AbanyaFilipi 2:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Imwatoka eribya abakũmayĩre nʼeribya bandu babuya, abana ba Nyamuhanga abate ko mwatsi, abĩkere omo katĩkatĩ kʼekihugo kĩhengemĩre, nʼekyʼomwaga. Nenyũ mukaminyikala ngʼesyotala omo kihugo.

Nouveau Testament et Psaumes en Ndandi Version 1962

¹⁵ imwatoka eribya butsira ekyo mwangakungirwa kandi butsira olubanza, abana boMungu butsira bulema omukati-kati kolulengo luhengemire nolwobu haka, kandi omukati-kati kabo mukakoleraya ngesiseke omo kihugo,

AbanyaFilipi 2:15 Iomraidhean Croise

Esyonyimbo 122:5

Hano ho hali ebilondero, Aho mwami akatswerera abandu buwe.

Erĩlũayo 34:35

Abandu ba Ĩsraelĩ mobasamalira obũsũ bwa Musa, kwʼengoba yʼobũsũ buwe ĩkangabasenĩe; neryo Musa mwahĩra akakimba kʼoko bũsũ buwe, erĩhĩka aho ingirira erĩkanĩa na Nyamuhanga.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Emĩsyo 8:8

Ebĩnywa byosĩ byʼobuno bwage biri omo litunganene; Sihali ekĩhengemĩre kutse erĩsĩngĩsĩrya mubyo.

Ĩsaya 60:1

Hangana, ũkoleraye, kusangwa ekyakakala kyawe kyamasa, nʼolukengerwa lwʼOmwami Mukulu lwabirikuhulukira.

Danĩelĩ 6:4

Neryo abakulu nʼabatabalĩ mobasondya omwatsi ogo bangatsongera ko Danĩelĩ busana nʼobwami; nĩkwa mobatabana mwatsi kutse erĩlolo, kusangwa abya oyuteregula, kandi mwatabanika kwʼekibi, kutse oluhabo.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

Matayo 17:17

Yesu mwasũbĩryabo ati, ĩnywe lulengo lwʼerĩtendĩkirĩrya nʼolʼobuhaka! Nasĩkala nenyũ omo mugulu ungahi kwehĩ? Nasyababegerya omugulu ungahi kwehĩ? Munyiretere ye hano.

Matayo 5:45

imwatoka eribya bagala ba Tata wenyũ oyuli elubula. Kusangwa, akahũlũkaya eryuba liwe oko babi nʼoko babuya, kandi akatuma embũla oko batunganene nʼoko batatunganene.

Matayo 5:48

Neryo mubye abahĩkene, ngoko Tata wenyũ wʼelubula ahĩkene.

Luka 1:6

Kandi ababiri bosĩ babya batunganene embere sya Nyamuhanga, ibakakwama ndeke ebihano byosĩ nʼebilayiro byʼomukama.

Luka 6:35

Nĩkwa mwanze esyonzĩgũ syenyũ, mokolerebo ebibuya, mubweke, simusonde eribwekulwa. Nʼoluhembo lwenyũ lwasyabya lungi, kandi nenyũ mwasyabya bagala bʼOwendata Kutsibu; kusangwa ni mwenge oko batesĩma nʼabandu babi.

Yoane 5:35

Yoane abya tala eyikaka nʼerĩkolerya, nenyũ mwabya mwanzĩre eritsema katambĩ omo kyakakala kiwe.

Emibiri 2:40

Neryo Petero mwatũlago omo bindi bĩnywa bingi, kandi mwahatikanabo ati, Mũyĩlamaye oko lulengo lubi olũ!

Emibiri 20:30

Kandi abandu basyahangana omo katĩkatĩ kenyũ, ĩbakabũga emyatsi yʼamabehĩ, erikura abiga erikwamabo.

AbanyaRoma 16:19

Kusangwa engulu yenyũ ambu mũkowa Kristo, yabĩrĩhĩka oko bandu bosĩ; neryo ngatsema kutsibu busana nenyũ. Nĩkwa nyanzĩre mubye bʼamenge omo bibuya, kandi mubye ngʼabalere omo myatsi yʼebibi.

