AbanyaFilipi 3:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

Nouveau Testament et Psaumes en Ndandi Version 1962

⁸ Ega, ngaganza ebindu byosi mwitalya busana nendundi ilabire yeriminya Kristo Yesu Mukama wage. Busana naye nabiritalya ebindu byosi, ngaganzabyo ngebiti, inatoka eribana Kristo mo ndundi

AbanyaFilipi 3:8 Iomraidhean Croise

1 Abami 14:10

Busana nʼekyo, lebaya, nasyaleta obũlĩge oko kĩtũnga kya Yeroboamũ, kandi nasyĩta uku Yeroboamũ obuli mwana wʼobulume, bamabya babohĩrwe kutse batabohĩrwe oko Baĩsraelĩ, kandi nasyabĩrĩrya hali ekĩtũnga kya Yeroboamũ, ngoko mundu akabĩrĩraya amabĩ go hali, erĩhĩka aho gosĩ asyahwera.

2 Abami 9:37

Nʼekĩnda kya Yezebelĩ kyasyabya ngʼamabĩ oko kitaka kyʼekibuga kyʼeYezreelĩ, neryo sĩbendĩsyabũga bati, Oyũ nĩ Yezebelĩ.

Yobũ 20:7

Nĩkwa asyahera kera na kera ngʼamabĩ wuwe; Ababya ibabirimulolako basyabũga bati, Alihi kwehĩ?

Esyonyimbo 126:6

Kandi ababya bakalira omugulu baheka embuto, Basyaswasa ibakimba nʼobutseme nʼerireta erigesa!

Esyonyimbo 73:25

Ngwite ogundi elubula ate we kwehĩ? Kandi ekindi nangasonda muna-kihugo ni kyahi ate ini we kwehĩ?

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Malakĩ 2:3

Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.

Emiganzo 14:30

kwenene sĩmwendĩsyahĩka omo kihugo ekyo nalahĩraya busana nakyo nyiti nasyabĩkalya mukyo, nina Kalebũ musa, mugala wa Yefũne, na Yosũa mugala wa Nũnĩ.

Luka 1:43

Omwatsi munene oyũ akambĩkako ati kwehĩ? Uti koyo wʼomukama wage akasa erinyibana kwehĩ?

Luka 11:20

Nĩkwa ĩngye ngahigira esyombĩnga syʼeyĩhya omo maka wa Nyamuhanga, kundi obwami bwa Nyamuhanga bwabĩrĩbahĩkako.

Yoane 14:20

Oko kiro ekyo mwasyaminya ko nyimatikene uku Tata wage, nenyũ mumatikene ũkwʼĩngye nage nyimatikene ũkwʼĩnywe.

Yoane 14:7

Kumbe mwabya mũnyasĩ, nga mwabiriminya Tata wage nibya. Nʼerĩtsũka lino mũmwasĩ, kandi mwabirimulolako.

Yoane 16:3

Basyakola emyatsi eyĩ, kusangwa sibetaminya Tata kutse ĩngye.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 17:8

Kusangwa ebĩnywa ebyo wamba nabirihabyobo, kandi babiriangirirabyo, baririminya kwenene ko nalũa ewawe, kandi mobĩkĩrĩrya ko wanyituma.

Yoane 20:13

Nabo mobamũbũlya bati, Mũkalĩ, busana nakĩ ukalira kwehĩ? Naye mwabwirabo ati, Kusangwa batwere Omukama wage, nage Sĩnyasĩ aho bamũhĩrĩre.

Yoane 20:28

Toma mwamũsũbĩrya ati, Omukama wage na Nyamuhanga wage!

Emibiri 20:24

Nĩkwa ngaganza engebe yage nga si kindu, inatoka eribuga obukwenda bwage, nʼomũbĩrĩ ogo Mukama Yesu amba erikola, eryo nĩ tũla Engulu Yowene yʼolukogo lwa Nyamuhanga.

AbanyaRoma 8:18

Ngaganza amalĩge wa sesene nga si kindu busana nʼolukengerwa olo tũkandĩsyabĩsũlĩrwa.

1 AbanyaKorinto 2:2

Kusangwa monayĩsũnza nyiti sĩnangaganĩrya ogundi mwatsi omo katĩkatĩ kenyũ, nina Yesu Kristo, nʼoluholo luwe oko musalaba.

1 AbanyaKorinto 9:10

Kutse sĩalĩbũga ebĩ busana netu kwehĩ? Inga, byasakawa busana netu, kusangwa Omũlĩmĩ akalima nʼomũgesĩ akagesa, ababiri bosĩ bali nʼamaha wʼerisangira embuto eyo.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

AbanyaGalatia 1:16

Kusangwa omugulu byatsemesaya Nyamuhanga erĩnyĩbĩsũlĩra Omugala wuwe, inatoka erĩtũla Engulu ya Kristo omo katĩkatĩ kʼEbihanda, mondakanĩa nʼabandu.

AbanyaEfeso 4:13

Litya twasyahĩka oko buguma bwʼerĩkĩrĩrya nʼobwʼeriminya Omugala wa Nyamuhanga, itwatoka erĩhĩkana omo lulengo lwʼerĩhĩkana lya Kristo.

AbanyaFilipi 1:1

Ĩtwe Paũlo na Tĩmoteo, abagombe ba Kristo Yesu, tukabasakira, ĩnywe bandu bosĩ ba Nyamuhanga abĩkere eFĩlĩpĩ, abĩkĩrĩrye Kristo Yesu, haguma nʼabateya nʼabawatĩkya.

AbanyaFilipi 3:10

Ekiguma nyanzĩre nyiti, nyiminye Kristo kwenene, nʼobũtokĩ bwʼerĩlũbũka liwe, kandi nyĩsangĩre omo magalĩ wuwe, nʼeribya haguma naye omo luholo luwe.

AbanyaFilipi 3:12

Sĩndĩbũga nyiti nabĩrĩhĩka kulyo kutse nga nabĩrĩhĩkana, nĩkwa ngakwamirira inatoka erihambalyo ngoko Kristo Yesu naye abirimbamba.

AbanyaFilipi 3:7

Nĩkwa busana na Kristo, emyatsi yosĩ eyo yabya ndũndĩ busana nage, ngaganzayo ngʼĩtalya.

2 Timoteo 4:6

Nĩkwa ĩngye, lino nyĩkĩsĩya ĩnakwa busana nʼEngulu Yowene, nʼendambĩ yage yʼerigenda yabĩrĩhĩka.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

1 Petero 2:7

Erĩbwe erĩ, nĩ ryʼobũgũlĩ bunene busana nenyũ abakĩkĩrĩraya. Nĩkwa busana nʼabatĩkĩrĩraya, ati, Erĩbwe eryo bahĩmbĩ babana nga ni buyira, Lyabiribya erĩbwe erĩkatũngananaya enũnga yʼenyũmba.

2 Petero 1:2

Olukogo nʼobuholo bunene bibye nenyũ, kusangwa mwabiriminya Nyamuhanga nʼOmukama wetu Yesu.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

2 Petero 1:8

Mwamakola mutya nʼerikwamirirabyo, mwasyatoka, kandi mwasyakanyirira Omwʼiminya ndeke lyʼomukama wetu Yesu Kristo.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.

1 Yoane 1:3

Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo.

1 Yoane 2:19

Abandu aba sibabya bʼũkwʼĩtwe, kyaleka ĩbatũlũako. Kusangwa kumbe babya bʼũkwʼĩtwe, nga babĩrĩsĩgala netu. Nĩkwa mobagenda ikyaminyikala ndeke abosĩ abo ko bate bʼũkwʼĩtwe.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.