AbanyaFilipi 4:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Ego, balĩkyetu, mũsũlaye amalengekanĩa wenyũ omo myatsi mibuya nʼeyangapipwa. Emyatsi eyo yeyĩ: ebyʼekwenene, ebyʼerĩsĩkĩbwa, ebitunganene, ebĩbũyĩrĩre, ebyanganzwa, ebyʼerĩsĩmwa.

Nouveau Testament et Psaumes en Ndandi Version 1962

⁸ Eribuga, balikyetu, ebyosi ebiri kwenene, ebyosi ebiri byeri sikibwa, nebyosi ebitunganene, nebyosi ebiri bibuya, nebyosi ebyanganzwa, nebyosi ebyerisimwa, hamabya hari ekibuya kilabire, kutse hamabya hari ekyangapipwa, muganiraye emyatsi eyi.

AbanyaFilipi 4:8 Iomraidhean Croise

Enzũko 18:19

Kwenene nabiriyisogaye iniatoka erihana abana buwe nʼenyũmba yiwe enyũma siwe, ĩbateya enzira yʼOmwami Mukulu erikola ekitunganene nʼeritswera eritunganene. Neryo Omwami Mukulu atoke eriretera Abrahamũ yʼebyo amulaga.

2 Samwelĩ 1:23

Saũlo na Yonatana, babya banzĩrwe nʼabʼerĩtsemesya omo mayingo wabo, Kandi mobatagabana omo luholo lwabo. Babya bangũhĩre kwilaba amasamba, Babya nʼamaka kwilaba esyondale.

2 Samwelĩ 23:3

Nyamuhanga wa Ĩsraelĩ mwabũga, Omũlemberĩ wa Ĩsraelĩ mwabũga nage, Oyukatabala oko bandu nʼeritunganene Oyukatabala omʼubaha lya Nyamuhanga,

Esyonyimbo 82:2

Litolere imwaleka eritswera butsira lĩbanza, Muleke erisombola ababi!

Emĩsyo 11:1

Olulengo lwʼobũtebya ni nye oko Mwami Mukulu; Nĩkwa ekĩrengĩ kĩhĩkene kĩkamũtsemesaya.

Emĩsyo 12:4

Omũkalĩ mugenge nĩ kakĩra kʼĩba wuwe; Nĩkwa oyukahemula ali ngʼerihonda omo makũha wuwe.

Emĩsyo 16:11

Ebikalingirirana nʼekĩlo ni byʼOmwami Mukulu; Ehĩrengĩ hyosĩ omo ngunza nĩ mĩbĩrĩ yiwe.

Emĩsyo 20:7

Omundu utunganene akalendera omo litunganene riwe, Nʼabana buwe ni batsumulwa enyũma wuwe.

Emĩsyo 31:10

Omũkalĩ mugenge nindi wanganabana kwehĩ? Kusangwa enzwere yiwe ĩlabĩre esyolulu syo kutsibu.

Emĩsyo 31:29

Abana-bato bangi babirikola ebibuya, Nĩkwa uwe ũlabĩrye abosĩ omo bubuya.

Emĩsyo 31:31

Umuhe endũndĩ yʼebyala biwe; Nʼemĩbĩrĩ yiwe yimupipe omo syongyo.

Olwimbo lwʼEsyonyimbo 5:16

Obuno buwe bũsĩhĩre kutsibu. Ega, ni mubuya kutsibu anganzwa, Oyũ yo mwanze wage, nʼoyũ yo mwĩra wage, ĩnywe bali bʼeYerũsalema.

Ĩsaya 26:7

Enzira yʼabatunganene itendere, Uwe utunganene, uyire enzira yʼabatunganene mo yilambatikene.

Matayo 22:16

Neryo mobatuma abiga babo haguma nʼAbanya Herode uku Yesu bati, Mũkangĩrĩrya, tũnasĩ kʼuli wʼekwenene, kandi Akakangĩrĩraya enzira ya Nyamuhanga omo kwenene, sulitsomana mundu, sulitsomana amalengekanĩa wʼabandu, kandi sulisombola ebitaga nʼebite bitaga.

Mariko 6:20

Kusangwa Herode abya akubaha Yoane, ĩnĩanasĩ ngoko Yoane abya mundu mutunganene nʼoyũbũyĩrĩre, neryo mwamũteya ndeke. Nĩkwa Herode mwanza erimuhulikirira nĩkwa mwaganga-ganga busana nʼebĩnywa biwe.

Luka 16:15

Nĩkwa Yesu mwabwirabo ati, Ĩnywe muli abakayĩtũngananaya omo meso wʼabandu, nĩkwa Nyamuhanga anasĩ emitima yenyũ. Kusangwa ebyo abandu bakaganĩraya nga ni binene, Sibiri na mugaso omo meso wa Nyamuhanga.

