AbanyaFilipi 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Ngabasabira nyiti, olwanzo lwenyũ lukanyirire kutsibu haguma nʼamenge nʼeriminya enzumwa yʼomwatsi.

Nouveau Testament et Psaumes en Ndandi Version 1962

⁹ Erisaba ryage ryeri nyiti, olwanzo lwenyu lukanye akandi na kandi, namenge neriminya ryosi,

AbanyaFilipi 1:9 Iomraidhean Croise

Yobũ 17:9

Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

Esyonyimbo 119:66

Umbe amenge, nʼeriminya, Kusangwa ngayiketera ebihano byawe.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

1 AbanyaKorinto 14:20

Balĩkyetu, omo malengekanĩa wenyũ, Simubye ngʼabana. Nĩkwa busana nʼebibi mubye ngʼabana, kandi mubye bakulu abahĩkene omo malengekanĩa wenyũ.

2 AbanyaKorinto 8:7

Ĩnywe mukakanyirira omo myatsi yosĩ, omwʼĩkĩrĩrya, nʼomwʼĩbũga ekĩnywa, kandi Omwʼiminya, nʼomo mũhwa munene, nʼomo lwanzo lwenyũ busana netu. Neryo kandi mukanyirire omo mũbĩrĩ mubuya wʼerĩhĩtya.

AbanyaEfeso 5:17

Neryo Simubye bakĩrũ, nĩkwa mũsondaye eriiga ekyo Mukama anzĩre imwakola.

AbanyaKolosai 1:9

Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha.

AbanyaKolosai 3:10

Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

1 AbanyaTesalonika 3:12

Kandi Omukama aleke olwanzo lwenyũ lukanye nʼeribwaga busana nʼerianzana, na busana nʼerianza bandu bosĩ, ngoko lwanzo lwetu luli busana nenyũ.

1 AbanyaTesalonika 4:1

Neryo balĩkyetu, momwiga ũkwʼĩtwe ngoko mutolere erirendera nʼerĩtsemesya Nyamuhanga. Nenyũ mukanakola mutya. Nĩkwa lino tũkababũlaya, nʼeribalemba-lemba busana nʼOmukama Yesu, tuti mukole kwilaba aho.

2 AbanyaTesalonika 1:3

Balĩkyetu, litutolere eriha Nyamuhanga ewasĩngya busana nenyũ oko migulu yosĩ! Kandi lyowene itwakola tutya, kusangwa erĩkĩrĩrya lyenyũ linemukula kutsibu, kandi olwanzo lwʼobuli mundu omo katĩkatĩ kenyũ lunemukanyirira busana nʼabandi balĩkyetu bosĩ.

Filemono 1:6

Kandi ngasaba nyiti, erisangira lyʼerĩkĩrĩrya lyawe lĩkandĩsyawatĩkya eriminya ebyosĩ ebyo muwite busana na Kristo.

AbaEbrania 5:14

Nĩkwa akalyo ni kʼabandu bakulu, ababirikola nʼerĩgĩsĩbwa omo myatsi mingi, ibabiritoka erisombola ekibuya nʼekibi.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.