AbanyaFilipi 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩtwe Paũlo na Tĩmoteo, abagombe ba Kristo Yesu, tukabasakira, ĩnywe bandu bosĩ ba Nyamuhanga abĩkere eFĩlĩpĩ, abĩkĩrĩrye Kristo Yesu, haguma nʼabateya nʼabawatĩkya.

Nouveau Testament et Psaumes en Ndandi Version 1962

¹ Paulo na Timoteo, abakobe baKristo Yesu, Oko babuyirire bosi omwisi wa Kristo Yesu abari eFilipi, haguma na abalangiri na bawatikya:

AbanyaFilipi 1:1 Iomraidhean Croise

Mariko 13:34

Ali ngʼomundu oyuli oko lugendo lwʼekindi kihugo omugulu akalũa eka, akasĩgĩra abagombe buwe obuli mundu omũbĩrĩ wuwe, akategeka omũteya wʼolũyĩ ategaye,

Yoane 12:26

Omundu amanyikolera, anyikwame, nʼaho nyiri ha nʼaho omugombe wage asyabya. Omundu amanyikolera, Tata asyamũsĩkya.

Emibiri 1:20

Kusangwa kĩsakĩre omo kitabu kyʼesyonyimbo kiti, Enyũmba yiwe ibye kĩhũma, Sĩyĩsyesyĩkala mo mundu; kandi, Nʼomwanya wʼomũbĩrĩ wuwe, ogundi mundu ĩmayego.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

Emibiri 9:13

Neryo Anania mwasũbĩrya ati, Mukama, abandu bangi babirimbwira omwatsi wʼomundu oyo, ngoko abirikola abandu bawe eYerũsalema bo nabi kutsibu.

AbanyaRoma 1:1

Ĩngye Paũlo, omugombe wa Kristo Yesu nʼomukwenda oyo Nyamuhanga abirikira nʼerimusombola busana nʼEngulu Yowene yiwe.

AbanyaRoma 1:7

Neryo ngabasakira ĩnywe, abʼeRoma, abo Nyamuhanga abirianza nʼeribabirikira eribya bana buwe. Nyamuhanga Tata wetu, nʼomukama Yesu Kristo, abahe olukogo nʼobuholo.

1 AbanyaKorinto 16:10

Neryo Tĩmoteo asyabya ahĩka, mũlebaye mũmũkokaye ndeke siabane ekyʼerĩmũbahya. Kusangwa akakola haguma nage omũbĩrĩ wʼOmukama.

2 AbanyaKorinto 1:1

Ingye Paũlo, omukwenda wa Kristo Yesu, omwʼisonda lya Nyamuhanga, haguma nʼomũlĩkyetu Tĩmoteo, tukabasakira ĩnywe kanĩsa ya Nyamuhanga eyiri eKorĩnto haguma nʼabandu bosĩ ba Nyamuhanga abali ehosĩ eAkaya.

AbanyaGalatia 1:10

Lino ngasonda erĩsĩmwa nʼabandu, kutse erĩsĩmwa na Nyamuhanga kwehĩ? Kutse ngalenga erĩtsemesya abandu kwehĩ? Kumbe ngyinasonda erĩtsemesya abandu, sinangabya omugombe wa Kristo.

AbanyaGalatia 3:26

Kusangwa busana nʼerĩkĩrĩrya, ĩnywe bosĩ muli bagala ba Nyamuhanga nʼerimatikana na Kristo Yesu.

AbanyaGalatia 3:28

Sihali Omũyũda nʼOmũgĩrĩkĩ, sihali omukoba nʼogʼobwĩranda, sihali wʼobulume kutse wʼobũkalĩ; kusangwa ĩnywe bosĩ muli muguma erimatikana na Kristo Yesu.

AbanyaEfeso 1:1

Ingye Paũlo, omukwenda wa Kristo Yesu okwʼisonda lya Nyamuhanga. Ngabasakira ĩnywe bandu ba Nyamuhanga abĩkere eEfeso, abateregula erikwama Kristo Yesu.

AbanyaEfeso 1:15

Busana nʼomwatsi oyũ, erĩtsũka ekiro nowa ngoko mwĩkĩrĩraya Omukama Yesu, kandi ngoko mwanzĩre abandu bosĩ ba Nyamuhanga.

AbanyaEfeso 6:24

Olukogo lwa Nyamuhanga lubye oko bosĩ abakanza Omukama wetu Yesu Kristo omo lwanzo olutetsanda.

AbanyaFilipi 2:19

Omukama Yesu amanza, nasyabatumira Tĩmoteo yo lũba, inatoka erihanda omutima wage namabĩowa emyatsi yenyũ.

AbanyaFilipi 2:5

Mubye nʼobũlengekanĩa obũ bwa Kristo Yesu,

AbanyaFilipi 3:12

Sĩndĩbũga nyiti nabĩrĩhĩka kulyo kutse nga nabĩrĩhĩkana, nĩkwa ngakwamirira inatoka erihambalyo ngoko Kristo Yesu naye abirimbamba.

