AbanyaFilipi 3:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kandi nyibanike kwenene ko nyimatikene naye, isingwite ekitunganene ekikabanika omo Migambo, nĩkwa ekitunganene ekikabanika omwʼĩkĩrĩrya Kristo, kyo kitunganene ekĩkalũa ewa Nyamuhanga omo nzira yʼerĩkĩrĩrya.

Nouveau Testament et Psaumes en Ndandi Version 1962

⁹ inabanika omwisi wuwe, isingwite eritunganene ryage, eriri oko bihano, nikwa eryo riri omwisi wa Kristo omwikirirya, eritunganene erikalwa ewoMungu omwikirirya;

AbanyaFilipi 3:9 Iomraidhean Croise

Enzũko 7:23

Litya Omwami Mukulu mwalĩma obuli kindu ekyabyaho oko kihugo, omundu, esyonde, ebindu ebikakululuka, nʼesyonyonyũ syʼomo kyanya, mobyasangulwa erĩlũa oko kihugo, nina Noa musa yo wanasĩgalira, nʼababya haguma naye omo bwato,

1 Abami 8:46

Bamakũhalyako, kusangwa sihali mundu oyutekola ebibi nawe ukahitana kubo, nʼerihabo oko nzĩgũ, bakahekabo mo banyegwa omo kihugo kyʼesyonzĩgũ, hali kutse hakũhĩ;

2 Emyatsi yʼEmigulu 32:25

Nĩkwa Hezekĩa mwatasũbũlya ndeke ngʼolulengo lʼomũyĩsa akolerawa, kusangwa omutima wuwe ayiheka; busana nʼekyo erihitana molyambyako, nʼoko Yũda nʼeYerũsalema.

2 Emyatsi yʼEmigulu 32:31

Nĩkwa omo mwatsi wʼabakwenda bʼabakulu bʼeBabelĩ, abamutumako erĩbũlya ebyʼeriswekera ebyakolawa omo kihugo, Nyamuhanga mwamũsĩganĩa erimulengako, iniatoka eriminya ebyosĩ ebyabya omo mutima wuwe.

Esyonyimbo 14:3

Nĩkwa abosĩ babirikitira ehandi, abosĩ babiritsanda, Sihali oyukakola ekibuya, iyihi, nʼomuguma.

Esyonyimbo 143:2

Sunyihandikirire, ĩngye mugombe wawe; Omo meso wawe sihali oyutunganene.

Esyonyimbo 19:12

Nindi akatoka eriminya erĩhabya liwe kwehĩ? Ũnyĩlamaye oko bibi ebĩbĩsamĩre.

Omũgambũlĩ 7:20

Kwenene sihali mundu utunganene muna-kihugo, oyukakola ebibuya emigulu yosĩ ĩsĩalĩhalaya.

Ĩsaya 46:13

Ngaleta eritunganene ryage hakũhĩ, siriri hali. Omulamo wage siendisyamala. Kandi nasyaha omulamo eSĩonĩ, nʼolukengerwa lwage busana na Ĩsraelĩ.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ĩsaya 6:5

Neryo monabũga nyiti, Obũlĩge ũkwʼĩngye! Kusangwa nyĩtsandĩre; kusangwa indi mundu wʼemĩnywa ĩtsandĩre, kandi nyĩkere omo katĩkatĩ kʼabandu bʼemĩnywa eyĩtsandĩre. Kusangwa ameso wage abirilangira Omwami, Omwami Mukulu wʼemilondo.

Yeremĩa 23:6

Omo biro biwe Yũda asyalamĩbwa, na Ĩsraelĩ asyĩkala buholo. Nʼerĩ nĩ rĩna liwe; lyo lĩna asyahulwamo, Omwami Mukulu yo litunganene lyetu.