Luka 2:25

Neryo habya omundu eYerũsalema oyukahulawa mo Sĩmeonĩ. Abya mundu utunganene iniakakenga Nyamuhanga. Abya akalinda erilama lyʼeĨsraelĩ; nʼOmũlĩmũ Abũyĩrĩre abya haguma naye.

Luka 23:50

Nĩkwa habya omundu oyukahulawa mo Yosefũ wʼeArĩmatea, omũyĩ wʼAbayũda. Yosefũ abya mundu mubuya, nʼoyutunganene ini mundu wʼomwʼĩbũgĩro.

Yoane 7:18

Omundu oyũ akabũga ebiwe, akasonda eripipa liwe; nĩkwa Oyukasonda eripipa lyʼoyo wamutuma, iye ni kwenene, kandi sihali ekitatunganene omwisi wuwe.

Emibiri 10:22

Nabo mobabũga bati, Kornelĩo, omukulu wʼerĩgana, ni mundu utunganene oyũkaramaya Nyamuhanga, kandi akakengawa nʼabandu bosĩ bʼAbayũda. Ahanawa nʼomũlaĩka wa Nyamuhanga akutumireko eriya ewuwe, owe ebĩnywa byawe.

Emibiri 22:12

Neryo habya mundu muguma yo Anania, oyo wabya mundu wʼekisomo, kandi abya akakenga Emigambo yetu, kandi iniakahulawa ndeke nʼAbayũda bosĩ ababya bĩkere eDamasĩkĩ.

Emibiri 6:3

Nĩkwa balĩkyetu, muyisoge abandu balinda omo katĩkatĩ kenyũ, abakasĩmawa, aboswĩre nʼOmũlĩmũ Abũyĩrĩre nʼamenge, tũhĩrebo oko mũbĩrĩ oyũ.

AbanyaRoma 13:13

Tulendere ngoko litolere omugulu bukere, situtamire nʼerĩkũnda, situbye nʼoburagane nʼesyongumbu nyibi, situlwe, situbye nʼobũha.

AbanyaRoma 13:3

Kusangwa abatabalĩ sibaliho busana nʼerĩũbahya oyukakola ndeke, nĩkwa busana nʼerĩũbahya oyukakola nabi. Ũnanzĩre eritindiubaha omundu wʼehamũlĩ kwehĩ? Ego, Ukole ndeke neryo basyakupipa.

AbanyaRoma 14:18

Kusangwa oyukakolera Kristo atya akatsemesaya Nyamuhanga, kandi abandu bakamũsĩma.

AbanyaRoma 2:29

Nĩkwa omundu nĩ Mũyũda oyuli Mũyũda omo mutima wuwe, ĩnĩabĩrĩbanĩbwa omo mutima busana nʼomũbĩrĩ wʼOmũlĩmũ Abũyĩrĩre, butsira nʼebĩnywa byʼEmigambo. Omundu oyo akapipawa na Nyamuhanga, butsira bandu.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 AbanyaKorinto 13:7

Neryo tukasaba Nyamuhanga tuti Simukole ekibi, sĩʼbũga ambu tuminyikale nga twamataluka.

2 AbanyaKorinto 6:8

Tũkasĩkĩbawa, kandi tukahemulawa; tukatsumulawa, nʼerĩsĩmwa, bakatuganza ngʼababehĩ, nĩkwa tũkabũga ebyʼekwenene.

2 AbanyaKorinto 8:18

Kandi twabirituma haguma naye, Omũlĩkyetu, oyũsĩmĩrwe omo makanĩsa gosĩ busana nʼomũbĩrĩ wuwe wʼerĩtũla Engulu Yowene.

2 AbanyaKorinto 8:21

Kusangwa twanzĩre erikola ekitolere embere syʼOmukama, nʼakandi embere syʼabandu.

AbanyaGalatia 5:22

Nĩkwa emikolere eyĩkalũa oko Mũlĩmũ yeyĩ: olwanzo, obutseme, Obuholo, eriyibombeka, obwenge, obubuya, eritendiregula,

AbanyaEfeso 4:25

Neryo mugane eribiha lyosĩ. Obuli mundu abũge ebyʼekwenene oko mũlĩkyabo, kusangwa ĩtwe bosĩ tuli balĩkyabo omo mubiri wa Kristo.

AbanyaEfeso 5:9

(Kusangwa ekyakakala kikaleta emĩsĩndo yosĩ yʼebibuya, nʼebitunganene, nʼebyʼekwenene).

AbanyaEfeso 6:14

Neryo muhangane, mũsĩke, mũhĩre omwatsi wʼekwenene ngʼomukoba omo mbindi syenyũ. Mwambale eritunganene ngʼekindu kyʼamalwa ekĩkategaya ekĩkũba.

