Biblia Todo Logo
Bìoball air-loidhne

- Sanasan -




Abatswerĩ 13:6 - AMASAKO ABOYTRTRE WA NYAMUHANGA AWAKAHULAWA MO BIBLIA

6 Neryo omũkalĩ mwasa mwabwira ĩba wuwe ati, Omundu wa Nyamuhanga mwakasa aho nyiri, obũsũ buwe bwabya ngʼobũsũ bwʼomũlaĩka wa Nyamuhanga wʼerĩũbahya kutsibu; nage mondamũbũlya ngʼakalũahi, kutse mwatambwira erĩna liwe.

Faic an caibideil Dèan lethbhreac




Abatswerĩ 13:6
29 Iomraidhean Croise  

Neryo mwasumba ameso wuwe mwalangira, neryo, lebaya, abandu basatu ibanimene embere siwe. Omugulu alangirabo, mwatibita nʼerĩhĩndana nabo akalũa omo lũkyo lwʼehema, neryo mũnama erĩhĩka oko kitaka,


Na Yakobo mwamũbũlya ati, Ngakũbũlaya unyibwire erĩna lyawe. Naye mwabũga ati, Busana nakĩ ũkabũlaya erĩna lyage kwehĩ? Neryo mwamutsumuliraho.


Neryo omũkalĩ mwabwira Elĩya ati, Uwe mundu wa Nyamuhanga, nĩkĩ omo katĩkatĩ ketu tunawe kwehĩ? Wabiriasa erireta erĩyĩbũkya ebibi byage, nʼerĩĩta mugala wage!


Nʼomũkalĩ mwabwira Elĩya ati, Lino namaminya kʼuli mundu wa Nyamuhanga, kandi kwʼekĩnywa kyʼOmwami Mukulu omo buno bwawe ni kwenene.


Neryo Elĩsa mwabũga ati, Oko mugulu oyũ oko gundi mwaka, wasyatambika omugala. Naye mwabũga ati, Iyihi, mukama wage, uwe mundu wa Nyamuhanga subihire omugombe wawe wʼobũkalĩ.


Neryo omũkalĩ oyo mwabwira ĩba wuwe ati, Lebaya, ngaminya ngoko mundu oyũ akalaba hano emigulu yosĩ ni mundu ũbũyĩrĩre wa Nyamuhanga.


Nʼomũlaĩka wʼOmwami Mukulu mwamuhulukira omo kisaka ekikaka mʼomuliro; naye mwalangira, neryo, talebaya ekisaka kikaka mʼomuliro, kandi ekisaka mokitakirira.


Kandi mwabũga ati, Ĩngye indi Nyamuhanga wa tata wawe, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo. Neryo Musa mwabĩsa ũbũsũ buwe; kusangwa mubaha erilola uku Nyamuhanga.


Neryo oyo mwambwira ati, Uwe Danĩelĩ, uwe mundu oyũsĩmĩrwe kutsibu, Uminye ebĩnywa ebyo ngabũga nawe, uhangane mwĩsĩsĩka; kusangwa namatumwa ukʼuwe lino. Nʼomugulu ambwira ekĩnywa ekĩ, monahangana ngatitimana.


monasumba ameso wage, nʼerilangira, neryo, lebaya, omundu iniambite ekĩtanĩ, nʼomo mbindi yiwe iniambite esyamagetsi esĩtũkwĩre sya Ũfasĩ.


Neryo Gabrĩelĩ mwasa hakũhĩ nʼaho nabya nyimene; nʼomugulu ahĩka monubaha, monatũlama oko bũsũ bwage, nĩkwa mwambwira ati, Uwe mugala wʼomundu, Uminye ngoko erilota eryo ni ryʼoko mugulu wʼendũlĩ.


Nʼomũlaĩka mwamũsũbĩrya ati, Ĩngye indi Gabrĩelĩ. Oyukahangana embere sya Nyamuhanga, kandi nabiritumwa erikubwira, nʼerikuletera Engulu Yowene eyĩ.


