AbanyaFilipi 2:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ oyũ, nomo anabya Nyamuhanga kwenene, mwatayilwira eriringirirana na Nyamuhanga.

Nouveau Testament et Psaumes en Ndandi Version 1962

⁶ oyo, nomwanabya nomubiri wo Mungu, mwataganza eriringirirana noMungu nga kindu kyerihamba kutsibu,

AbanyaFilipi 2:6 Iomraidhean Croise

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Ĩsaya 8:8

Kandi lwasyalaba erĩlolya eYũda. Lwasyatswaga nʼeritwangana. Lwasyahĩka oko bĩkya nʼeriyisanza lyʼebĩpũpa byalo lyasyũsũlya ekihugo kyawe, uwe Emanũelĩ.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Yeremĩa 23:6

Omo biro biwe Yũda asyalamĩbwa, na Ĩsraelĩ asyĩkala buholo. Nʼerĩ nĩ rĩna liwe; lyo lĩna asyahulwamo, Omwami Mukulu yo litunganene lyetu.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

Yoane 10:30

Ĩngye na Tata tuli muguma.

Yoane 10:33

Abayũda mobamũsũbĩrya bati, Sĩtwekũswĩraya amabwe busana nʼomũbĩrĩ owene, nĩkwa busana nʼeritsuma Nyamuhanga! Kusangwa uwe mundu buyira, ukayiyira mo Nyamuhanga!

Yoane 10:38

Nĩkwa namakolayo, nomo mwangabya mũtanyĩkĩrĩrye, mwĩkĩrĩraye emĩbĩrĩ eyo, mutoke eriminya nʼerĩkĩrĩrya ngoko Tata amatikene ũkwʼĩngye, nage nyimatikene na Tata.

Yoane 14:28

Momowa ngababwira nyiti, Ngagenda, kandi nasyaswasa ũkwʼĩnywe. Kumbe mulwe mũnyanzĩre, nga mwabiritsema, kusangwa ngaya uku Tata; kusangwa andengĩre.

Yoane 14:9

Yesu mwamubwira ati, Nabiribya nenyũ omugulu ungaha, nĩkwa sulitanyiminya kwehĩ Fĩlĩpo? Oyo wamanyilangira iniabirilangira Tata. Busana nakĩ ũkabũga uti, Ũtũkangaye Tata kwehĩ?

Yoane 17:5

Na lino, Tata, ũnyĩsĩkaye embere syawe, kandi omo lukengerwa olo nabya nalo haguma nawe ekihugo kite kyahangikwa,

Yoane 20:28

Toma mwamũsũbĩrya ati, Omukama wage na Nyamuhanga wage!

Yoane 5:18

Busana nʼomwatsi oyũ Abayũda mobasonda-sonda erĩmwĩta kwilaba; kusangwa ambu abya akaketa omugambo wʼeSabato, kandi kusangwa abya akahula Nyamuhanga mo Tata wuwe, ĩnĩakayĩrĩngĩrĩranaya na Nyamuhanga.

Yoane 5:23

Neryo abosĩ batoke erĩsĩkya Omugala, ngoko bakasĩkaya Tata. Oyũtesĩkaya Omugala, sĩalĩsĩkaya Tata oyo wamutuma.

AbanyaRoma 9:5

Ni bana bʼabotata-kulu betu Abrahamũ, Ĩsaka, na Yakobo. Na Kristo oko mubiri ni wʼekihanda kyabo. Iye ni Nyamuhanga ali endata oko bosĩ, apipawe kera na kera. Amina.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 AbanyaKorinto 8:9

Kusangwa mũnasĩ olukogo lwʼOmukama wetu Yesu Kristo. Nomo anabya muteke, mwayiyira mo mwera busana nenyũ, neryo imwato­ka eribya bateke busana nʼobwera buwe.

1 Timoteo 1:17

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 1:6

Kandi omugulu Nyamuhanga abya akaleta akambere kuwe omo kihugo, mwabũga ati, Abamalaĩka bosĩ ba Nyamuhanga bamũramaye.

AbaEbrania 1:8

Nĩkwa Nyamuhanga akabũga busana nʼomugala ati, Ekĩtũmbĩ kyawe kyʼobwami, uwe Nyamuhanga, ni kya kera na kera, Ukatabala oko bwami bwʼerĩbanza.

AbaEbrania 13:8

Yesu Kristo sialihinduka; mũlĩgolo na mũnabwĩre, ega na kera, ikwʼane atya.

Eribisurirwa 21:6

Kandi mwabũga ati, Byamakoleka! Ĩngye indi Alfa na Omega, erĩtsũka nʼendũlĩ. Oyũkwĩre enyota nasyamuha oko magetsi wʼengũnũnũko yʼamagetsi wʼengebe butsira erigula.