AbanyaFilipi 4:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Sĩmũhanga-hangaye emitima yenyũ, nĩkwa omo buli mwatsi mubwire Nyamuhanga obwaga bwenyũ, imukamusaba nʼerimuhatikana, imunemuha ewasĩngya.

Nouveau Testament et Psaumes en Ndandi Version 1962

⁶ Simubye namaganiryo busana nekindu nekiguma, nikwa omo byosi busana nerisaba nerihatikana haguma newasingya muminyisaye oMungu ebyo mukabulaya.

AbanyaFilipi 4:6 Iomraidhean Croise

1 Abami 8:28

Nĩkwa Ũlĩge erisaba lyʼomugombe wawe, nʼerigongagonga liwe, uwe Mwami Mukulu Nyamuhanga wage, erihulikirira erilaka nʼerisaba lyʼomugombe wawe akasaba embere syawe mũnabwĩre.

2 Emyatsi yʼEmigulu 32:20

Nĩkwa omwami Hezekĩa, nʼomũmĩnyererĩ Ĩsaya mugala wa Amosĩ, mobasaba busana nʼomwatsi oyũ, mobalakira elubula.

Esyonyimbo 51:15

Uwe Mwami Mukulu, ũnyĩwatĩkaye erĩbũga, Nage ngandikupipa.

Esyonyimbo 55:17

Erilaka lyage nʼerĩsĩmba lyage bikamuhetukirako omwʼĩgolo-golo, nʼomo ngyakya, nʼomwʼitungi; Naye akandĩowa omulenge wage.

Esyonyimbo 55:22

Ugusire Omwami Mukulu yʼamalĩge wawe, naye akandikuhanganira; Siendisyaleka omundu mubuya akakĩndwa na kera.

Esyonyimbo 62:8

Ĩnywe bandu bage, muyiketere Nyamuhanga emigulu yosĩ! Mumubwire amalĩge wenyũ gosĩ; Nyamuhanga ni busayiro bwetu.

Emĩsyo 15:8

Obuhere bwʼababi ni nye oko Mwami Mukulu; Nĩkwa erisaba lyʼabatunganene ni butseme buwe.

Emĩsyo 16:3

Ũhĩre emĩbĩrĩ yawe oko Mwami Mukulu, Neryo erĩyĩsũnza lyawe lyasyahanganĩbwa.

Olwimbo lwʼEsyonyimbo 2:14

Uwe kalĩkũkũ kage, akali omo mugenyo wʼerĩbwe, Ũkayĩbĩsa ahakumbagere kutsibu, Uleke nyilangire erisosa lyawe, Nyowe omulenge wawe. Kusangwa omulenge wawe asĩhĩre, Nʼerisosa lyawe ni ribuya.

Yeremĩa 32:16

Neryo nabere nabiha Barũkũ mugala wa Nerĩa ebarua eyo yʼerigula, monasaba Omwami Mukulu nyiti,

Yeremĩa 33:3

Unyibirikire, nage ngandĩkũsũbĩrya, nʼerĩkũkangya emyatsi mikulu mikulu, nʼeyĩkalĩre, eyo gũtasĩ.

Danĩelĩ 3:16

Sadĩrakĩ na Mesakĩ, na Abedenego mobasũbĩrya mobabwira omwami bati, Uwe Nebũkadeneza, sihali ekyangatuma ĩtwakũsũbĩrya oko mwatsi oyũ.

Danĩelĩ 6:10

Neryo omugulu Danĩelĩ aminya kwʼamasako ayo abirihandikwa kwʼerĩna lyʼOmwami, mwingira omo nyũmba yiwe (amadĩrĩsa wuwe inianakĩngwĩre omo kyumba kiwe kyʼendata ekikalola ebwanga bwʼeYerũsalema); neryo mwaswakũkamira oko marwĩ wuwe ngendo ĩsatu obuli kiro, mwasaba nʼeriha ewasĩngya embere sya Nyamuhanga wuwe, ngoko anabya akakola.

Matayo 10:19

Nĩkwa omugulu basyabahotera, sĩmũhahũkaye emitima nga mwasyabũgakĩ kutse nga mwasyabũga muti. Kusangwa oko ndambĩ eyo mwasyahabwa ebyo mwasyabũga.

Matayo 13:22

Nʼembuto eyabibawa omo mahwa yo mundu oyũkowa ekĩnywa, nʼamagalĩ wʼekihugo, nʼamatebo wʼebindu bĩkakũsaya ekĩnywa, ikitasohola.

Matayo 6:34

Neryo sĩmũyĩlũhaye nʼamaganĩryo busana nʼomo ngyakya; kusangwa engyakya yasyabya nʼamaganĩryo wayo. Obuli kiro kiwite obũlĩge bungaho.

Matayo 6:8

Neryo Simubye ngabo; kusangwa Tata wenyũ anasĩ ebibali bwaga, isimwemwamusaba.

Luka 10:41

Nĩkwa Omukama mwamũsũbĩrya ati, Marata, Marata! Ukayiganyira nʼeriganga-ganga busana nʼemyatsi mingi;

Luka 12:22

Neryo Yesu mwabwira abiga buwe ati, Busana nʼomwatsi oyũ ngababwira nyiti, Simubye nʼerĩyĩlũhya nʼamaganĩryo busana nʼengebe yenyũ, muti mwasyalyakĩ, kutse busana nʼomubiri, nga mwasyambalakĩ.

