Abatswerĩ 10:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kandi abana ba Ĩsraelĩ mobaswakola ebibi omo meso wʼOmwami Mukulu, mobakolera esyo Balĩ na Astarotĩ, nʼesyonyamuhanga syʼeSĩrĩa nʼesyonyamuhanga syʼeSĩdona, nʼesyonyamuhanga syʼeMoabũ; nʼesyonyamuhanga syʼabana ba Amonĩ, nʼesyonyamuhanga syʼAbafĩlĩstĩnĩ mobasĩganĩa Omwami Mukulu, mobatamukolera.

Abatswerĩ 10:6 Iomraidhean Croise

1 Abami 11:33

kusangwa babĩrĩnyĩsĩganĩa, kandi babĩrĩramya Asterotĩ, nyamuhanga wʼobũkalĩ wʼAbanya Sĩdonĩ, na Kemosĩ nyamuhanga wa Moabũ, na Mĩlkomũ nyamuhanga wʼabana ba Amonĩ; kandi sibetalendera omo nzira syage, erikola ebitunganene omo meso wage, nʼerĩteya ebihano byage nʼebilayiro byage, ngoko tata wuwe Dawĩdĩ akola.

1 Abami 11:5

Kusangwa Solomono mwakwama Asterotĩ, nyamuhanga wʼobũkalĩ wʼAba­nya. Sĩdonĩ, nʼerikwama Milkomũ esyonye syʼAbanya Amonĩ.

1 Abami 11:7

Neryo Solomono mwahĩmbĩra Kemosĩ, esyonye sya Moabũ, yʼahendata, oko kitwa ekiri embere wʼeYerũsalema, nʼerĩhĩmbĩra Molekĩ, esyonye syʼabana ba Amonĩ.

1 Abami 16:31

Neryo, nga mwatsi muke erigendera omo bibi bya Yeroboamũ mugala wa Nebatĩ, Ahabũ mwahĩkya Yezebelĩ ye mwali wa Etĩbaalĩ omwami wʼAbanya Sĩdonĩ, kandi mwayakolera Baalĩ, nʼerĩmũramya.

2 Abami 17:16

Mobaleka ebihano byosĩ byʼOmwami Mukulu Nyamuhanga wabo, mobayĩkokoterya esyosanamu syʼerĩnũnĩa, bye byana byʼesyonde bibiri, kandi mobakola esanamu ya Asera, kandi mobaramya omulondo gosĩ wʼelubula, kandi mobakolera Baalĩ.

2 Abami 23:13

Nʼahendata ahabya embere wʼeYerũsalema, ahabya oko luhande lwʼamali lwʼekitwa kyʼerĩherĩbwa aho Solomono omwami wʼeĨsraelĩ ahĩmba busana na Asterotĩ esyonye syʼAbanya Sĩdonĩ, na busana na Kemosĩ esyonye sya Moabũ, na busana na Mĩlkomĩ esyonye syʼabana ba Amonĩ, omwami mwatsandyabyo.

2 Emyatsi yʼEmigulu 28:23

Kusangwa mwahongera esyonyamuhanga syʼeDamasekĩ, esyamwĩta; kandi mwabũga ati, Kusangwa esyonyamuhanga syʼabami bʼeSũrĩa mosyawatĩkyabo, neryo nage ngandihongerasyo sĩnyĩwatĩkaye nage. Nĩkwa mosyamũtwĩkalya nʼAbaĩsraelĩ bosĩ.

Esyonyimbo 106:36

Mobaramya esyosanamu syabo, Ekĩ mokyaheryabo;

Ĩsaya 23:4

Ũkwe esĩsonĩ uwe Sĩdonĩ, kusangwa engetsi ĩkabũga, ahakangatĩre hʼengetsi, hati, Sinditakunda, kutse eributa, sĩndĩtakũlya abalwana, kutse erĩkũlya abana-bato.

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Yeremĩa 2:20

Kusangwa oko mugulu wa kera nabĩrĩtwa engomo yawe, nʼeritulanga emĩrĩkĩ yawe. Nĩkwa mowabũga uti, Sindiendisyakola! kusangwa oko buli kitwa kiri nʼeyĩkwa oko buli muti mubisi, mowayiyira mo mũsĩngĩrĩ.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Ezekĩelĩ 27:16

Sũrĩa abya omũtũndĩ wawe busana nʼobungi bwʼobũsokĩ bwawe. Mobaliha busana nʼebindu byawe omo zũmarĩdĩ, nʼolukimba lwʼekinyenze, nʼomũbĩrĩ wʼeritsotsa, nʼekĩtanĩ kibuya, nʼamarĩzanĩ, na akĩkĩ.