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

2 AbanyaKorinto 6:17

Kusangwa Omukama akabũga ati, Neryo mũlũe omo katĩkatĩ kabo, muyisolole. Kandi sĩmũtũle oko kindu ekĩtĩsĩrĩre. Nage nasyabakokya,

AbanyaEfeso 5:27

Ati, iniatoka eriyiretera ekanĩsa omo bubuya bwayo, isiyiwite ekĩtĩngũ kutse omũkũnyo kutse ekindi kiri ngʼekyo; nĩkwa ati, ibye ĩbũyĩrĩre butsira bulema.

Eryibuka Ebihano 32:5

Babirimukola nabi, Si bana buwe, busana nʼekirema kyabo. Ni lulengo lwʼomwaga nʼolũhengemĩre.

AbanyaFilipi 1:10

Imwatoka erĩsĩma ebibuya. Litya mukandisyatoka eribya babuya, butsira ekyangakungwa, erĩhĩka oko kiro kya Kristo.

AbanyaFilipi 3:6

Nabya nʼomũhwa munene busana nʼerĩendererya ekanĩsa. Nabya nyĩkũmayĩre omwʼitunganana eryo likabanika omo Migambo.

1 AbanyaTesalonika 5:23

Neryo Nyamuhanga oyukaha Obuholo, iye abahigule ĩmwahĩkana. Kandi abategaye omo kĩrĩmũ kyenyũ, nʼomutima wenyũ, nʼomubiri wenyũ, imwabya butsira kahinira okwʼĩhĩka lyʼomukama wetu Yesu Kristo.

1 Timoteo 3:10

Kandi batsũke erirengwa, neryo bamatendibanika oko mwatsi, bakole omũbĩrĩ wʼomũwatĩkya.

1 Timoteo 3:2

Neryo omukulu, atolere iniabya butsira kahinira, atolere iniabya nʼomũkalĩ muguma musa, kandi sĩakũnde, ayĩtegaye, ayitondeke, abye oyũkakokaya abagenĩ, kandi atoke erĩkangĩrĩrya.

1 Timoteo 5:14

Neryo ĩngye nyanzĩre abakwakalĩ balere ibaheruka, babute abana, bategeke amanyũmba wabo, sibahe esyonzĩgũ syetu omwanya wʼeritwahula nabi.

1 Timoteo 5:20

Abakakola ebibi ukungebo embere syʼabandu bosĩ, abandi nabo batoke eriubaha.

1 Timoteo 5:7

Neryo uhanebo emyatsi eyĩ, Sibabye bakahulwa nabi.

Tito 1:6

Omukulu atolere iniabya butsira kahinira, abye na mũkalĩ muguma musa, nʼabana buwe babye ababĩrĩkĩrĩrya Omukama, Sibabye bʼomwaga kutse abatekenga.

Tito 2:10

Kandi sĩbĩbe, nĩkwa bayĩkangaye ngʼabandu babuya abateregula, batoke erĩowanĩa erĩkangĩrĩrya lya Nyamuhanga Omũlamya wetu omo byosĩ bakakola.

Tito 2:15

Ũbũge emyatsi eyĩ, kandi Ũsĩkaye nʼerikunga abandu nʼehamũlĩ yosĩ. Suleke mundu akakupona.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

Eribisurirwa 2:5

Wibuke aho watogera! Ubindule omutima, uleke ebibi byawe, Ukole ngoko wabya ukakola erĩmbere. Bite bitya, nasyakũhĩkako, ĩnalũsya omutagala wawe wʼaho wago, wamatindabindula omutima wawe nʼerireka ebibi byawe.

Eribisurirwa 3:9

Lebaya! Endeko eyo ye nyũmba yʼerĩhĩndanamo ya Satanĩ, ababehĩ abo, abakayahula mo Bayũda, nĩkwa isibo, lebaya, nasyaleka ibasa nʼerĩũnama nʼerĩramya embere syʼebisando byawe, baminye ko nyĩkwanzĩre.