AbanyaFilipi 3:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Endũlĩ yabo basyaherĩbwa, kandi babiriyira esyongumbu syabo mo nyamuhanga wabo. Bakayihalamba omo myatsi yʼesĩsonĩ, bandu bʼekihugo.

Nouveau Testament et Psaumes en Ndandi Version 1962

¹⁹ Enduli yabo ni heribwa, omungu wabo ni nda, kandi bakayihalamba omwi soni syabo, bakaganiraya emyatsi ye kihugo.

AbanyaFilipi 3:19 Iomraidhean Croise

Esyonyimbo 17:14

Uwe Mwami Mukulu, ũnyĩlamaye oko syonzĩgũ esyo, omo bũtoki bwawe, Ũnyĩlamaye omo bũtokĩ bwawe oko bandu bʼekihugo abawite ebyo banzĩre omo ngebe yʼenoka. Usuyirebo omo magalĩ ago wabiribikirabo; Abana babo babane bingi, Kandi bakasĩgĩra abitsikulu babo obuteke bwabo.

Esyonyimbo 52:1

Uwe mbangĩ, busana nakĩ ukayihalamba omo bibi kwehĩ? Olwanzo lwa Nyamuhanga olutyusa ni lwʼomugulu gosĩ.

Yeremĩa 44:17

Nĩkwa twasyaberererya obuli kĩnywa ekyabirihuluka omo buno bwetu, erĩhĩsya obukwa oko mwami-kalĩ wʼelubula, nʼerĩmũtũlĩra amahere wʼerĩpũlya, ngoko twabirikola, ĩtwe nʼabotata wetu, nʼabami betu, nʼabanya-mwami betu bakola omo mĩyĩ yʼeYũda, nʼomo nzira syʼeYerũsalema. Kusangwa oko mugulu oyo twabya nʼakalyo kangi, motwĩkala ndeke, motutalola uku kitsibu.

Ezekĩelĩ 13:19

Kandi mwabirinyitsuma omo katĩkatĩ kʼabandu bage busana nʼamakũndĩ wʼekisusu na busana nʼebitole byʼobundu, erĩĩta ebĩrĩmũ ebite byangahola, nʼerĩbalya ebĩrĩmũ ebiriho ebite byangabyaho, busana nʼeribihira abandu bage abakahulikirira amabehĩ.

Ezekĩelĩ 34:3

Ĩnywe mukalya ebĩsabũ, imwambala obweya, ĩmwasĩnza esĩnenehĩre, nĩkwa ĩsĩmwelĩsaya ekihangulo.

Hosea 4:7

Omugulu bakanyirira kutsibu, mobanvĩhalĩrya kutsibu; nasyabindula olukengerwa lwabo mwʼĩsonĩ.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 3:5

Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

Malakĩ 1:12

Nĩkwa ĩnywe mũkatsandayalyo, ĩmũkabũga muti, Emesa yʼOmwami Mukulu yabiritsanda, neryo busana nʼebĩgũma byayo byo byalya byayo, ni byʼeriponwa.

Matayo 16:23

Nĩkwa Yesu mwakeba mwabũga na Petero ati, Uwe Satanĩ, ubye enyũma kwĩngye! Uli ndwĩkale yage kusangwa amalengekanĩa wawe si wa Nyamuhanga nĩkwa ni wʼabandu.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Luka 12:19

Neryo nasyabwira omutima wage nyiti, Mutima, uwite bindu binene bĩbĩkĩre busana nʼemyaka mingi. Uhumule, ulye, Ũpũlaye, ũyĩtsemesaye.

Luka 16:19

Neryo habya omundu wʼebindu iniakambala esyongimba syʼobũgũlĩ bunene syʼekĩtanĩ nʼesyʼomunyama. Kandi iniakalya ebyowenenga.

Luka 18:4

Oko mugulu muli, omũtswerĩ oyo mwatalĩga, nĩkwa mwasala ayibwira ati, Nomo ndeniubaha Nyamuhanga kutse erikenga mundu,

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.

AbanyaRoma 6:21

Neryo momwabana endũndĩ yahi omo myatsi eyo eyikabahemula lino kwehĩ? Kusangwa endũlĩ yʼemyatsi eyo ni luholo.

1 AbanyaKorinto 3:3

Kusangwa lino mukine bandu abakwamĩre omubiri. Kusangwa omugulu hakine eritsuro nʼamanegeno omo katĩkatĩ kenyũ, sĩmũkwamĩre omubiri kwehĩ? Kandi simwelendera ngʼabandu bʼekihugo kwehĩ?

1 AbanyaKorinto 5:2

Neryo mukayihagala muti kwehĩ? Litolere imwabya nʼobũlĩge bunene, nʼerĩlũsya omundu oyukakola omwatsi oyũ omo ndeko yenyũ.

1 AbanyaKorinto 5:6

Eriyihagata lyenyũ Sĩryowene! Sĩmwasĩ kwʼekĩhamya kike kĩkahamaya obundu bosĩ kwehĩ?

