AbanyaFilipi 1:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

Nouveau Testament et Psaumes en Ndandi Version 1962

²⁷ Nikwa emigendere yenyu yibye ngoko ritolere engulu yowene ya Kristo, neryo namasa eribalolako kutse ndeho, inabowa ko mukahangana erisika omo kirimu kiguma, nobu ringikania buguma erilwira haguma busana nerikirirya ryengulu yowene,

AbanyaFilipi 1:27 Iomraidhean Croise

1 Emyatsi yʼEmigulu 19:12

Neryo mwabũga ati, Abasũrĩa bamabya banyĩlabĩrye maka, ũkandĩnyĩwatĩkya; nĩkwa abana ba Amonĩ bamayira amaka kwilaba we, neryo ĩnakũwatĩkya.

Esyonyimbo 122:3

Yerũsalema, nĩ mũyĩ owabirisuba ndeke, Omwʼĩtegekanĩa nʼerĩsũgwa ndeke!

Esyonyimbo 133:1

Ni kyʼeriswekera, kandi ni kibuya, Abandu ba Nyamuhanga bamĩkala haguma ngʼabana abasubeneko!

Emĩsyo 22:23

Kusangwa Omwami Mukulu asyabũgirabo omwatsi wabo, Nʼerinyega engebe yʼabanyegabo.

Yeremĩa 32:39

Nage nasyahabo omutima muguma nʼenzira nguma, batoke erinyubaha kera na kera, busana nʼerĩowanĩabo, na busana nʼerĩowana lyʼabana babo enyũma wabo.

Matayo 12:25

Yesu mwaminya amalengekanĩa wabo, neryo mwabwirabo ati, Obuli bwami obũkayĩrwanaya bukabya kĩhũma. Nʼobuli mũyĩ kutse nyũmba ebĩkayĩrwanaya sibyendisyahangana.

Emibiri 2:46

Kandi obuli kiro mobasiba bakahĩndana omo Hekalũ nʼomutima muguma. Neryo mobahĩka oko mesa yʼomukama omo buli nyũmba, ibakalira ebyalya byabo haguma-guma, nʼobutseme nʼomutima wʼerĩyĩkehya.

Emibiri 24:24

Nĩkwa enyũma wʼebindi biro, Felĩkĩ mwahĩka nʼomũkalĩ wuwe Mũyũda. Neryo mwatumira uku Paũlo, kandi mwamuhulikirira akabũga omwatsi wʼerĩkĩrĩrya Kristo Yesu.

Emibiri 4:32

Nʼendeko yʼabandu abĩkĩrĩraya moyabya nʼomutima nʼobũlengekanĩa buguma. Sihali oyo wabũga ati ebindu biwe ni biwe ĩyowene. Nĩkwa mobasangira ebyosĩ.

AbanyaRoma 1:16

Kandi sĩnyĩkwĩre esĩsonĩ busana nʼEngulu Yowene, kusangwa nĩ bũtokĩ bwa Nyamuhanga, obũkalamaya obuli mundu Oyũkĩkĩrĩraya, erĩtsũka oko Bayũda, nʼakandi oko bandu bʼebindi bihanda nibya.

AbanyaRoma 1:5

Busana na Kristo twabirihabwa olukogo, kandi twabĩrĩhĩrwa mo bakwenda buwe, erisondola abandu bʼebihanda byosĩ erĩmwĩkĩrĩrya nʼerimukenga.

AbanyaRoma 1:9

Kusangwa Nyamuhanga nĩ mũlangĩrĩ wage, oyo ngakolera nʼomutima wage gosĩ omo mũbĩrĩ wʼEngulu Yowene yʼomugala wuwe, anasĩ ngoko ngabahula emigulu yosĩ omwʼisaba, lyage, butsira erĩũmbya.

AbanyaRoma 10:8

Nĩkwa ekitabu kĩkabũga kĩtĩkĩ kwehĩ? kiti, Ekĩnywa ekyo kiri hakũhĩ nawe, kiri omo buno bwawe nʼomo mutima wawe, kyo kĩnywa kyʼerĩkĩrĩrya ekyo tũkatũla.

AbanyaRoma 15:16

eribya mugombe wa Yesu Kristo oko Bihanda. Ngakola ngʼomũhererĩ busana nʼerĩtũla Engulu Yowene eyĩkalũa uku Nyamuhanga, Ebihanda bibye buhere obũkasĩmawa na Nyamuhanga, obo Mũlĩmũ Abũyĩrĩre abirihigula.

AbanyaRoma 15:29

Nyĩnasĩ omugulu nasyahĩka ewenyũ, nasyasa nʼomũyĩsa gosĩ wa Kristo.

1 AbanyaKorinto 1:10

Neryo balĩkyetu, ngabalemba-lemba omo lĩna lyʼomukama wetu Yesu Kristo, nyiti ĩnywe bosĩ mũbũge kiguma. Nyiti Sihabye erigabana omo katĩkatĩ kenyũ, nĩkwa mubohane omo bũlengekanĩa buguma nʼomutima muguma.

1 AbanyaKorinto 15:58

Neryo balĩkyetu banze, mũsĩke, simusega-segane, mukanyirire omo mũbĩrĩ wʼOmukama, ĩmũnasĩ ebyo mukakolera Omukama si bya busa.

