩ; obuli mundu asube omo nyũmba yiwe; kusangwa omwatsi oyũ akalũa kwĩngye. Neryo mobowa ekĩnywa kyʼOmwami Mukulu, mobasubula mobaya ewabo, ngʼekĩnywa kyʼOmwami Mukulu.

2 Abami 6:33

Neryo abere akabũga nabo, lebaya, omukwenda mwamwandagalirako; neryo mwabũga ati, Lebaya, ekibi ekĩ kĩkalũa oko Mwami Mukulu; nangaswalindirira Omwami Mukulu busana nakĩ kwehĩ?

2 Emyatsi yʼEmigulu 10:15

Neryo omwami mwatahulikirira abandu; kusangwa Nyamuhanga mwabindulago atya, Omwami Mukulu atoke erĩhanganĩa ekĩnywa kiwe, ekyo alayira Ahĩya Omũsĩlonĩ, busana na Yeroboamũ mugala wa Nebatĩ.

2 Emyatsi yʼEmigulu 22:7

Neryo erihera lya Ahazĩa lyabya lĩkalũa uku Nyamuhanga, kusangwa aya ewa Yoramũ; kusangwa abere ahĩka, mwagenda haguma na Yoramũ eriyalwa na Yehũ mugala wa Nĩmsĩ, oyo Mwami Mukulu ahakabaya amagũta eribya mwami busana nʼeribuga ekĩtũnga kya Ahabũ.

2 Emyatsi yʼEmigulu 25:20

Nĩkwa Amazĩa mwagana erĩowa; kusangwa omwatsi oyo alũa uku Nyamuhanga, iniatoka erĩhĩrabo omo byala bya Yoasĩ, kusangwa basonda-sonda esyonyamuhanga syʼeEdomũ.

Esyonyimbo 115:3

Nyamuhanga wetu ali omo lubula, Akakola ebyo anzĩre.

Danĩelĩ 6:4

Neryo abakulu nʼabatabalĩ mobasondya omwatsi ogo bangatsongera ko Danĩelĩ busana nʼobwami; nĩkwa mobatabana mwatsi kutse erĩlolo, kusangwa abya oyuteregula, kandi mwatabanika kwʼekibi, kutse oluhabo.

Eryibuka Ebihano 28:48

busana nʼekyo mwasyakolera esyonzĩgũ syenyũ esyo Mwami Mukulu asyatuma eribagotera, omo nzala, nʼenyota, nʼomo ndũmbũ, nʼeribula ebindu byosĩ; kandi asyahĩra engomo yʼekyuma oko bĩkya byenyũ erĩhĩka aho asyabahererya.

Yosũa 11:20

Kusangwa lyabya lyʼOmwami Mukulu erĩkalya emitima yabo eribambira Ĩsraelĩ omo malwa, iniatoka erĩheryabo kutsibu, sibaganyirawe, nĩkwa abane erĩheryabo, ngoko Mwami Mukulu ahana Musa.

Abatswerĩ 13:1

Nʼabana ba Ĩsraelĩ mobaswakola ebibi omo meso wʼOmwami Mukulu; neryo Omwami Mukulu mwahĩrabo omo byala byʼAbafĩlĩstĩnĩ emyaka makũmĩ ani (40).

Abatswerĩ 14:5

Neryo Samũsonĩ na tata wuwe na koyo wuwe mobandagalira eTĩmũna, mobahĩka oko malima wʼebĩnyũ byʼeTĩmũna; neryo lebaya, omusuko wʼendale mwamururumira.

Abatswerĩ 15:11

Neryo abalume bʼeYũda elfu ĩsatu mobandagalira omo mbatatanĩ yʼerĩbwe lyʼeEtamũ, mobabwira Samũsonĩ, bati, Sĩwasĩ Abafĩlĩstĩnĩ ko bali batabalĩ betu kwehĩ? Ekĩ nĩkĩ ekyo wabiritukolera kwehĩ? Neryo mwabwirabo ati, Ngoko banyikola ko nabirikolabo nyitya.

Abatswerĩ 15:3

Neryo Samũsonĩ mwabwirabo ati, Lero Sindiendisyabya oko lubanza lwʼAbafĩlĩstĩnĩ, omugulu ngakola bo nabi.