AbanyaFilipi 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ega, nawe mũlĩkyetu, ngakusaba nyiti, ũwatĩkaye abakalĩ aba. Kusangwa babiriyitsinga kutsibu omo mũbĩrĩ wʼerĩgenda-gendya Engulu Yowene, haguma na Klementĩ, nʼabandi balĩkyetu, abawite amena wabo omo kitabu kyʼengebe kya Nyamuhanga.

Nouveau Testament et Psaumes en Ndandi Version 1962

³ Nawe ngakugo, uwe tusangire nawe kwenene oko mubiri uwatikaye abakali aba, kusangwa babirikola haguma nage omo ngulu yowene haguma na Klementi nabandi abasangiri bomu biri haguma nage, amena wabo asakire omo kitabu kyengebe.

AbanyaFilipi 4:3 Iomraidhean Croise

Esyonyimbo 69:28

Amena wabo asangulawe omo kitabu kyʼabaliho; Kandi sibasakawe omo katĩkatĩ kʼabandu bawe.

Erĩlũayo 32:32

Nĩkwa lino wamasonda ubuyire erĩlolo lyabo; bite bitya, ngakusaba, unyisangule, erĩlũa omo kitabu ekyo wabirisaka.

Ĩsaya 4:3

Neryo oyo wasĩgalira eSĩonĩ, nʼoyo wasĩgala eYerũsalema, asyahulwa mo mũbũyĩrĩre, obuli mundu oyo wasakawa busana nʼengebe eYerũsalema.

Ezekĩelĩ 13:9

Neryo ebyala byage byasyalwa nʼabamĩnyererĩ abakalangira esyonzolĩ syʼamabehĩ, nʼabakabũga erilagula lyʼamabehĩ. Sibendisyabya nʼomwanya omwʼĩhĩndana lyʼabandu bage, kutse sibendisyasakwa omo masako wʼekihanda kya Ĩsraelĩ, kutse sibendisyingira omo kihugo kya Ĩsraelĩ, imwatoka eriminya ko ndi Omukama Iye Omwami Mukulu.

Danĩelĩ 12:1

Nĩkwa oko mugulu oyo omunya-mwami mukulu, ye Mĩkaelĩ, kategaya abandu benyũ, asyahangana. Neryo hasyabya endambĩ yʼobũlĩge, obute bwatabya erĩtsũka omugulu ekihanda kyatsũka, nʼerĩhĩka oko mugulu ono; kandi oko mugulu oyo abandu benyũ basyalamĩbwa obuli mundu oyukabanika iniabirisakwa omo kitabu.

Luka 10:20

Nĩkwa simutseme kusangwa ebĩrĩmũ bibi byabĩrĩbowa, nĩkwa mutseme kusangwa amena wenyũ abirisakwa elubula.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 16:12

Mũkeraye Tĩrĩfena na Tĩrĩfosa, abakakola omũbĩrĩ wʼOmukama. Mũkeraye omwanze wetu ye Persĩ, oyo wabirikola kutsibu omo mũbĩrĩ wʼOmukama.

AbanyaRoma 16:9

Mũkeraye Ũrbano, oyukakola haguma netu omo mũbĩrĩ wa Kristo. Kandi mũkeraye omwanze wage ye Stakĩ.

AbanyaFilipi 1:12

Nyanzĩre muminye, balĩkyetu, nyiti emyatsi eyo yambĩkako ĩkawatĩkaya erĩtũla Engulu Yowene.

AbanyaFilipi 1:16

kusangwa bawite olwanzo, kandi banasĩ ko nahĩrawa erilwira Engulu Yowene.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaFilipi 1:5

Kusangwa mwabirisangira nage omo mũbĩrĩ wʼEngulu Yowene, erĩtsũka ekiro kyʼerĩmbere nʼerĩhĩka na lino.

AbanyaFilipi 1:7

Litolere ĩnaganĩrya nyitya busana nʼĩnywe bosĩ, kusangwa muli oko mutima wage. Kusangwa ĩnywe bosĩ mwabirisangira nage omo mũbĩrĩ ogo Nyamuhanga abirimba omo lukogo luwe, omugulu indi omo mũlĩkĩ, kandi omugulu nabya ngalwira nʼerĩhanganĩa Engulu Yowene.

AbanyaFilipi 4:2

Ngahatikana Eodĩa na Sĩntĩke babye nʼobũlengekanĩa buguma ngʼabalĩkyetu bʼOmukama.

AbanyaKolosai 1:7

Ye Epafra, omugombe mwanze haguma netu mwabakangĩrĩrya Engulu Yowene. Naye ni mukwenda oyuteregula, wa Kristo omo mwanya wetu.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.

Eribisurirwa 17:8

Enyama eyo walangira yabyaho, nĩkwa siriho lino, nĩkwa lino ikasonda erihetuka erĩlũa omo buhya, kandi ĩkayaherĩbawa. Abandu abĩkere oko kihugo amena wabo atasakĩre omo kitabu kyʼengebe, ekihugo kite kyatsũka, basyasweka omugulu bakasamalira enyama eyo. Kusangwa enyama eyo yanabyaho, nĩkwa sikiriho, kandi yasyaswabutuka.

Eribisurirwa 20:12

Kandi monalangira abaholĩ, abakulu-bakulu nʼabake-bake, ibahangene embere wʼekĩtũmbĩ kyʼobwami; nʼebitabu mobyasanzulwa. Nʼekindi kitabu mokyasanzulwa, kye kitabu kyʼengebe. Neryo abaholĩ mobatswerwa omo myatsi eyĩsakĩre omo bitabu ngoko emĩbĩrĩ yabo yabya.

Eribisurirwa 20:15

Kandi omundu oyutawite erĩna lĩsakĩre omo kitabu kyʼengebe, mwaguswa omo ngetsi yʼomuliro.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.