AbanyaFilipi 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nabanĩbawa oko kiro kyʼomunani enyũma wʼeributwa lyage. Nabutawa oko kihanda kya Ĩsraelĩ omo kĩtũnga kya Benyamĩna. Nyiri Mũyũda kũndũ. Omo mwatsi wʼerikwama Emigambo nabya Mũfarĩsayo.

Nouveau Testament et Psaumes en Ndandi Version 1962

⁵ nabanibawa ekiro kyomunani, owekihanda kyeIsraeli, omo kitunga kyaBenyamina, muEbrania wabaEbrania; omuFarisayo omo bihano,

AbanyaFilipi 3:5 Iomraidhean Croise

Enzũko 14:13

Neryo omuguma oyo wabala mwasa, mwabwira Abramu Omuebrania. Nĩkwa abya ĩkere hakũhĩ nʼemiti yʼeMamũre, Omunya Amore, mugala wabo Eskorĩ, kandi ni mugala wabo Anerĩ. Aba babya basakene na Abramu.

Enzũko 17:12

Nʼoyo wamabya wʼebiro munani omo katĩkatĩ kenyũ asyabanĩbwa, obuli mulume omo katĩkatĩ kʼesyondengo syenyũ, omubutwa omo nyũmba, kutse oyukagulawa oko franka oko bandu bʼehandi ate oko bana bawe.

Enzũko 40:15

Kusangwa kwenene nĩbawa omo kihugo kyʼAbaebrania, na hano nibya sinditakola kindu kyangaleka ĩbambĩra omo buhya bʼomũlĩkĩ.

Enzũko 41:12

Neryo haguma netu habya omũlwana Muebrania, omugombe wʼomukama wʼabateya. Netu motwamubwira erilota lyetu, naye mwatubikulira erilota lyetu. Neryo mwabikulira obuli mundu ngʼerilota liwe.

Yona 1:9

Naye mwabwirabo ati, Ingye indi Muebrania; ngubaha Omwami Mukulu Nyamuhanga wʼelubula, oyo wabumba engetsi nʼekitaka kyũmĩre.

Luka 1:59

Neryo nʼoko kiro kyʼomunani mobasa erĩbanĩa omwana oyo; neryo mobasonda erimwahula mo Zakarĩa ngʼerĩna lyʼĨse wuwe.

Luka 2:21

Neryo enyũma wʼebiro munani, omugulu wʼerĩbanĩa omwana mwahĩka, neryo mwahulwa mo Yesu, erĩna omũlaĩka amuluka omugulu obukule bwabya bute bwahekwa.

Luka 5:38

Nĩkwa ebĩnyũ bihya-bihya bitolere ĩbyahĩrwa omo bihu bihya-bihya byʼebĩnyũ.

Emibiri 22:3

Ĩngye indi Mũyũda, nabutirawa eTarso yʼeKĩlĩkĩa, nĩkwa nakulira omo mũyĩ oyũ wʼeYerũsalema. Nakangĩrĩrĩbawa na Gamalĩelĩ, kandi nakangĩrĩrĩbawa erikwama Emigambo yʼaboso-kulu wetu, ĩnyĩkwĩre omũhwa wʼerikolera Nyamuhanga, ngoko ĩnywe bosĩ muli nago mũnabwĩre.

Emibiri 23:6

Nĩkwa Paũlo abere abiminya kwʼekihande kiguma kyabya kyʼAbasadũkayo nʼekindi kyabya kyʼAbafarĩsayo, mwabũgĩra omwʼĩbũgĩro ati, Balĩkyetu! Ĩngye indi Mũfarĩsayo, omugala wʼAbafarĩsayo. Ngaletawa oko lubanza embere syʼerĩbũgĩro busana nʼamaha wʼerĩlũbũka lyʼabaholĩ!

Emibiri 6:1

Neryo oko biro ebĩ, omugulu eriganza lyʼabiga lyabya likakanya, Abayũda bʼekihugo kyʼAbagĩrĩkĩ mobasĩnĩngũlĩra Bayũda, kusangwa abakwakalĩ babo mobataganzwa okwʼigabirwa lyʼakalyo kʼobuli kiro.

AbanyaRoma 11:1

Neryo ngabũlaya nyiti, Nyamuhanga abirigana abandu buwe kwehĩ? Iyihi nʼahake! Kusangwa nage indi Mũĩsraelĩ, ogʼolubuto lwa Abrahamũ, owʼekihanda kya Benyamĩna.

2 AbanyaKorinto 11:22

Nabo ni Baebrania kwehĩ? Nage ko nyine nyitya. Nabo nĩ Baĩsraelĩ kwehĩ? Nage ko nyine nyitya. Nabo ni bana ba Abrahamũ kwehĩ? Nage ko nyine nyitya.

1 Samwelĩ 4:6

Nʼomugulu Abafĩlĩstĩnĩ bowa omulenge wʼolukanda, mobabũga bati, Olukanda nʼobogo bunene obũ omo kilaliriro kyʼAbaebrania nĩ bwakĩ kwehĩ? Neryo mobaminya ngoko erĩsandũko lyʼOmwami Mukulu lyamahĩka omo kilaliriro.