AbanyaFilipi 4:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo, balĩkyetu banze, ngabakwa olukando eribalolako. Muli butseme bwage, kandi mukanyiretera erĩyĩsyandira. Abanze bage, mũsĩke erikwama Omukama.

Nouveau Testament et Psaumes en Ndandi Version 1962

¹ Neryo, balikyetu, abo nyanzire nabo ngwire olukando, obutseme bwage, nembita yage, musike mutya omwisi woMukama, abanze bage.

AbanyaFilipi 4:1 Iomraidhean Croise

Yobũ 31:36

Kwenene nangahekĩrekyo oko kitigo kyage; Inayisengerakyo ngʼakakĩra.

Esyonyimbo 125:1

Abakayiketera Omwami Mukulu bali ngʼekitwa kyʼeSĩonĩ, Ekitetoka eritenga-tenganĩbwa, kutse erĩsegerĩbwa.

Esyonyimbo 27:14

Uyiketere Omwami Mukulu; Wĩkĩrĩraye, Suleke omutima akalũa omo nda, Uyiketere Omwami Mukulu.

Matayo 10:22

Kandi abandu bosĩ basyabakwa obusu busana nʼerĩna lyage. Nĩkwa oyo wasyayĩyĩnĩa erĩhĩka oko ndũlĩ yo wasyalamĩbwa.

Yoane 8:31

Neryo Yesu mwabwira Abayũda abamwĩkĩrĩraya ati, Mwamabya mukakwama ebĩnywa byage, imuli biga bage kwenene.

Emibiri 11:23

Neryo abere ahĩka nʼerilangira olukogo lwa Nyamuhanga, mwatsema, neryo mwahanabo ati, abosĩ bakwame Omukama nʼomutima asĩkĩre, nʼeritendiregula.

Emibiri 14:22

Mobasĩkya emitima yʼabiga, nʼerĩhamĩryabo bati bakwamirire omwʼĩkĩrĩrya. Bati, Litolere itwingira omo bwami bwa Nyamuhanga itukalaba omo malĩge mangi.

Emibiri 2:42

Neryo mobasiba bakiga erĩkangĩrĩrya lyʼabakwenda nʼeribya buguma nabo. Kandi babya bakahĩka oko mesa yʼomukama nʼokwʼisaba.

AbanyaRoma 2:7

Nyamuhanga asyaha engebe yʼerikota oko bakayitsingirira omo mikolere yowene, ibakasonda olukengerwa, nʼerĩsĩkya nʼebitehola.

1 AbanyaKorinto 15:58

Neryo balĩkyetu banze, mũsĩke, simusega-segane, mukanyirire omo mũbĩrĩ wʼOmukama, ĩmũnasĩ ebyo mukakolera Omukama si bya busa.

1 AbanyaKorinto 16:13

Mũyĩtegaye, mũsĩke omwʼĩkĩrĩrya, mukole ngʼabalume, mubye nʼamaka.

2 AbanyaKorinto 1:14

Emyatsi eyo mwabiriminya hake-hake lino, imwatoka eriyihalamba busana netu, netu itwayihalamba busana nenyũ oko Kiro kyʼomukama wetu Yesu.

AbanyaGalatia 5:1

Kristo mwatubohola, tubane obwĩranda! Neryo muhangane, mũsĩke, simuleke mukaswabohwa ngʼabakobe.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaFilipi 1:8

Kusangwa Nyamuhanga anasĩ ngoko ĩnywe bosĩ ngabakwa olukando lunene omo lwanzo lwa Kristo Yesu.

AbanyaFilipi 2:16

Imukahabo ekĩnywa kyʼengebe. Nage inatoka erĩyĩsyandira busana nenyũ oko kiro kya Kristo, isinditaluha buyira kutse erikola buyira.

AbanyaFilipi 2:26

Kandi abakwĩre olukando ĩnywe bosĩ, kandi ali nʼobũlĩge, kusangwa ĩnywe mowa kwʼalwere.

AbanyaKolosai 4:12

Epafra, wʼewenyũ, akabakeraya, lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga.

1 AbanyaTesalonika 3:13

Kandi Omukama asĩkaye emitima yenyũ imwabya abahĩkene nʼababũyĩrĩre embere sya Nyamuhanga wetu ye Tata, omugulu Omukama wetu Yesu asyasa haguma nʼabandu buwe bosĩ.

2 AbanyaTesalonika 2:15

Neryo balĩkyetu, muhangane ĩmũnasĩkĩre, kandi muhambe ndeke emyatsi yʼekwenene eyo twabakangĩrĩraya, omo bĩnywa byetu nʼomo barua yetu.

2 Timoteo 2:1

Neryo nawe mwana wage, ukale omo lukogo oluli busana netu erimatikana na Kristo Yesu.

AbaEbrania 10:23

Tuhambe ndeke amaha wetu ago tũkwamĩre, butsira eritika-tika, kusangwa oyo watũla omwatsi oyũ sialiregula.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

AbaEbrania 4:14

Tuhambe ndeke emyatsi eyo twabĩrĩkĩrĩrya, kusangwa tuwite omũhererĩ mukulu oko bahererĩ bosĩ, oyo wabirilaba omo lubula, Ye Yesu Mugala wa Nyamuhanga.

2 Petero 3:17

Neryo ĩnywe banze, mwabiriminya emyatsi eyĩ, mũyĩtegaye, mukasyahekwa omo luhabo lwʼabandu bʼomwaga, nʼeritoga erĩlũa aho mwabya mũsĩkĩre.