AbanyaFilipi 4:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Nyamuhanga wage asyabaha ebyosĩ ebyo muli nabyo bwaga, kusangwa awite obuteke bunene buwe, obwʼerĩkangabasanĩa, obukabanika busana na Kristo Yesu.

Nouveau Testament et Psaumes en Ndandi Version 1962

¹⁹ Kandi Mungu wage asyahikania ebyosi ngo bwaga bwenyu bosi ngobusoki omo lukengerwa omwisi wa Kristo Yesu.

AbanyaFilipi 4:19 Iomraidhean Croise

Enzũko 48:15

Neryo Yakobo mwatsumula Yosefũ, nʼerĩbũga ati, Nyamuhanga oyo abotata wage abo Abrahamũ na Ĩsaka balendera embere siwe, Nyamuhanga oyo wanyirembera omo ngebe yage yosĩ erĩhĩka mũnabwĩre.

2 Samwelĩ 22:7

Omo bũlĩge bwage monalakira Omwami Mukulu; Ega, monalakira Nyamuhanga wage; Naye mowa omulenge wage omo Hekalũ yiwe, Nʼekiriro kyage busana nʼerĩwatĩkĩbwa mokyahĩka omo matwĩ wuwe.

2 Emyatsi yʼEmigulu 18:13

Na Mĩkaya mwabũga ati, Ngoko Mwami Mukulu aliho ekyo Nyamuhanga wage akabũga, kye nʼekyo nasyabũga.

2 Emyatsi yʼEmigulu 31:8

Nʼomugulu Hezekĩa nʼabatabalĩ basa bakalebya ebilundo ebyo, mobapipa Omwami Mukulu nʼabandu buwe Abaĩsraelĩ.

Nehemĩa 5:19

Uwe Nyamuhanga wage, unyibuke busana nʼebibuya, busana nʼebyosĩ nabirikolera abandu aba.

Nehemĩa 9:15

Mowahabo akalyo kakalũa elubula busana nʼenzala yabo, kandi mowahũlũkya amagetsi busana nabo akalũa omwʼĩbwe busana nʼenyota yabo, kandi mowahamulabo uti bingire erĩsĩgalya ekihugo ekyo walahĩraya erihabo.

Esyonyimbo 104:24

Uwe Mwami Mukulu, wabirihangika myatsi mingi! Wabirihangika ebyosĩ omo menge manene! Ekihugo kyoswĩre mwʼebihangikwa byawe.

Esyonyimbo 130:7

Uwe Ĩsraelĩ, Uyiketere Omwami Mukulu, Kusangwa olwanzo lwʼOmwami Mukulu silulyusa, Kandi anzĩre emigulu yosĩ erĩtongolya.

Esyonyimbo 36:8

Bakalya ndeke akalyo kʼenyũmba yawe; Ũkanywĩsayabo oko lũsĩ lwʼobubuya bwawe.

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Danĩelĩ 6:22

Nyamuhanga wage abirituma omũlaĩka wuwe abĩrĩkũmba amuno wʼesyondale, nasyo mosĩtetanyagalya; kusangwa embere siwe mondabanika ko musango; nʼakandi embere syawe uwe mwami mondahalya.

Mĩka 7:7

Nĩkwa ĩngye, nasyalinda Omwami Mukulu nʼomũhwa, nasyalindirira Nyamuhanga wʼerilama lyage. Nyamuhanga wage asyanyowa.

Malakĩ 3:10

Mulete ekiguma kyʼomwʼĩkũmĩ kyosĩ omo mbĩso, akalyo kabye omo nyũmba yage, kandi munyirenge lino Ũmwʼekĩ, Omwami Mukulu Wʼemilondo atya, nga sindiendisyabakingulira amadĩrĩsa wʼelubula nʼerĩbũtũlĩrako omũyĩsa, isihangabanika obwaga.

Matayo 6:32

Kusangwa ebihanda bikasonda-sondaya ebindu byosĩ ebĩ byo kutsibu. Tata wenyũ wʼelubula anasĩ ebyosĩ ebibali bwaga.

Yoane 20:17

Yesu mwamubwira ati, Sũnyĩtũleko Kusangwa sindinahetukira ewa Tata. Nĩkwa ugende oko bagala betu ubwirebo uti ngahetukira uku Tata wage, na Tata wenyũ, nʼuku Nyamuhanga wage, nʼuku Nyamuhanga wenyũ.

