AbanyaFilipi 4:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Mubye mukakola emyatsi eyo mwiga, nʼeyo mwangirira ewage, kandi emyatsi eyo mowa, nʼeyo mwalolako ngakola. Neryo Nyamuhanga Omwenye Obuholo asyabya nenyũ.

Nouveau Testament et Psaumes en Ndandi Version 1962

⁹ Ebyo mwabiriiga kwingye nebyo mwabiriangi rira nebyo mwabiriowa nebyo mwabirilangira kwingye, muko lebyo, noMungu wobuholo asyabya haguma nenyu.

AbanyaFilipi 4:9 Iomraidhean Croise

Ĩsaya 41:10

Sigubahe, kusangwa indi haguma nawe. Susamalire handi nʼerisweka, kusangwa indi Nyamuhanga wawe. Ngandikuha amaka, kwenene ngandĩkũwatĩkya, kwenene ngandikuwatirira omo byala byʼamali byʼeritunganene lyage.

Ĩsaya 8:10

Mũyĩsũnze omwatsi nĩkwa akandĩsyakũba; mũbũge ekĩnywa, isikyendisyahangana; kusangwa Nyamuhanga ali haguma netu.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Matayo 7:21

Si yo mundu oyukanyahula ati, Mukama, Mukama, yo wasyingira omo Bwami bwʼelubula; nĩkwa yo nʼoyukakola erisonda lya Tata wage oyuli elubula.

Luka 6:46

Busana nakĩ mukanyahula mo Mukama, Mukama, isimulikola ebyo ngababwira kwehĩ?

Luka 8:21

Nĩkwa Yesu mwasũbĩryabo ati, Koyo wage, nʼabagala betu ba bakowa ekĩnywa kya Nyamuhanga, nʼerikolakyo.

Yoane 13:17

Mwamaminya emyatsi eyĩ, muli nʼobutseme mwamakolayo.

Yoane 15:14

Nenyũ muli bĩra bage, mwamakola ebyo ngabahana.

Yoane 2:5

Neryo nyĩnya wuwe mwabwira abagombe ati, Ebyosĩ akababwira, mukolebyo.

Emibiri 9:6

Nĩkwa uhangane, wingire omo mũyĩ, nʼeyo wasyabwirwa ebyo utolere iwakola.

AbanyaRoma 15:33

Neryo Nyamuhanga oyukatuha Obuholo abye haguma nenyũ ĩnywe bosĩ. Amina.

AbanyaRoma 16:20

Kandi Nyamuhanga oyukatuha Obuholo, asyahĩnolera Satanĩ yo lũba omwisi wʼebisando byenyũ. Olukogo lwʼOmukama wetu Yesu lubye nenyũ.

1 AbanyaKorinto 10:31

Neryo wamalya akalyo kutse ũkapũlya, kutse Wamakola ekĩndũkĩ, Ukole ebyosĩ busana nʼeriha olukengerwa uku Nyamuhanga.

1 AbanyaKorinto 14:33

Kusangwa Nyamuhanga si Nyamuhanga wʼolukanda, nĩkwa ni wʼobuholo. Ngoko biri omo syokanĩsa syosĩ syʼabandu ba Nyamuhanga,

1 AbanyaKorinto 4:16

Neryo ngabalemba-lemba nyiti mubye mukanyĩgerererya.

2 AbanyaKorinto 13:11

Neryo balĩkyetu, Obuholo! Mukwame erĩhĩkana, mowe ebyo ngabũga; mubye nʼobũlengekanĩa buguma, musibe buholo; na Nyamuhanga wʼolwanzo nʼowʼobuholo asyabya haguma nenyũ.

Eryibuka Ebihano 5:1

Neryo Musa mwabirikira Abaĩsraelĩ bosĩ, mwabwirabo ati, Ĩnywe Baĩsraelĩ, mowe emigambo nʼebilayiro ebyo ngabũgĩra omo matwĩ wenyũ mũnabwĩre, imwabana eriigabyo, nʼerikolabyo.

AbanyaFilipi 3:17

Balĩkyetu, mubye mũkanyĩgerererya. Mũlebaye ngʼabandi abakalendera omwʼitegeka lyetu.

AbanyaFilipi 4:7

Nʼobuholo bwa Nyamuhanga, Obũlabĩre amenge gosĩ, bwasyateya emitima yenyu nʼamaganĩrya wenyũ omwisi wa Kristo Yesu.

1 AbanyaTesalonika 1:6

Nenyũ mwatũgerereraya, kandi mwagerereraya Omukama nibya. Nomo mwanabana amalĩge mangi, momwangirira erĩkangĩrĩrya eryo omo butseme obũkalũa oko Mũlĩmũ Abũyĩrĩre.

1 AbanyaTesalonika 2:14

Kusangwa balĩkyetu, emyatsi eyo yahĩka omo makanĩsa wa Nyamuhanga eYũdea, nʼoko bandu ba Kristo Yesu eyo; emyatsi eyo yamabahĩkako nenyũ. Momwalola oko malĩge omo byala byʼabandu bʼekihugo kyenyũ, ngoko nabo mobagalwa omo byala byʼAbayũda.

1 AbanyaTesalonika 5:23

Neryo Nyamuhanga oyukaha Obuholo, iye abahigule ĩmwahĩkana. Kandi abategaye omo kĩrĩmũ kyenyũ, nʼomutima wenyũ, nʼomubiri wenyũ, imwabya butsira kahinira okwʼĩhĩka lyʼomukama wetu Yesu Kristo.

2 AbanyaTesalonika 3:4

Kandi Omukama akaleka itwayiketera nywe, tuti munemukola, kandi mwasyakola ebyo tukabategeka.

2 Timoteo 4:22

Omukama abye nʼomutima wawe. Olukogo lwa Nyamuhanga lubye nʼĩnywe bosĩ.

Yakobo 1:22

Mubye bandu abakakola nʼerĩowa ebĩnywa bya Nyamuhanga, butsira abakahulikirira lisa nʼeriyiteba.

2 Petero 1:10

Neryo balĩkyetu, mubye nʼomũhwa wʼerĩhanganĩa ndeke eribirikirwa lyenyũ, nʼeriyisogwa lyenyũ, kusangwa mwamakwama mutya, simwendisyatoga na kera.

1 Yoane 3:22

Kandi tukabana ebyosĩ ebyo tũkamũbũlaya, kusangwa tukakwama ebihano biwe, kandi tukakola emyatsi eyo eyĩkamũtsemesaya.