AbanyaFilipi 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo nyĩnasĩ mwatsi muguma oyũ, nyiti, oyo watsũka omũbĩrĩ owene omwisi wenyũ, ye Nyamuhanga, asyaberereryago erĩhĩka oko kiro kya Kristo Yesu.

Nouveau Testament et Psaumes en Ndandi Version 1962

⁶ Nyinasi ndeke oyo watsuka omubiri owene omwisi wenyu akandisyahikaniago erihika oko kiro kyaYesu Kristo.

AbanyaFilipi 1:6 Iomraidhean Croise

Esyonyimbo 138:8

Wasyakola ebyosĩ ebyo wanyilaga, uwe Mwami Mukulu; Uwe Mwami Mukulu, olwanzo lwawe silulyusa kera na kera. Ubuge omũbĩrĩ ogo wabĩrĩtsũka.

Yoane 6:29

Yesu mwasũbĩryabo ati, Omũbĩrĩ wa Nyamuhanga goyũ: mwĩkĩrĩraye oyo Nyamuhanga atuma.

Emibiri 11:18

Neryo babere bowa ebyo, mobabya bũkũtũ, mobapipa Nyamuhanga bati, Kwesĩ, Nyamuhanga abiriha oko Bihanda nibya eribindula omutima nʼeribana engebe.

Emibiri 16:14

Neryo omũkalĩ muguma oyo wabya akahulikirira, abya Lũdĩa wʼomũyĩ wʼeTuatira. Naye abya mũtũndĩ wʼesyongimba syʼengula. Abya mũkalĩ oyũkaramaya Nyamuhaga, neryo Omukama mwamwĩbũkya omo mutima wuwe erĩowa emyatsi eyo Paũlo abũga.

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

2 AbanyaKorinto 1:15

Busana nʼeriyiketera omwatsi oyũ, nabya nyanzĩre erĩbahĩkako erĩmbere, imwatoka eribana omũyĩsa go kabiri.

2 AbanyaKorinto 2:3

Ekyo kyo kyanaleka inabasakira ebarua, kusangwa sinabya nyanzĩre erĩbahĩkako nʼerĩĩtwa obũlĩge nʼabandu abo abatolere erĩnyĩtsangamũkya. Kusangwa nyasĩ omugulu ngatsema, nʼĩnywe bosĩ mukabana obutseme.

2 AbanyaKorinto 7:16

Ngatsema kusangwa ngatoka omo myatsi yosĩ eriyiketera nywe.

2 AbanyaKorinto 9:4

Neryo abandi abʼeMakedonĩa bamasa haguma nage, bakasyabeya ĩsĩmũsĩkĩre, itwamahemuka, nenyũ nibya, busana nʼomwatsi wʼeriyihalamba lyetu busana nenyũ.

AbanyaGalatia 5:10

Ngayiketera nywe omwisi wʼOmukama nyiti, simwendisyakwama obundi bũlengekanĩa. Nĩkwa oyũkabatsenga-tsengaya nomo angabyandi asyatswerwa na Nyamuhanga.

AbanyaEfeso 4:12

Neryo mwakola atya erĩtegekanĩa abandu ba Nyamuhanga busana nʼomũbĩrĩ wuwe, nʼerĩhĩkanĩa omubiri wa Kristo.

AbanyaFilipi 1:10

Imwatoka erĩsĩma ebibuya. Litya mukandisyatoka eribya babuya, butsira ekyangakungwa, erĩhĩka oko kiro kya Kristo.

AbanyaFilipi 1:29

Busana na Kristo mwabirihabwa obubuya obũ obwʼerĩmwĩkĩrĩrya, nĩkwa butsira erĩ risa, nĩkwa obubuya bwʼeriagalwa busana naye.

AbanyaFilipi 2:12

Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omwʼiubaha nʼerititimana.

AbanyaFilipi 2:13

Kusangwa ni Nyamuhanga yukakola omwisi wenyũ, imwabya mũkalĩga nʼerikola ebĩkamũtsemesaya.

AbanyaFilipi 2:16

Imukahabo ekĩnywa kyʼengebe. Nage inatoka erĩyĩsyandira busana nenyũ oko kiro kya Kristo, isinditaluha buyira kutse erikola buyira.

AbanyaKolosai 2:12

Kusangwa omwʼĩbatĩsĩbwa lyenyũ momwatabwa haguma na Kristo. Kandi omwʼĩbatĩsĩbwa lyenyũ, mwalũbũkĩbawa haguma na Kristo busana nʼerĩkĩrĩrya lyenyũ omo bũtokĩ bwa Nyamuhanga, obwalũbũkaya Kristo oko luholo.

1 AbanyaTesalonika 1:3

Tukibuka embere sya Nyamuhanga Tata wetu, ngoko mukakola omwʼĩkĩrĩrya nʼomo lwanzo; kandi ngoko mũsĩkĩre omo maha wenyũ busana nʼOmukama wetu Yesu Kristo.

2 AbanyaTesalonika 1:11

Ekĩ kyalekĩre itwabasabira emigulu yosĩ. Tuti Nyamuhanga wetu abayire mo bandu abatolere eribirikirwa lya Nyamuhanga. Kandi tuti omo maka wuwe aberereraye erisonda lyenyũ lyʼerikola ekibuya, nʼerĩhĩkanĩa obuli mũbĩrĩ mukakola omwʼĩkĩrĩrya.

2 AbanyaTesalonika 3:4

Kandi Omukama akaleka itwayiketera nywe, tuti munemukola, kandi mwasyakola ebyo tukabategeka.

Filemono 1:21

Ngasaka ebarua eyĩ inabiriminya ngoko ũkandĩowa, kusangwa nyĩnasĩ ngoko Ukandisyakola ndeke kwilaba ebyo ngakubwira.

AbaEbrania 10:35

Neryo simuleke eriyiketera Nyamuhanga, kusangwa likaleta oluhembo lunene.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

2 Petero 3:10

Nĩkwa Ekiro kyʼomukama kyasyahĩka ngʼomũrahĩ. Oko kiro ekyo, olubula lwasyalũaho omo lukanda lunene, nʼebyosĩ ebyahangikawa omo lubula byasyaka omo muliro, nʼerĩherĩbwa. Nʼekihugo nʼemĩbĩrĩ yakyo byasyahĩsĩbwa.