AbanyaFilipi 3:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Ĩtwe twabĩrĩhĩkana tubye nʼobũlengekanĩa obũ. Kandi mwamabya nʼobundi bũlengekanĩa, Nyamuhanga asyabamĩnyĩsyabo.

Nouveau Testament et Psaumes en Ndandi Version 1962

¹⁵ Itwe ababirihikana tubye noburingikania obo; kandi omo yindi myatsi mwamabya nobundi buringikania, Mungu asyababisulirabo.

AbanyaFilipi 3:15 Iomraidhean Croise

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Matayo 5:48

Neryo mubye abahĩkene, ngoko Tata wenyũ wʼelubula ahĩkene.

Luka 11:13

Nomo mune ababi, mũnasĩ eriha abana benyũ bʼolũsũnzo lubuya. Tata wenyũ wʼelubula syalabĩre aho eriha Omũlĩmũ Abũyĩrĩre oko bakamũbũlaya kwehĩ?

Yoane 6:45

Abamĩnyererĩ mobasaka bati, Abandu bosĩ basyakangĩrĩrĩbwa na Nyamuhanga. Obuli mundu oyũkowa Tata nʼerĩkangĩrĩrĩbwa naye, akahĩka ũkwʼĩngye.

Yoane 7:17

Omundu Oyukasonda erikola erianza lya Nyamuhanga, asyaminya erĩkangĩrĩrya eryo nga ni rya Nyamuhanga kutse nga ngabũga omwʼiyihana lyage.

AbanyaRoma 15:1

Nĩkwa ĩtwe tuli nʼamaka, litolere ĩtwawatĩkya obolo bwʼabandu abate nʼamaka, butsira erĩyĩtsemesya.

1 AbanyaKorinto 14:20

Balĩkyetu, omo malengekanĩa wenyũ, Simubye ngʼabana. Nĩkwa busana nʼebibi mubye ngʼabana, kandi mubye bakulu abahĩkene omo malengekanĩa wenyũ.

1 AbanyaKorinto 2:6

Nĩkwa tũkabũga amenge oko bandu bahĩkene. Nĩkwa si menge wʼekihugo kino, kutse amenge wʼabatabalĩ bʼekihugo kino, abakahwaho.

AbanyaGalatia 5:10

Ngayiketera nywe omwisi wʼOmukama nyiti, simwendisyakwama obundi bũlengekanĩa. Nĩkwa oyũkabatsenga-tsengaya nomo angabyandi asyatswerwa na Nyamuhanga.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaKolosai 1:28

Litya tũkakanaya Kristo oko buli mundu. Tukahana obuli mundu, nʼerĩkangĩrĩrya obuli mundu omo menge gosĩ, itwatoka erireta obuli mundu embere sya Nyamuhanga, omundu oyo ĩnĩabĩrĩhĩkana busana nʼerimatikana na Kristo.

AbanyaKolosai 4:12

Epafra, wʼewenyũ, akabakeraya, lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga.

1 AbanyaTesalonika 4:9

Sihali bwaga bwʼeribasakira ebarua busana nʼerianza abalĩkyetu abĩkĩrĩrye, kusangwa Nyamuhanga akabakangĩrĩraya ngoko mwanganzana.

2 Timoteo 3:17

Neryo omundu wa Nyamuhanga ahĩkane, nʼerĩtokesĩbwa erikola obuli mũbĩrĩ owene.

AbaEbrania 5:14

Nĩkwa akalyo ni kʼabandu bakulu, ababirikola nʼerĩgĩsĩbwa omo myatsi mingi, ibabiritoka erisombola ekibuya nʼekibi.

1 Yoane 2:5

Nĩkwa omundu oyukakenga ekĩnywa kiwe, kwenene olwanzo luwe busana na Nyamuhanga lwabĩrĩhĩkana. Busana nʼekĩ tũnasĩ ndeke ko tuwatene na Nyamuhanga.