AbanyaFilipi 2:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nĩkwa mwayĩtũtũla olukengerwa luwe, mwayiyira ngʼomugombe, mwabutwa ngʼabandu, mwaminyikala omo kĩsosekanĩo kyʼomundu.

Nouveau Testament et Psaumes en Ndandi Version 1962

⁷ nikwa mwayitutula, mwimya omubiri womukobe, neriyirwa omwisosa ryabandu;

AbanyaFilipi 2:7 Iomraidhean Croise

Esyonyimbo 22:6

Nĩkwa ĩngye indi kahuka, Sindi mundu, Abandu bakanyĩkwa obusu, kandi abandu bakanyipona!

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 49:3

Kandi mwabũga nage ati, Uli mugombe wage Ĩsraelĩ, nasyakangya olukengerwa lwage umʼuwe.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Zekarĩa 3:8

Uwe Yosũa, omũhererĩ mukulu, wowe lino, uwe nʼabalĩkyenyũ abĩkere embere syawe; mĩnyĩsyo; kusangwa, lebaya, nasyaletamo Omugombe wage, go Mutahi.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Matayo 12:18

Lebaya, Omugombe wage oyo nabiriyisoga; Omwanze wage, omutima wage amatsemesĩbwa busana naye. Nasyamũhĩra kʼOmũlĩmũ wage, Naye asyakanganĩa erĩbanza oko bandu bosĩ.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Mariko 9:12

Yesu mwasũbĩryabo ati, Elĩa akandĩsyatsũka erĩhĩka nʼerĩsũbya emyatsi yosĩ, nĩkwa busana naki kĩsakĩre kiti, Omugala wʼomundu asyagalwa omo myatsi mingi nʼeriganwa kwehĩ?

Luka 22:27

Nindi yo mukulu, oyo wĩkere okwʼirya, kutse oyukamukolera kwehĩ? Si yoyo wĩkere oko mesa kwehĩ? Nĩkwa ĩngye indi omo katĩkatĩ kenyũ ngʼoyukakolera abandi.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

AbanyaRoma 1:3

Engulu Yowene eyĩ ni yʼomugala wuwe, Omukama wetu Yesu Kristo. Naye abutawa ngʼomundu omo lubuto lwa Dawĩdĩ.

AbanyaRoma 15:3

Kusangwa Kristo mwatayĩtsemesya; nĩkwa kĩsakĩre kiti, Ebĩtsũmĩ ebyo bakutsuma mobyambĩkako.

AbanyaRoma 15:8

Kusangwa ngabũga nyiti, Kristo abiribya omugombe oko Bayũda busana nʼerĩhanganĩa ekwenene ya Nyamuhanga, nʼerĩberererya esyondagane siwe oko boso-kulu.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

2 AbanyaKorinto 13:4

Kusangwa kwenene mwahanikwa oko musalaba busana nʼobolo bwʼomubiri, nĩkwa aneho omo bũtokĩ bwa Nyamuhanga. Netu nibya tuli bolo nga ye, nĩkwa twasyabyaho haguma naye omo bũtokĩ bwa Nyamuhanga omo myatsi yenyũ.

2 AbanyaKorinto 8:9

Kusangwa mũnasĩ olukogo lwʼOmukama wetu Yesu Kristo. Nomo anabya muteke, mwayiyira mo mwera busana nenyũ, neryo imwato­ka eribya bateke busana nʼobwera buwe.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

AbanyaFilipi 2:6

oyũ, nomo anabya Nyamuhanga kwenene, mwatayilwira eriringirirana na Nyamuhanga.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 13:3

Mwibuke abali omo mũlĩkĩ nga muli haguma nabo omo mũlĩkĩ, kandi mwibuke abakagalĩbawa, nga mũkagalĩbawa mutya omo mubiri.

AbaEbrania 4:15

Kusangwa omũhererĩ wetu mukulu oko bahererĩ bosĩ si mundu oyũtetũkwĩra obũlĩge omo bolo-bolo bwetu. Nĩkwa tuwite omũhererĩ mukulu oko bahererĩ bosĩ oyo walengawako omo myatsi yʼemĩsĩndo yosĩ eyikatulengako netu, nĩkwa mwatakola ebibi.