Luka 12:29

Kandi simusonde ebyo mwasyalya, nʼebyo mwasyapũlya, kandi simuhanga-hangaye emitima.

Luka 18:1

Neryo Yesu mwatwĩrabo omũsyo oyũ, erĩkangĩrĩryabo ati, Basabe emigulu yosĩ butsira eriluha,

Luka 18:7

Neryo Nyamuhanga naye siendisyaha abayisogawa buwe erĩbanza kwehĩ? Abakamulakira oko musibo nʼomo kiro kwehi? Kandi asyamala erĩwatĩkyabo kwehĩ?

1 AbanyaKorinto 7:21

Wabya mukobe omugulu Nyamuhanga akubirikira kwehĩ? Oyo si mwatsi, nĩkwa wamatoka eribya bwĩranda, Ukole utya.

1 AbanyaKorinto 7:32

Nĩkwa sĩnyanzĩre mukagalwa nʼamaganĩryo. Oyũtahĩkĩrye akatsomana omũbĩrĩ wʼOmukama, kusangwa anzĩre erĩtsemesya Omukama.

2 AbanyaKorinto 1:11

omugulu mukatũwatĩkaya omwʼisaba lyenyũ. Neryo abandu bangi abakasaba busana netu batoke eriha Nyamuhanga ewasĩngya busana nʼerĩwatĩkya liwe.

AbanyaEfeso 5:20

Oko migulu yosĩ nʼomo myatsi yosĩ muhe ewasĩngya uku Nyamuhanga Tata, omo lĩna lyʼomukama wetu Yesu Kristo.

AbanyaEfeso 6:18

Musabe kutsibu nʼerĩbũlya Nyamuhanga erĩbawatĩkya. Kandi musabe omo migulu yosĩ ngoko Mũlĩmũ Abũyĩrĩre akabasondola. Busana nʼomwatsi oyũ, mũyĩtegaye, nʼeriyitsingirira, imunemusabira abandu bosĩ ba Nyamuhanga.

AbanyaKolosai 3:15

Neryo muleke Obuholo bwa Kristo butabale emitima yenyũ. Kusangwa mwabiribirikirwa na Nyamuhanga eribya nʼobuholo obo haguma, omo mubiri muguma. Kandi mubye bandu bʼewasĩngya.

AbanyaKolosai 3:17

Nʼebyosĩ mukakola, omo kĩnywa, kutse omo mũbĩrĩ, mukole ebyosĩ omo lĩna lyʼomukama Yesu, imunemuha ewasĩngya uku Tata Nyamuhanga busana na Yesu.

AbanyaKolosai 4:2

Mũyĩhĩre okwʼisaba, nʼerĩteya mulyo, imunemuha ewasĩngya oko Mukama.

1 Timoteo 2:1

Neryo ngatsũka eribahatikana nyiti, Eriremba-lemba, nʼerisaba, nʼerĩbũlya, nʼeriha ewasĩngya, bikolawe embere sya Nyamuhanga, busana nʼabandu bosĩ.

1 Timoteo 5:5

Nĩkwa oyuli mũkwakalĩ kwenene, oyutawite mundu wʼerĩmũwatĩkya, abĩhĩra amaha wuwe uku Nyamuhanga, akakwamirira erisaba nʼerĩmũbũlya erĩmũwatĩkya omo kiro nʼomwʼitungi.

1 Petero 4:7

Endũlĩ yʼemyatsi yosĩ iri hakũhĩ. Neryo mubye nʼobũlengekanĩa bwʼamenge, nʼobwʼerĩyĩteya, imwatoka erisaba.

1 Petero 5:7

Mũhĩre erĩhangahangya lyenyũ lyosĩ uku Nyamuhanga, kusangwa akabategaya.

1 Samwelĩ 1:15

Neryo Hana mwamũsũbĩrya ati, Iyihi, mukama wage, ĩngye indi mũkalĩ wʼomutima wʼobũlĩge; sĩndĩtapũlya bĩnyũ kutse obũhĩre kutsibu, nĩkwa nabirilakira Omwami Mukulu nʼomutima wage.

1 Samwelĩ 30:6

Kandi Dawĩdĩ mwasĩsĩkana kusangwa bandu mobabũga bati bamwĩte omo mabwe, kusangwa emitima yʼabandu bosĩ moyasĩrĩkalĩra, obuli mundu busana nʼabagala buwe na busana nʼabali buwe; nĩkwa Dawĩdĩ mwayibanira maka omo Mwami Mukulu Nyamuhanga wuwe.

1 Samwelĩ 7:12

Neryo Samwelĩ mwĩmya erĩbwe mwasingikalyo omo katĩkatĩ kʼeMĩsĩpa nʼeSenĩ, mwahula erĩna lyalyo mo Ebenĩezerĩ, lyʼerĩbũga ambu, Erĩhĩka lino Omwami Mukulu abĩrĩtũwatĩkya.