Yeremĩa 33:16

Oko biro ebyo Yũda asyalamĩbwa, nʼeYerũsalema yasyĩkala buholo. Nʼerĩ lyo lĩna asyahulwamo: Omwami Mukulu ni ritunganene lyetu.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Matayo 9:13

Nĩkwa mugende mwige ekĩsakĩre kiti, Ngasonda eriganyira, butsira obuhere bwʼesyonyama; kusangwa sinasa eribirikira abatunganene, nĩkwa abakolanabi.

AbanyaRoma 1:17

Kusangwa Engulu Yowene ĩkatũbĩsũlĩra ngoko Nyamuhanga akatũngananaya omundu embere siwe, omwʼĩkĩrĩrya lisa, ngoko kĩsakĩre kiti, Nĩkwa oyukatunganana embere sya Nyamuhanga busana nʼerĩkĩrĩrya asyakota.

AbanyaRoma 10:10

Kusangwa omundu amĩkĩrĩrya omo mutima wuwe busana nʼerĩtũngananĩbwa na Nyamuhanga, kandi akatũlago omo buno buwe, ĩnĩalamĩbwa.

AbanyaRoma 16:7

Mũkeraye Andronĩka na Yũnĩa abʼekihanda kyetu, ababya omo mũlĩkĩ haguma nage. Kandi ni bakulu omo katĩkatĩ kʼabakwenda, kandi mobĩkĩrĩrya Kristo embere kwĩngye.

AbanyaRoma 5:21

Neryo ngoko ebibi byatabala omo luholo, litya olukogo lwa Nyamuhanga lukatabala omo litunganene, nʼerireta engebe yʼerikota busana nʼomukama wetu Yesu Kristo.

AbanyaRoma 8:1

Neryo sihali eritswerwa oko bawatene na Kristo Yesu.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

2 AbanyaKorinto 5:17

Kusangwa omundu amabya amatikene na Kristo, ni mundu muhya-muhya; emyatsi ya kera yabirirenga, neryo emyatsi mihya-mihya yabĩrĩhĩka.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 2:16

Nĩkwa tũnasĩ omundu sialitunganana embere wa Nyamuhanga busana nʼerikola Emigambo, nĩkwa busana nʼerĩkĩrĩrya Yesu Kristo. Netu twabĩrĩkĩrĩrya Kristo, itwatoka eribya batunganene, busana nʼerĩkĩrĩrya uku Kristo, butsira erikwama Emigambo. Kusangwa sihali mundu oyo wasyatũngananĩbwa embere wa Nyamuhanga busana nʼerikwama Emigambo.

Eryibuka Ebihano 27:26

Oyũteberereraya ebĩnywa byʼemigambo eyĩ erikolabyo atakirawe. Nʼabandu bosĩ basyabũga bati, Amina.

AbanyaFilipi 3:6

Nabya nʼomũhwa munene busana nʼerĩendererya ekanĩsa. Nabya nyĩkũmayĩre omwʼitunganana eryo likabanika omo Migambo.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

Tito 3:5

Nyamuhanga mwatũlamya. Si busana nʼemĩbĩrĩ itunganene twakola, nĩkwa busana nʼeriganyira liwe, Omũlĩmũ Abũyĩrĩre ĩnĩakatweraya, kandi akatubuta bubya-buhya, nʼerituha engebe nyihyanyihya.

AbaEbrania 6:18

Neryo hali myatsi ĩbĩrĩ eyĩ eyitetoka eribinduka, kandi Nyamuhanga sialitoka eribiha muyo. Busana nʼemyatsi eyĩ, tukahanda emitima yo kutsibu, ĩtwe twabirisagira uku Nyamuhanga, tuhambe ndeke amaha awabĩrĩhĩrwa embere syetu.

Yakobo 3:2

Kusangwa ĩtwe bosĩ tukatala omo bingi. Omundu oyutetala omo bĩnywa ni mundu ũhĩkene, iniatoka eriyibombeka omo myatsi yosĩ yʼomubiri wuwe gosĩ.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

1 Yoane 3:4

Oyukakola ebibi akaketa Emigambo ya Nyamuhanga. Kusangwa ekibi ni ʼketa Emigambo.