Yoane 20:27

Neryo mwabwira Toma ati, Leta omunwe wawe, ulangire ebyala byage. Leta ebyala byawe, ũhĩrebyo omo lukanga lwage, subye bũtĩkĩrĩrya, nĩkwa Wĩkĩrĩraye!

AbanyaRoma 1:8

Ngatsũka eriha Nyamuhanga wage yʼewasĩngya busana na Yesu Kristo, busana nenyũ ĩnywe bosĩ. Kusangwa erĩkĩrĩrya lyenyũ lĩkatũlawa omo kihugo kyosĩ.

AbanyaRoma 11:33

Kwenene obukulu bwa Nyamuhanga ni bunene! Kwenene Nyamuhanga awite amenge gosĩ nʼeriminya lyosĩ! Sihali mundu wangaminya erisoha liwe! Sihali mundu wangaminyerera esyonzira siwe!

AbanyaRoma 2:4

Kutse ukapona obubuya buwe bunene, nʼerisasira liwe, nʼeririndirira liwe kwehĩ? Sĩwasĩ ngoko bubuya bwa Nyamuhanga bũkakũkolaya okwʼibindula omutima nʼerireka ebibi kwehĩ?

AbanyaRoma 8:18

Ngaganza amalĩge wa sesene nga si kindu busana nʼolukengerwa olo tũkandĩsyabĩsũlĩrwa.

AbanyaRoma 9:23

Nʼakandi abya anzĩre erĩmĩnyĩsya olukengerwa lunene luwe busana nʼabo angaganyira, abo ahĩra kera erisangira olukengerwa luwe.

2 AbanyaKorinto 12:21

Kandi ngubaha nyiti omugulu nasyaswahĩka, Nyamuhanga wage asyanyihemulira embere syenyũ. Neryo nasyalira busana nʼabandu bangi ababĩrĩhalya, nʼerĩsĩngĩra, nʼerikwama esyongumbu nyibi, isibetabindula emitima yabo nʼerireka ebibi ebyo.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

AbanyaEfeso 1:18

Ngasaba nyiti, obũlengekanĩa bwenyũ bubane erilangira ekyakakala kiwe, imwatoka eriminya amaha ago muwite, kusangwa abiribabirikira, kandi muminye omũyĩsa mubuya Nyamuhanga akalaga abandu buwe.

AbanyaEfeso 1:7

Kusangwa twabĩrĩtongolĩbwa omo musasi wa Kristo, kandi abiritubuyira amalolo wetu. Kwenene olukogo lwa Nyamuhanga ni lunene,

AbanyaEfeso 2:7

Nyamuhanga mwakola atya erĩkangya omo migulu yosĩ eyikandisyasa obubuya bunene bwʼolukogo luwe; olo atũkangaya omo lwanzo luwe busana na Kristo Yesu.

AbanyaEfeso 3:16

Ngamusaba nyiti, omo lukengerwa luwe lunene, abahe obũtokĩ bwʼOmũlĩmũ wuwe Abũyĩrĩre imwatoka eribana amaka omo mitima yenyũ.

AbanyaEfeso 3:8

Ĩngye indi muke kutsibu omo katĩkatĩ kʼabandu ba Nyamuhanga, nĩkwa omo lukogo luwe Nyamuhanga mwamba omũbĩrĩ gowene oyũ wʼerĩtũlĩra Ebihanda engulu yʼobuteke obũlengĩre, obwa Kristo, nabo bũlabĩre obũlengekanĩa.

AbanyaFilipi 4:7

Nʼobuholo bwa Nyamuhanga, Obũlabĩre amenge gosĩ, bwasyateya emitima yenyu nʼamaganĩrya wenyũ omwisi wa Kristo Yesu.

AbanyaKolosai 1:27

Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga.

AbanyaKolosai 3:16

Ebĩnywa bya Kristo, omo bubuya bwabyo bosĩ, bĩkale omo mitima yenyũ. Mũkangĩrĩranaye, nʼerihana obuli mundu mũlĩkyabo omo menge gosĩ. Mwimbe esyonyimbo, esyonyimbo syʼeripipa, nʼesyonyimbo syʼerĩramya, mwimbire Nyamuhanga nʼemitima yʼewasĩngya.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.

Filemono 1:4

Emigulu yosĩ ngakwibuka nʼerikwahula omwʼisaba lyage, kandi ngaha Nyamuhanga wage ewasĩngya emigulu yosĩ.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.