Eryibuka Ebihano 13:6

Omugala wenyũ, mugala wa koyo wawe, kutse mugala wawe, kutse mwali wawe, kutse omũkalĩ wʼekĩkũba kyawe, kutse omwĩra wawe, oyuli ngʼekĩrĩmũ kyawe, amabohya bũbĩso-bĩso, ati, Tuyakolere esindi Nyamuhanga (esyo mutabya mwasĩ, uwe, kutse abotata-kulu wawe),

Eryibuka Ebihano 13:8

sũsyemũlĩgĩra, kutse erimuhulikirira; nʼerĩso lyawe sirisyemuganyira, kandi sũsyemũbalaya kutse syusyemũbisa.

Eryibuka Ebihano 31:16

Neryo Omwami Mukulu mwabũga na Musa ati, Lebaya, wasyeya abotata-kulu bawe; nʼabandu aba basyahangana, basyayira oburagane nʼesyonyamuhanga esĩtasĩbwe syʼekihugo eyo bakaya, basyanyĩsĩganĩa, nʼerĩtwa endagano yage eyo nabirilagana nabo.

Eryibuka Ebihano 31:17

Neryo erihitana lyage lyasyaka kubo oko kiro ekyo, nage nasyasĩgabo, nasyabĩsabo obũsũ bwage, nabo basyahwa, nʼebibi bingi nʼamalĩge asyahĩka kubo; kyasyaleka ĩbabũga oko kiro ekyo bati, Ebibi ebĩ sibyatatũhĩkako kusangwa Nyamuhanga wetu siali haguma netu kwehĩ?

Eryibuka Ebihano 32:15

Nĩkwa Yesũrũnĩ mwaneneha, mwalyata omwĩse. Mwabirineneha, mwabiritunahala, mwamatendera; Neryo mwasĩganĩa Nyamuhanga oyo wamũkengeregesanaya, Mwaserembula Erĩbwe ryʼerilama liwe.

Yosũa 13:31

Nʼekihande kyʼeGĩleadĩ nʼeAstarotĩ, nʼeEdĩreĩ, emĩyĩ yʼobwami bwa Ogĩ omo Basanĩ, yabya busana nʼabana ba Makĩrĩ mugala wa Manase, ekyo kye kihande kyʼabana ba Makĩrĩ ngʼolulengo lwʼebĩtũnga byabo.

Abatswerĩ 10:5

Neryo Yaĩrĩ mwahola, mwatabwa eKamonĩ.

Abatswerĩ 11:24

Sũlĩsĩgalaya ekyo Kamosĩ nyamuhanga wawe akakuha erĩsĩgalya kwehĩ? Litya ekyo Mwami Mukulu Nyamuhanga wetu asyasingula embere syetu ba nʼabo twasyasĩgalya.

Abatswerĩ 13:1

Nʼabana ba Ĩsraelĩ mobaswakola ebibi omo meso wʼOmwami Mukulu; neryo Omwami Mukulu mwahĩrabo omo byala byʼAbafĩlĩstĩnĩ emyaka makũmĩ ani (40).

Abatswerĩ 16:23

Nʼabakama bʼAbafĩlĩstĩnĩ mobahĩndana haguma eriherera ehongo nene uku Dagonĩ nyamuhanga wabo, nʼeritsema; kusangwa babũga bati, nyamuhanga wetu abĩrĩhĩra Samũsonĩ enzĩgũ yetu, omo byala byetu.

Abatswerĩ 3:7

Nʼabana ba Ĩsraelĩ mobakola ebibi omo meso wʼOmwami Mukulu Nyamuhanga wabo, mobibirirwa Omwami Mukulu Nyamuhanga wabo, kandi mobakolera esyosanamu sya Baalĩ na Aseterotĩ.

Abatswerĩ 4:1

Nʼabana ba Ĩsraelĩ mobakola ebibi kandi omo meso wʼOmwami Mukulu, Ehũdĩ abihola.

Abatswerĩ 6:1

Kandi abana ba Ĩsraelĩ mobakola ekyabya kibi omo meso wʼOmwami Mukulu; neryo Omwami Mukulu mwahĩrabo omo byala byʼAbamĩdĩanĩ oko myaka irinda.

Abatswerĩ 8:33

Neryo Gĩdeonĩ abere abihola, abana ba Ĩsraelĩ mobaswakwama Balĩ omo luteto, mobayira Balĩ-berĩtĩ mo nyamuhanga wabo.

1 Samwelĩ 5:2

NʼAbafĩlĩstĩnĩ mobatwala erĩsandũko lya Nyamuhanga, mobatwalalyo omo nyũmba yʼesanamu ya Dagonĩ, mobasingikalyo oko mũsĩke wa Dagonĩ.