AbanyaFilipi 4:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Sĩndĩbũga nyiti ngabula kindu; kusangwa nabiriminya eritsema omo bike kutse omo bingi.

Nouveau Testament et Psaumes en Ndandi Version 1962

¹¹ Sindibuga nga ngarira eribula ebindu; kusangwa nabiriiga eritsema omo byosi.

AbanyaFilipi 4:11 Iomraidhean Croise

Enzũko 28:20

Na Yakobo mwayisema omo kisemo ati, Nyamuhanga amasyabya haguma nage akanyĩteya omo nzira ngayamo, nʼerimba akalyo kʼerirya, nʼolukimba lwʼeriambala,

Erĩlũayo 2:21

Neryo Musa mwatsema erĩĩkala nʼomundu oyo; neryo Rũelĩ mwaha Musa yʼomwali wuwe ye Sĩpora.

Luka 3:14

Kandi abasĩrĩkanĩ mobamũbũlya bati, Netu, tũkolekĩ kwehĩ? Neryo mwabwirabo ati, Sĩmũhũnge esyofranka, kutse sĩmũsĩngĩsĩraye omundu nʼerimulega, kandi mũsĩme ebihembo byenyũ.

2 AbanyaKorinto 11:27

Nabya ngakola nʼeribana obũlĩge; ngendo nyingi ĩnĩngakũbato, ĩnĩngakwa enzala nʼenyota, esyongendo nyingi iningabula akalyo, ĩnĩngakwa embeho, nʼeribula esyongimba.

2 AbanyaKorinto 6:10

Tuli ngʼabandu bʼobũlĩge, nĩkwa tukatsema ebiro byosĩ; tuli ngʼabera, nĩkwa tukayira abandi mo bateke; isituwite kindu, nĩkwa tuwite ebindu byosĩ.

2 AbanyaKorinto 8:9

Kusangwa mũnasĩ olukogo lwʼOmukama wetu Yesu Kristo. Nomo anabya muteke, mwayiyira mo mwera busana nenyũ, neryo imwato­ka eribya bateke busana nʼobwera buwe.

2 AbanyaKorinto 9:8

Kandi Nyamuhanga akatoka eribaha ebĩlabĩre obwaga bwenyũ, imwabya nʼebyosĩ ebibatolere, nʼebikabwaga busana nʼobuli mũbĩrĩ owene.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

AbaEbrania 10:34

Kandi momwasangira amalĩge wʼabandu bʼomũlĩkĩ, kandi ĩmũkalĩga nʼobutseme erisagulwa ebindu byenyũ. Kusangwa mwabya ĩmũnasĩ ko munawite ebindu bibuya kwʼaho ebikandisyabyaho kera na kera.