AbanyaFilipi 3:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Ekiguma nyanzĩre nyiti, nyiminye Kristo kwenene, nʼobũtokĩ bwʼerĩlũbũka liwe, kandi nyĩsangĩre omo magalĩ wuwe, nʼeribya haguma naye omo luholo luwe.

Nouveau Testament et Psaumes en Ndandi Version 1962

¹⁰ inatoka erimuminya nobutoki bwerilubuka riwe, nerisangira amagali wuwe, eribya ngaye omo luholo luwe,

AbanyaFilipi 3:10 Iomraidhean Croise

Yeremĩa 9:23

Omwami Mukulu ati, Omundu wʼamenge siayipipe busana nʼamenge wuwe, kutse owʼamaka siayipipe busana nʼamaka wuwe, owʼebindu siayipipe busana nʼobuteke buwe,

Matayo 20:23

Neryo Yesu mwabwirabo ati, Mwasyapũlya oko lũtehĩ lwage, nĩkwa erĩĩkala oko byala byage byʼamali, nʼoko malembe, si ryage eribahalyo, nĩkwa ni ryʼabo Tata wage abĩrĩkokoteryalyo.

Yoane 10:18

Sihali mundu oyukanyisagulayo, nĩkwa ngasigayo omo hamũlĩ yage. Nyiwite ehamũlĩ yʼerisigayo, kandi ngwite ehamũlĩ yʼerĩswĩmyayo. Tata wage abirinyihana ati nyikole nyitya.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

AbanyaRoma 8:17

Twamabya tuli bana, tuli balĩ bʼomwandu nʼebindu ebyo Nyamuhanga akatubikira omo bwami buwe. Kandi twasyasangira omwandu haguma na Kristo; kusangwa twamagalwa haguma na Kristo, twasyasangira olukengerwa luwe.

AbanyaRoma 8:29

Kusangwa abo ayisoga erĩmbere, mwasombolabo kera basose Mugala wuwe, neryo Omugala iniatoka eribya akambere omo bagala babo bangi.

AbanyaRoma 8:36

Ngoko kĩsakĩre kiti, Busana nawe tũkĩtawa omo musibo gosĩ. Tukaganzawa ngʼesyombũlĩ syʼerikerwa.

2 AbanyaKorinto 1:10

Kandi mwatũlamya oko bwĩko bosĩ bwʼoluholo, kandi asyatũlamya kubo; kandi tuli nʼamaha kwʼakandĩsyatũlamya kandi,

2 AbanyaKorinto 1:5

Kusangwa ngoko tukasangira amalĩge mangi wa Kristo, litya tukasangira omwisi wa Kristo erĩkĩranĩa liwe lĩnene.

2 AbanyaKorinto 13:4

Kusangwa kwenene mwahanikwa oko musalaba busana nʼobolo bwʼomubiri, nĩkwa aneho omo bũtokĩ bwa Nyamuhanga. Netu nibya tuli bolo nga ye, nĩkwa twasyabyaho haguma naye omo bũtokĩ bwa Nyamuhanga omo myatsi yenyũ.

AbanyaGalatia 2:20

Nabiribambwa oko musalaba haguma na Kristo. Nĩkwa lino nyineho; nĩkwa butsira ngye, Kristo aneho omwisi wage. Nʼengebe eyo nyiri nayo lino omo mubiri, nyiri nalyo busana nʼerĩkĩrĩrya Omugala wa Nyamuhanga, oyo wanyanza, nʼeriyiha busana nage.

AbanyaGalatia 6:17

Erĩtsũka lino Sihabye omundu oyũkanyĩlũhaya, kusangwa ngwite omo mubiri wage esyongolũ sya Yesu.

AbanyaEfeso 4:13

Litya twasyahĩka oko buguma bwʼerĩkĩrĩrya nʼobwʼeriminya Omugala wa Nyamuhanga, itwatoka erĩhĩkana omo lulengo lwʼerĩhĩkana lya Kristo.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

AbanyaKolosai 1:24

Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe.

AbanyaKolosai 2:13

Nenyũ mwabya baholĩ busana nʼamalolo wenyũ, kandi busana nʼeribya bandu bʼEbihanda bitawite Migambo. Nĩkwa Nyamuhanga abiribaha engebe haguma na Kristo. Naye abiritubuyira amalolo wetu gosĩ.

AbanyaKolosai 3:1

Neryo kusangwa mwabĩrĩlũbũkĩbwa haguma na Kristo, mũhĩre emitima yenyũ oko myatsi yʼendata aho Kristo ĩkere oko luhande lwʼamali lwa Nyamuhanga.

1 Petero 1:3

Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.

2 Petero 1:13

Kusangwa ngaganza nyiti, litolere omugulu nyikine omo mubiri wage, erĩbĩbũkyago.

1 Yoane 2:3

Twamateya ebihano bya Nyamuhanga, tukaminya ko tũmwasĩ.

1 Yoane 2:5

Nĩkwa omundu oyukakenga ekĩnywa kiwe, kwenene olwanzo luwe busana na Nyamuhanga lwabĩrĩhĩkana. Busana nʼekĩ tũnasĩ ndeke ko tuwatene na Nyamuhanga.

Eribisurirwa 1:18

Kandi indi oyuliho! Nabya nyĩholĩre, neryo lebaya, nyiriho kera na kera. Kandi nyiwite ebĩboholĩ byʼoluholo nʼebyʼEkũlĩmũ.