2 AbanyaKorinto 11:12

Nĩkwa ebyo ngakola, byo ngandisyakola, inatoka erĩkakĩrya abandi bakwenda abo eribana omwanya wʼeriyihalamba, nʼerĩbũga bati, bakakola ngoko ĩtwe tukakola.

2 AbanyaKorinto 11:15

Neryo si mwatsi akalĩre busana nʼabagombe bayo, bamayĩsosekanĩa ngʼabagombe bʼeritunganene. Nĩkwa oko ndũlĩ basyahembwa ngʼemĩbĩrĩ yabo ko yiri.

AbanyaGalatia 6:13

Nomo bangakwama omwatsi wʼerĩbanĩbwa, sibekwama Emigambo. Nĩkwa banzĩre ĩmwabanĩbwa ibatoka eriyipipa kusangwa mwamalĩga emitsye yʼomubiri.

AbanyaFilipi 2:21

Kusangwa abosĩ bakakwama emyatsi yabo butsira emyatsi ya Yesu Kristo.

AbanyaKolosai 3:2

Mũhĩre obũlengekanĩa bwenyũ oko myatsi yʼendata, butsira oko myatsi ya muna-kihugo.

2 AbanyaTesalonika 1:9

Basyasuyirwa omwʼihera lya kera na kera, nʼerisololwa embere syʼOmwami Mukulu, nʼoko lukengerwa lwʼobũtokĩ buwe,

2 AbanyaTesalonika 2:12

Neryo kyasyaleka abosĩ abatĩkĩrĩrye oko mwatsi wʼekwenene, nĩkwa bakatsemera ebibi, ĩbasĩngwa.

2 AbanyaTesalonika 2:8

Neryo Omundu Mubi oyo asyabĩsũlwa, nʼOmukama Yesu asyamwĩta omo muka wʼobuno buwe, nʼerĩmũtogotya omo lukengerwa lwʼerihuluka liwe.

1 Timoteo 6:5

Kandi bikaleta erinegena omo katĩkatĩ kʼabandu bʼobũlengekanĩa obũtsandĩre, isibakiwite omwatsi wʼekwenene. Bakaganĩraya bati, erikenga Nyamuhanga likaleta endũndĩ yʼebindu.

2 Timoteo 3:4

basyabya batebya, abatetsomana, abʼomutwe abĩmbĩre, abanzĩre erĩyĩtsemesya, ĩsĩbanzĩre Nyamuhanga;

Yakobo 4:16

Nĩkwa lino, mukayihalamba omo miyiheko yenyũ. Emiyihalambo yosĩ eyo ni kibi.

2 Petero 2:1

Nĩkwa mohahuluka abamĩnyererĩ bʼamabehĩ omo katĩkatĩ kʼabandu, kandi litya abakangĩrĩrya bʼamabehĩ basyahuluka omo katĩkatĩ kenyũ. Nabo basyĩngĩrya erĩkangĩrĩrya lyʼamabehĩ, erĩkaheraya. Abo basyagana Omukama oyo wagulabo, ibakayilretera erihera lyo lũba.

2 Petero 2:13

Kandi basyahembwa eriagalwa busana nʼerikolera abandi bo nabi. Bakatsemera erĩkũnda omwʼitungi, nʼeritsanga omo syongumbu syabo. Bakaleta esĩsonĩ nʼobũlĩge omugulu bakalya haguma nenyũ, kusangwa bakateba.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.

Yuda 1:10

Nĩkwa kandi abandu aba bakatsuma emyatsi eyo batasĩ. Kandi emyatsi yosĩ eyo basĩ omo mĩbĩrĩ yabo, ngʼesyonyama esitawite obũlengekanĩa, emyatsi eyo yo yĩkaherayabo.

Yuda 1:16

Abandu aba bakatonga, nʼerirega abandi, ibakakwama esyongumbu syabo nyibi. Bakabũga nʼerĩyĩhamya, kandi bakapipa abandu busana nʼeribana kubo kwʼendũndĩ.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.

Eribisurirwa 18:7

Uhego eriagalwa, nʼeririra, Omo lulengo olo ayipipamo nʼeriyisanza. Kusangwa akabũga omo mutima wago, ati, Nyĩkere ngʼomugole wʼOmwami, Sindi mũkwakalĩ, Sindiendisyalira na kera!

Eribisurirwa 19:20

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

Eribisurirwa 22:15

Nĩkwa eyĩhya oko mũyĩ hali esyombwa, nʼabakũmũ, nʼabasĩngĩrĩ, nʼabĩtĩ, nʼabakasaba esyosanamu, nʼabosĩ abakabiha, nʼabakakola ebyʼamabehĩ.

1 Samwelĩ 2:29

Neryo busana nakĩ mukakala oko hongo yage nʼobuhere bwage, ebyo nabirihamula omo nyũmba yage yʼerĩĩkalamo ĩmũkasĩkaya abagala bawe kwilaba ngye, erĩyĩnenehya omo mahere mabuya gosĩ wʼabandu bage Ĩsraelĩ kwehĩ?