Eryibuka Ebihano 16:20

Mwasyakwama ebitunganene ndeke, imwatoka eribyaho, nʼerĩsĩgalya ekihugo ekyo Mwami Mukulu Nyamuhanga wenyũ akabaha.

AbanyaFilipi 3:1

Ego, balĩkyetu, mutsemere Omukama! Sĩrĩkalĩre busana nage eribasakira emyatsi eyĩ, kandi ĩkabategaya.

AbanyaKolosai 4:5

Mulendere nʼamenge oko bandu abatĩkĩrĩrye, imukasonda esaa yʼeriimira Kristo.

1 AbanyaTesalonika 4:12

Neryo imwatoka erĩsĩmwa nʼabatĩkĩrĩrye, kandi simwendisyabya nʼobwaga bwʼekindu.

1 Timoteo 2:2

Kandi busana nʼabami, nʼabandi bosĩ abakatabala, tutoke erisiba buholo butsira mwaga, itukakenga Nyamuhanga, nʼeriyitondeka ndeke.

1 Timoteo 3:11

Abakalĩ nabo bangabya abasĩkĩbwe, Sibabye abakatonga abandi, nĩkwa babye abatekũnda, abateregula omo myatsi yosĩ.

1 Timoteo 3:4

Abye mundu oyukategeka ndeke abʼomuwe, nʼabana buwe ibakayolobeka nʼerimukenga.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

1 Timoteo 5:10

Kandi abye ĩnĩakũmayĩre busana nʼemĩbĩrĩ yowene; landi amabya oyo wabĩrĩkũlya abana bo ndeke, kandi amabya ĩnĩabĩrĩkokya abagenĩ bʼehali, kutse ĩnĩabĩrĩnabya ebisando byʼabandu ba Nyamuhanga, kandi amabya abĩrĩwatĩkya abali omo bũlĩge, kandi amabya abiriyiha erikola obuli mũbĩrĩ owene.

1 Timoteo 5:2

Kandi uhane abakekulu ngʼabokoyo, nʼabakalĩ balere ngʼabali benyũ, igunemuhana nʼomutima ate kwʼebibi.

Tito 1:8

Nĩkwa abye oyũkakokaya abagenĩ, ĩnĩanzĩre ekibuya. Atolere iniabya oyukayihana, oyutunganene, oyũbũyĩrĩre, oyũkayĩtegaya.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

Tito 2:2

Ubwire abasyakulu uti sĩbakũnde, babye bʼamenge, bayĩtegaye; babye abakalĩre omwʼĩkĩrĩrya, nʼomo lwanzo, nʼomwʼĩyĩyĩnĩa.

Tito 2:7

Nawe ubye kĩmĩnyĩsyo kyʼemikolere mibuya, ũkangĩrĩraye ebyʼamenge, awate ko matebo.

Tito 3:14

Kandi abandu betu bige erisiba erikola emĩbĩrĩ yowene, nʼerĩwatĩkya ahali obwaga, ibabya bandu bʼendũndĩ.

AbaEbrania 11:2

Kusangwa busana nʼerĩkĩrĩrya lyabo, abandu ba kera mobabana erĩsĩmwa lya Nyamuhanga.

AbaEbrania 13:18

Mubye mukatusabira, kusangwa tũnasĩ tuwite obunya-mutima bowene, ĩtwanzĩre erikola ebibuya omo myatsi yosĩ.

Yakobo 1:27

Ekisomo kibuya, ekite nʼebĩtĩsĩrĩre embere sya Nyamuhanga Tata kyekĩ: erĩwatĩkya esyongũbĩ nʼabakwakalĩ omo bũlĩge bwabo, kandi eriyihigula oko myatsi mibi yʼekihugo.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 4:8

Kwilaba emyatsi yosĩ, mũkwe omũhwa wʼerianzana kutsibu, kusangwa olwanzo lũkakũnĩngĩra ebibi bingi.

2 Petero 3:1

Balĩkyetu banze, eyĩ ni barua yʼakabiri ngabasakira. Omwʼĩbĩrĩ syosĩ ngalenga erĩbũkya oko bũlengekanĩa bubuya.

1 Yoane 3:18

Bana bage, simwanze omo bĩnywa kutse omo lulimi lusa, nĩkwa twanze omo mĩbĩrĩ nʼekwenene.

1 Yoane 3:3

Nʼobuli mundu oyuli nʼamaha aya uku Kristo, akayihigula oko bibi, ngoko Kristo abũyĩrĩre.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.

Rũta 3:11

Na lino mwali wage, Sigubahe; ngandikukolera ebyosĩ ũkabũga; kusangwa omũyĩ gosĩ wʼabandu bage banasĩ ngoko uli mũkalĩ mugenge.