AbanyaFilipi 3:3

Kusangwa ĩtwebene tuli bʼeribana lyʼekwenene, tũkaramaya Nyamuhanga omo Mũlĩmũ wuwe, kandi tũkayĩsyandira omwisi wa Kristo Yesu. Situliyiketera emyatsi yʼomubiri.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

1 AbanyaTesalonika 1:1

Ĩtwe Paũlo na Sĩlvano na Tĩmoteo, tukasaka ebarua eyĩ oko bandu abʼekanĩsa eyiri eTesalonĩka, abandu ba Nyamuhanga Tata nʼOmukama Yesu Kristo. Olukogo nʼobuholo bibye nenyũ.

1 AbanyaTesalonika 2:2

Neryo kandi mũnasĩ, nomo twanagalawa nʼeritsumwa eFĩlĩpĩ, erĩmbere, Nyamuhanga mwatuha obulume-lume eribabwira Engulu Yowene ya Nyamuhanga, nomo bandu banatulwira kutsibu.

2 AbanyaTesalonika 1:1

Ĩtwe Paũlo na Sĩlvano na Tĩmoteo, tukasaka ebarua eyĩ oko bandu abʼekanĩsa eyiri eTesalonĩka, abandu ba Nyamuhanga Tata wetu, nʼOmukama Yesu Kristo.

2 AbanyaTesalonika 1:10

ekiro ekyo asyasa nʼeripipwa nʼabandu buwe bosĩ, nʼerĩsĩkĩbwa nʼabosĩ abakĩkĩrĩraya. Nenyũ mwasyabya haguma nabo kusangwa mwĩkĩrĩraya omwatsi twabatũlĩra.

1 Timoteo 1:2

Ngakusakira uwe Tĩmoteo, omugala wage kwenene omwʼĩkĩrĩrya lyʼEngulu Yowene. Olukogo, nʼeriganyira, nʼobuholo, bibye ukʼuwe, bĩkalũa uku Nyamuhanga Tata, na Kristo Omukama wetu.

1 Timoteo 3:8

Abawatĩkya bʼomo kanĩsa batolere babye abasĩkĩbwe, abate bʼotulimi tubiri, kutse Sibabye abakakũnda, kutse abʼomururu.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

Tito 1:7

Kusangwa omukulu Oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse wʼomwaga, kutse oyuli nʼomwĩso.

Filemono 1:1

Ĩngye Paũlo, omundu wʼomũlĩkĩ busana na Kristo Yesu, haguma na Tĩmoteo mũlĩkyetu. Oko mwanze wetu Fĩlemono, oyukakola omũbĩrĩ haguma netu,

AbaEbrania 13:23

Muminye ngoko mũlĩkyetu Tĩmoteo abiriboholwa; neryo Tĩmoteo amasa lũba, asyabya nage ekiro nasyabasunga.

Yakobo 1:1

Ĩngye Yakobo, omugombe wa Nyamuhanga nʼOmukama Yesu Kristo, ngabakeraya ĩnywe bihanda ĩkũmĩ nʼebibiri ababiripanza-panzwa omo kihugo kyosĩ.

1 Petero 2:25

Kusangwa mwabya ngʼesyombũlĩ esyatala, nĩkwa lino mwabirisuba oko Mũlĩsya nʼomũteya wʼemitima yenyũ.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

Yuda 1:1

Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.

Eribisurirwa 1:1

Omo kitabu ekĩ mũsakĩre emyatsi eyo Yesu Kristo abĩsũla. Erĩbĩsũla erĩ Nyamuhanga amuhalyo erĩkũmbũlĩra abagombe buwe emyatsi eyikandisyabya lũba. Kristo mwamĩnyĩsya emyatsi eyĩ uku Yoane omugombe wuwe iniakamutumira omũlaĩka wuwe.

Eribisurirwa 1:20

Nĩkwa omwatsi wʼerĩkũmbo lyʼesyongũnũnũ sirinda esyo Wamalangira omo byala byage byʼamali, nʼemitagala irinda yʼesyamagetsi: esyongũnũnũ sirinda ni bamalaĩka bʼesyokanĩsa sirinda, nʼemitagala irinda nĩ kanĩsa sirinda.

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.

Eribisurirwa 2:12

Kandi Usake oko mũlaĩka wʼekanĩsa yʼePergamo uti, Oyuwite omũyalĩ owatwĩre, owʼamoya abiri, akabũga ebĩnywa ebĩ ati,

Eribisurirwa 2:8

Kandi Usake oko mũlaĩka wʼekanĩsa yʼeSmũrna uti, Owʼerĩtsũka nʼowʼenyũma, oyo wahola, kandi abiriswabyaho, akabũga ebĩnywa ebĩ ati,

Eribisurirwa 22:9

Nĩkwa mwambwira ati, Sukole utya! Ĩngye indi mugombe mũlĩkyenyũ nʼoko bagala benyũ abamĩnyererĩ, nʼoko bosĩ abo bakakwama ebĩnywa byʼekitabu ekĩ. Ũramaye Nyamuhanga!