AbanyaFilipi 2:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Nomo musasi wage angũtũlĩrwa ngʼobuhere busana nenyũ kusangwa mwabĩrĩkĩrĩrya Nyamuhanga nʼeriyiherera ukwʼiye, ngandisyatsema nʼerisangira obutseme bwage haguma nʼĩnywe bosĩ.

Nouveau Testament et Psaumes en Ndandi Version 1962

¹⁷ Nomonanguturirwa oko buhere bweriki rirya ryenyu, ngatsema neritsanga haguma ninywe bosi.

AbanyaFilipi 2:17 Iomraidhean Croise

Emiganzo 28:6

Bo buhere bwʼerĩokererya emigulu yosĩ, obwahamulirawa omo kitwa kyʼeSĩnaĩ eribya bumba bũsĩhĩre, obuhere obũkokĩbawa busana nʼOmwami Mukulu omo muliro.

Emiganzo 28:7

Nʼobuhere bwʼerĩpũlya bwago bwasyabya bwʼekihande kiguma ekyʼomo bini kyʼetsũpa busana nʼekyana kiguma kyʼembũlĩ; wasyũtũlĩrabo oko Mwami Mukulu omo habũyĩrĩre, obuhere bwʼerĩpũlya obwabũ obũhĩre.

Emibiri 20:24

Nĩkwa ngaganza engebe yage nga si kindu, inatoka eribuga obukwenda bwage, nʼomũbĩrĩ ogo Mukama Yesu amba erikola, eryo nĩ tũla Engulu Yowene yʼolukogo lwa Nyamuhanga.

Emibiri 21:13

Neryo Paũlo mwasũbĩrya ati, Mũkakolakĩ eririra, nʼerĩhahũkya omutima wage kwehĩ? Kusangwa nyĩsĩkĩre eribohwa eYerũsalema nʼerihola busana nʼerĩna lyʼomukama Yesu.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 15:16

eribya mugombe wa Yesu Kristo oko Bihanda. Ngakola ngʼomũhererĩ busana nʼerĩtũla Engulu Yowene eyĩkalũa uku Nyamuhanga, Ebihanda bibye buhere obũkasĩmawa na Nyamuhanga, obo Mũlĩmũ Abũyĩrĩre abirihigula.

2 AbanyaKorinto 12:15

Nage ngandĩhĩtya nʼobutseme nʼerĩyĩnũbya busana nʼerĩbawatĩkya. Namabanza kutsibu, ekyo kyangaleka imwanyanza hake kwehĩ?

2 AbanyaKorinto 4:12

Neryo oluholo luli hakũhĩ netu, nĩkwa engebe ikakola omwisi wenyũ.

2 AbanyaKorinto 6:10

Tuli ngʼabandu bʼobũlĩge, nĩkwa tukatsema ebiro byosĩ; tuli ngʼabera, nĩkwa tukayira abandi mo bateke; isituwite kindu, nĩkwa tuwite ebindu byosĩ.

2 AbanyaKorinto 7:4

Ĩnywe ngayiketera kutsibu, kandi ngayihalamba kutsibu busana nenyũ; nabĩrĩkĩranĩbwa ndeke, ngayĩsyandira ndeke omo malĩge wetu gosĩ.

AbanyaFilipi 1:20

Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage.

AbanyaFilipi 2:18

Nenyũ nibya, ngabahatikana nyiti, mutseme mutya, kandi musangire nage obutseme bwenyũ.

AbanyaFilipi 2:30

Kusangwa abya akĩsĩya iniahola busana nʼomũbĩrĩ wa Kristo. Kandi mwatalanda oko ngebe yiwe, iniakasonda erĩnyĩwatĩkya umwʼebyo mutatoka erikola busana nage.

AbanyaFilipi 4:18

Nĩkwa nabiribana ebyosĩ, ngwite bingi; sindibula nʼekindu busana nʼolũsũnzo lwenyũ, olo Epafrodito aleta. Nĩ ʼhĩtya erikakumba ndeke, embere wa Nyamuhanga obuhere obutolere, obũkatsemesaya Nyamuhanga yo ndeke.

AbanyaKolosai 1:24

Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe.

1 AbanyaTesalonika 2:8

Neryo kusangwa twabya tũbanzĩre kutsibu twabya twanzĩre erisangira nenyũ butsira Engulu Yowene ĩyoyene, nĩkwa nʼesyongebe syetu nibya. Mwabya banze betu kutsibu!

2 Timoteo 4:6

Nĩkwa ĩngye, lino nyĩkĩsĩya ĩnakwa busana nʼEngulu Yowene, nʼendambĩ yage yʼerigenda yabĩrĩhĩka.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Yoane 3:16

Tukaminya olwanzo ko luli lutya, tuti Kristo mwaha engebe yiwe busana netu. Netu litolere itwaha esyongebe syetu busana nʼabalĩkyetu.