AbanyaFilipi 2:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo mwayĩkehya, mwabya akowa, erĩhĩka oko luholo, lo luholo lwʼomusalaba.

Nouveau Testament et Psaumes en Ndandi Version 1962

⁸ neribanika omo mubiri wabandu mwayikehya mwabya akowa erihika oko luholo, ega, oluholo lwomusalaba.

AbanyaFilipi 2:8 Iomraidhean Croise

Esyonyimbo 22:16

Endeko yʼabandu babi ĩkanyĩtĩmbako Ngʼobũhyo bwʼesyombwa; Bakatobola ebyala byage nʼebisando byage.

Emĩsyo 15:33

Eriubaha lyʼOmwami Mukulu nĩ ʼkangĩrĩrya lyʼamenge; Erĩyĩkehya lĩkatsũka embere wʼerĩsĩkĩbwa.

Matayo 17:2

Neryo Yesu mwahĩndũkĩbwa embere syabo, nʼobũsũ buwe mobwakangabasanĩa ngʼeryuba, nʼesyongimba siwe mosyabya nyeru-nyeru ngʼekyakakala.

Matayo 26:39

Neryo mwaya embere yo hake, mwawa ahisi, mwasaba ati, Tata wage, kyamatokekana, Ũnyĩlũsaye kwʼolũtehĩ olũ! Nĩkwa butsira ngoko nyazĩre, nĩkwa ngoko wanzĩre.

Matayo 26:42

Kandi engendo yʼakabiri Yesu mwayasaba ati, Tata wage, olũtehĩ olũ lwamatenditokekana erĩnyĩlũako namatindapũlyalo, erisonda lyawe likolawe.

Luka 9:29

Neryo abere anemusaba, erisosa lyʼobũsũ buwe molyahinduka, nʼesyongimba siwe mosyahenĩa nʼerĩkangabasanĩa.

Yoane 10:18

Sihali mundu oyukanyisagulayo, nĩkwa ngasigayo omo hamũlĩ yage. Nyiwite ehamũlĩ yʼerisigayo, kandi ngwite ehamũlĩ yʼerĩswĩmyayo. Tata wage abirinyihana ati nyikole nyitya.

Yoane 14:31

Ngoko Tata anyihana, ko ngakola nyitya, ekihugo kitoke eriminya ko nyanzĩre Tata.

Yoane 15:10

Mwamakenga ebihano byage, mwasyĩkala omo lwanzo lwage, ngoko nage nabirikenga ebihano bya Tata wage, neryo nyĩkere omo lwanzo luwe.

Yoane 4:34

Nĩkwa Yesu mwabwirabo ati, Akalyo kage ni ʼkola erisonda lyʼoyo wanyituma, nʼeribuga omũbĩrĩ ogo amba.

Emibiri 8:33

Kandi mwahemulwa, kandi mobamukaga erĩbanza. Nindi wasyatũla omwatsi wʼabana buwe kwehĩ? Kusangwa engebe yiwe omo kihugo yabĩrĩlũsĩbwaho.

AbanyaRoma 5:19

Kusangwa busana nʼerĩtendĩowa lyʼomundu muguma, abandu bangi mobayirwa mo bakola-nabi, neryo litya busana nʼerĩowa lyʼomundu muguma, abandu banene basyayirwa mo batunganene embere sya Nyamuhanga.

2 AbanyaKorinto 8:9

Kusangwa mũnasĩ olukogo lwʼOmukama wetu Yesu Kristo. Nomo anabya muteke, mwayiyira mo mwera busana nenyũ, neryo imwato­ka eribya bateke busana nʼobwera buwe.

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

Eryibuka Ebihano 21:23

ekĩnda kiwe isikyasiba oko muti ekiro kyosĩ, nĩkwa mwasyamuta ekiro ekyo; kusangwa oyukahanikawa iniatakĩrwe na Nyamuhanga; mũkasyatsandya ekihugo kyenyũ ekyo Mwami Mukulu Nyamuhanga wenyũ akabaha mo mwandu.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 12:4

Omo malwa wenyũ nʼebibi, sĩmwetahĩka aho bakũta omusasi wenyũ.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.