Abatswerĩ 10:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nʼerihitana lyʼOmwami Mukulu molyagulumira oko Baĩsraelĩ, neryo mwagũlyabo omo byala byʼAbafĩlĩstĩnĩ, nʼomo byala byʼabana ba Amonĩ.

Abatswerĩ 10:7 Iomraidhean Croise

Esyonyimbo 44:12

Wagũlaya abandu bawe busana nʼobũgũlĩ buke, Isulitagasakĩ omo bũgũlĩ obo.

Esyonyimbo 74:1

Uwe Nyamuhanga, busana nakĩ wabiritugusa kwehĩ? Wasyahitana oko bandu bawe kera na kera kwehĩ?

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Nahũmũ 1:2

Omwami Mukulu ni Nyamuhanga wʼobũha nʼowʼerĩkĩsya; Omwami Mukulu akakĩsaya, kandi ni wʼerihitana. Omwami Mukulu akakĩsaya esyonzĩgũ siwe, kandi akabikira esyonzĩgũ siwe eryagalirwa.

Nahũmũ 1:6

Nindi wangatoka erihangana embere wʼerihitana liwe kwehĩ? Kandi nindi wangatoka erĩĩkala omo bukali bwʼerihitana liwe kwehĩ? Erihitana liwe lĩkũtũkala ngʼomuliro, nʼamabwe akatulawa naye.

Abatswerĩ 10:8

Nabo mobagalya nʼerĩnũbya abana ba Ĩsraelĩ oko mwaka oyo; mobanũbya abana bosĩ ba Ĩsraelĩ ababya eyisirya wʼeYorodanĩ omo kihugo kyʼAbaamorĩ, ekiri eGĩleadĩ oko myaka ĩkũmĩ nʼomunani.

Abatswerĩ 13:1

Nʼabana ba Ĩsraelĩ mobaswakola ebibi omo meso wʼOmwami Mukulu; neryo Omwami Mukulu mwahĩrabo omo byala byʼAbafĩlĩstĩnĩ emyaka makũmĩ ani (40).

Abatswerĩ 2:14

Nʼerihitana lyʼOmwami Mukulu molyagulumira oko Baĩsraelĩ, neryo mwahereryabo omo byala byʼabanyeyĩ abanyegabo; kandi mwagũlyabo omo byala byʼesyonzĩgũ syabo esĩtĩmbĩre kubo, kyaleka ibatatoka eriswahangana embere wʼesyonzĩgũ syabo.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.

Abatswerĩ 6:1

Kandi abana ba Ĩsraelĩ mobakola ekyabya kibi omo meso wʼOmwami Mukulu; neryo Omwami Mukulu mwahĩrabo omo byala byʼAbamĩdĩanĩ oko myaka irinda.