Neryo abere anemusaba, erisosa lyʼobũsũ buwe molyahinduka, nʼesyongimba siwe mosyahenĩa nʼerĩkangabasanĩa.


Nʼabosĩ ababya bĩkere omwʼĩbũgĩro, mobasamalira Setefano, mobalangira obũsũ buwe ibwamasosa obũsũ bwʼomũlaĩka.


Oyũ go mũyĩsa ogo Musa, omundu wa Nyamuhanga, atsumulamo abana ba Ĩsraelĩ embere wʼoluholo luwe.


Nĩkwa uwe, mundu wa Nyamuhanga, Usage emyatsi yosĩ eyĩ, ukwamirire eritunganene, erikenga Nyamuhanga, erĩkĩrĩrya, olwanzo, erĩsĩka, erihehera.


Neryo abana ba Yũda mobasegera hakũhĩ na Yosũa eGĩlgalĩ; na Kalebũ mugala wa Yefũne Omũkenĩzĩ mwabũga naye ati, Ũnasĩ ekĩnywa ekyo Mwami Mukulu abwira Musa omundu wa Nyamuhanga busana nage na busana nawe eKadesĩ-Barnea.


Neryo omugulu namulolako, monawa ahisi oko bisando biwe ngʼomundu oyũholĩre. Naye mwambĩra kwʼebyala biwe byʼamali, ati, Sigubahe, ĩngye indi wʼerĩmbere nʼowʼenyũma.


Nʼomũkalĩ oyo mwanguha, mwatibita, mwabwira ĩba wuwe, ati, Lebaya, omundu amambulukira, oyo wanyĩhĩkako ekiro kirya.


Na Manoa mwabũga na mũkalĩwe, ati, Kwenene tukandihola, kusangwa twabirilola uku Nyamuhanga.


Neryo omũlaĩka wʼOmwami Mukulu mwahulukira omũkalĩ oyo, mwamubwira ati, Talebaya lino, uli mugumba sulibuta; nĩkwa wasyaheka obukule, nʼeributa omugala.


Nĩkwa mwambwira ati, Lebaya, wasyaheka obukule, nʼeributa omugala; na lino Sũsyepũlaya ebĩnyũ kutse ebĩhĩre, kandi sulye kindu ekĩtsandĩre; kusangwa omwana asyabya Ekihangwa kya Nyamuhanga erĩtsũka omo nda erĩhĩka oko kiro kyʼoluholo luwe.


Neryo Manoa mwasaba Omwami Mukulu, ati, Uwe Mukama, ngakusaba, Uleke omundu wa Nyamuhanga oyo watuma ase kandi ũkwʼĩtwe, atũkangĩrĩraye ebyo twasyakolera omwana oyo wasyabutwa.


Nʼomũlaĩka wʼOmwami Mukulu mwasa, mwĩkala omo ndĩna yʼomuti wʼomũterebĩntĩ owabya eOfra, owabya lubibi lwa Yoasĩ Omũbĩezerĩ; nʼomugala wuwe Gĩdeonĩ abya akahũmba engano omo kikamiro kyʼebĩnyũ, busana nʼerĩbĩsayo oko Bamĩdĩanĩ.


Neryo omundu wa Nyamuhanga mwahĩka uku Elĩ, mwamubwira ati, Omwami Mukulu akabũga ati, Mondayĩkangya oko kĩtũnga kya tata wawe omugulu babya eMĩsĩrĩ omo mũlĩkĩ wʼekihanda kya Farao kwehĩ?


Neryo mugombe mwamubwira ati, Lebaya lino, omo mũyĩ oyũ muli omundu wa Nyamuhanga, naye ni mundu oyũsĩkĩbwe; ebyosĩ akabũga bikabererera kwenene; neryo tuyeyo; kwamũhwa anganatoka eritubwira omwatsi wʼolugendo lwetu olo tuliko.


Lean sinn:

Sanasan


Sanasan