Abatswerĩ 13:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nʼomũlaĩka wʼOmwami Mukulu mwabwira Manoa, ati, Nomo wanganyĩrĩndya, Sindiendirya akalyo kawe; kandi wamasonda erĩkokotya obuhere bwʼerĩokererya, litolere iwahongabo oko Mwami Mukulu. Kusangwa Manoa syabya asĩ kwʼabya mũlaĩka wʼOmwami Mukulu.

Abatswerĩ 13:16 Iomraidhean Croise

Enzũko 18:5

Nage ngandiyenda akahande kʼobundu akʼerĩsũbya emitima yenyũ yʼomo nda, enyũma wʼaho imwalaba, kusangwa muliasa oko mugombe wenyũ. Nabo mobabũga bati, Ukole utya ngoko wabĩrĩbũga.

Abatswerĩ 13:21

Nĩkwa omũlaĩka wʼOmwami Mukulu mwataswahulukira Manoa kutse uku mũkalĩwe. Neryo Manoa mwaminya kwʼalwe mũlaĩka wʼOmwami Mukulu.

Abatswerĩ 13:23

Nĩkwa omũkalĩ wuwe mwamubwira ati, Kumbe Omwami Mukulu alwe asĩmĩre erĩtwĩta, kumbe sĩangangĩrĩre obuhere bwʼerĩokererya nʼobuhere bwʼeyĩsyano omo byala byetu, kutse sĩangatũkangĩrye emyatsi yosĩ eyĩ, kutse sĩangatũbwĩre emyatsi ngʼeyĩ oko mugulu oyũ.

Abatswerĩ 6:20

Nʼomũlaĩka wa Nyamuhanga mwamubwira ati, Wĩmaye esĩswĩ nʼehitole ehite mo kĩhamya, ũhĩrebyo okwʼĩbwe erĩ, kandi gũte omuto. Naye mwakola atya.

Abatswerĩ 6:26

kandi ũhĩmbĩre Omwami Mukulu Nyamuhanga wawe ekiherero endata oko hakongotere aha ngʼeritondeka lyaho, kandi wĩmaye enume yʼende yʼakabiri uhereyo mo buhere bwʼerĩokererya oko ngwĩ syʼesanamu ya Asera eyo wakondera ahisi.