2 AbanyaKorinto 13:11

Neryo balĩkyetu, Obuholo! Mukwame erĩhĩkana, mowe ebyo ngabũga; mubye nʼobũlengekanĩa buguma, musibe buholo; na Nyamuhanga wʼolwanzo nʼowʼobuholo asyabya haguma nenyũ.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 AbanyaKorinto 9:13

Kandi busana nʼekĩmĩnyĩsyo kyʼomũbĩrĩ wenyũ oyũ, abangi basyaha Nyamuhanga olukengerwa ĩbakalebaya ngoko mukakenga Engulu Yowene ya Kristo, eyo mukakwama. Kandi ĩbakalebaya ngoko mukakola ebibuya erisangira ebindu byenyũ haguma nabo nʼabandi bandu.

AbanyaGalatia 1:7

Nĩkwa sihali eyindi Ngulu, nĩkwa hali abandi abakabatsenga-tsengaya, ibakasonda eribindula yo nabi Engulu Yowene ya Kristo.

AbanyaEfeso 1:13

Omwatsi kwʼabya atya busana nenyũ. Omugulu mowa omwatsi wʼekwenene, wʼEngulu Yowene yʼerĩbalamya omwʼĩkĩrĩrya Kristo. Iye Nyamuhanga mwabahĩrako ekiminyikalo kiwe, iniakabaha Omũlĩmũ Abũyĩrĩre ogo alaga.

AbanyaEfeso 1:15

Busana nʼomwatsi oyũ, erĩtsũka ekiro nowa ngoko mwĩkĩrĩraya Omukama Yesu, kandi ngoko mwanzĩre abandu bosĩ ba Nyamuhanga.

AbanyaEfeso 4:1

Neryo ĩngye mundu wʼomũlĩkĩ busana nʼomukama, ngabahatikana nyiti, mukwame emibere yʼolulengo olo Nyamuhanga ababirikirira erikwamalo.

AbanyaFilipi 1:5

Kusangwa mwabirisangira nage omo mũbĩrĩ wʼEngulu Yowene, erĩtsũka ekiro kyʼerĩmbere nʼerĩhĩka na lino.

AbanyaFilipi 2:12

Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omwʼiubaha nʼerititimana.

AbanyaFilipi 2:24

Kandi ngayiketera Omukama nyiti, ngandisyabahĩkako lũba.

AbanyaFilipi 3:18

Kusangwa nabya ngababwira, kandi rino ngababwira omo mĩsonĩa nyiti, abangi bakalendera ngʼesyonzĩgũ syʼomusalaba wa Kristo.

AbanyaFilipi 3:20

Nĩkwa ewetu ye lubula, netu tukalindirira Omũlamya erĩlũa elubula, yo Mukama Yesu Kristo.

AbanyaFilipi 4:1

Neryo, balĩkyetu banze, ngabakwa olukando eribalolako. Muli butseme bwage, kandi mukanyiretera erĩyĩsyandira. Abanze bage, mũsĩke erikwama Omukama.

AbanyaKolosai 1:10

Neryo imwasyatoka eri rendera ngoko Mukama anzĩre, nʼerikola ebiro byosĩ ebĩkamũtsemesaya. Kandi imwasyakanyirira erikola emĩbĩrĩ yosĩ mibuya ya Nyamuhanga, kandi imwamuminya ndeke kwilaba erĩmbere.

AbanyaKolosai 1:4

Kusangwa twabĩrĩowa ngoko mwabĩrĩkĩrĩrya Kristo Yesu, kandi twabĩrĩowa ngoko mwanzĩre abandu bosĩ ba Nyamuhanga.

1 AbanyaTesalonika 3:6

Nĩkwa lino Tĩmoteo abiriswasa akalũa ewenyũ, naye abirituletera engulu nyibuya yʼerĩkĩrĩrya lyenyũ nʼolwanzo lwenyũ, kandi ati mukatwibuka ndekendeke emigulu yosĩ, kandi mũtũkwĩre olukando lwʼeritulolako ngoko netu tũbakwĩre olukando lwʼeribalolako.

1 AbanyaTesalonika 4:1

Neryo balĩkyetu, momwiga ũkwʼĩtwe ngoko mutolere erirendera nʼerĩtsemesya Nyamuhanga. Nenyũ mukanakola mutya. Nĩkwa lino tũkababũlaya, nʼeribalemba-lemba busana nʼOmukama Yesu, tuti mukole kwilaba aho.

1 Timoteo 1:11

Erĩkangĩrĩrya erĩ likabanika omo Ngulu Yowene eyo Nyamuhanga amba erĩtũlayo, kandi ĩkalũa uku Nyamuhanga wʼolukengerwa nʼowʼomũyĩsa.

1 Timoteo 1:19

Ũtegaye erĩkĩrĩrya lyawe nʼobunya-mutima bubuya. Kusangwa abandi babirigana erihulikirira Obunya-mutima bwabo, neryo babĩrĩtsandya erĩkĩrĩrya lyabo.

2 Timoteo 4:7

Nabiriyitsinga ndeke omo matangwa, nabiribuga olugendo, nabĩrĩteya erĩkĩrĩrya lyo ndeke.

Tito 2:10

Kandi sĩbĩbe, nĩkwa bayĩkangaye ngʼabandu babuya abateregula, batoke erĩowanĩa erĩkangĩrĩrya lya Nyamuhanga Omũlamya wetu omo byosĩ bakakola.

Filemono 1:5

Kusangwa ngowa engulu yʼolwanzo lwawe, nʼerĩkĩrĩrya lyawe, ebyo uwite busana nʼOmukama Yesu, nʼakandi busana nʼabandu bosĩ ba Nyamuhanga.

Yakobo 3:18

Kandi emyatsi eyikaleta ebitunganene ĩkatsũka omo buholo busana nʼabandu abakayira Obuholo.

2 Petero 3:11

Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.