AbanyaEfeso 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Netu twabya ngʼabo, itukakwama esyongumbu syʼemibiri yetu, itukakola erisonda lyʼemibiri yetu nʼobũlengekanĩa bwetu. Netu nibya ngʼabandu bosĩ, twabya tutolere erihitana nʼeritswera lya Nyamuhanga.

Nouveau Testament et Psaumes en Ndandi Version 1962

³ Kandi netu omukati-kati kabo twagenda tukakwama esyongumbu syomubiri wetu, itukakwama erisonda ryomubiri neryobuganirya, okwibutwa ituri abana berihitana ngabandi.

AbanyaEfeso 2:3 Iomraidhean Croise

Enzũko 5:3

Neryo Adamu abere abuga emyaka erĩgana nʼamakũmĩ asatu, mwabuta omugala oyũmũsosĩre, omo kĩsosekanĩo kiwe, mwahula erĩna liwe mo Setĩ.

Enzũko 6:5

Neryo Omwami Mukulu mwalangi­ra obubi bwʼabandu ibwamabya bungi omo kihugo, nʼakandi obuli bũlengekanĩa bwʼerĩganĩrya lyʼomutima wabo bwabya bubi busa-busa emigulu yosĩ.

Enzũko 8:21

Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

Yobũ 14:4

Nindi wangatoka erĩlũsya ekindu kibuya omo kĩtowene kwehĩ? Sihali nʼomuguma;

Yobũ 25:4

Neryo omundu angatoka ati eribya nʼerĩbanza embere sya Nyamuhanga kwehĩ? Kutse Oyukabutawa nʼomũkalĩ angatoka eriera ati kwehĩ?

Esyonyimbo 51:5

Indi mubi erĩtsũka ekiro nabutawa, Erĩtsũka ekiro nabutawa nabiribya wʼamalolo.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Mariko 4:19

nĩkwa amagalĩ wʼekihugo nʼamatebo wʼebindu, nʼesyongumbu syʼebindi bindu bikingira ĩbyakũsya ekĩnywa, neryo ikitasohola.

Yoane 1:13

Nĩkwa mobatabutwa mo bana ba Nyamuhanga omo nzira yʼomubiri, kutse omwʼisonda lyʼomubiri, kutse omwʼisonda lyʼabandu, nĩkwa Nyamuhanga yo wabutabo.

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

Emibiri 14:16

Kandi, oko migulu yalaba Nyamuhanga mwaleka Ebihanda byosĩ erigenda omo mibere yabyo.

AbanyaRoma 1:24

Busana nʼemyatsi eyĩ, Nyamuhanga mwalekabo ati bakwame esyongumbu syʼemitima yabo, nʼerikola ebĩtĩsĩrĩre. Kandi bakakola emyatsi yʼesĩsonĩ omo mibiri yabo.

AbanyaRoma 11:30

Nenyũ abʼEbihanda mwabya ĩsĩmũlĩowa Nyamuhanga, nĩkwa lino mwabiribana eriganyira kusangwa Abayũda mobatowa.

AbanyaRoma 13:14

Nĩkwa muleke Yesu Kristo abye oyukabalwira nʼebindu biwe byʼamalwa; Simubye nʼobũlengekanĩa bwʼomubiri erikwama esyongumbu syago.

AbanyaRoma 2:14

Kusangwa Ebihanda sibiwite Migambo nĩkwa omugulu bakakola ebyo Migambo ikategeka nʼomutima owene, bakahĩra emigambo yabo, nomo batanawite Emigambo.

AbanyaRoma 5:10

Nĩkwa twabya nzĩgũ sya Nyamuhanga, neryo mwatũsanganĩa omo luholo lwa Mugala wuwe; nĩkwa kwilaba aho, kusangwa twabĩrĩsanganĩbwa, twasyalamĩbwa omo ngebe ya Kristo!

AbanyaRoma 5:9

Neryo twamabya twabiriyirwa mo batunganene busana nʼomusasi wuwe, neryo kwilaba aho, Kristo asyatũlamya okwʼihitana lya Nyamuhanga.

AbanyaRoma 6:12

Simuleke ebibi bikabatabalako omo mibiri yenyũ yʼerihola, ebikaleka mwowa esyongumbu syʼomubiri.

AbanyaRoma 7:18

Kusangwa nyĩnasĩ ngoko hate kibuya ekĩkere omwisi wage, omwisi wʼomubiri wage; kusangwa nyĩnanzĩre omo mutima wage erikola ekibuya, nĩkwa sinditoka erikolakyo.

AbanyaRoma 9:22

Nyamuhanga abya anzĩre erĩkangya erihitana liwe, nʼerĩmĩnyĩsya obũtokĩ buwe. Neryo mwayibombeka kutsibu mwayitsingirira busana nʼabo angahitanako, ababya bakandĩsyaherĩbwa.

1 AbanyaKorinto 4:7

Nindi wakũhĩra mo mukulu oko bandu kwehĩ? Ebyosĩ ebyo uwite, Nyamuhanga mwatakuhabyo kwehĩ? Neryo byamabya ĩnĩ lũsũnzo, busana nakĩ ukayihalamba nga sulitahabwalo kwehĩ?

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaGalatia 3:22

Nĩkwa Amasako mwahĩra abandu bosĩ ngʼabakola-nabi, neryo erilaga lihabawe oko bosĩ abakĩkĩrĩraya Yesu Kristo.

AbanyaEfeso 2:2

Oko mugulu oyo mwabya mukalendera omo nzira nyibi yʼekihugo kino; mwabya mũkowa omũtabalĩ wʼobũtokĩ bʼobwami bwʼekyanya. Naye nĩ kĩrĩmũ ekikasondola abandu abatĩowa Nyamuhanga.

AbanyaEfeso 4:22

Neryo muleke emibere ya kera eyabya ĩkabatsandya omo syongumbu esikabateba.

AbanyaKolosai 1:21

Erĩmbere ĩnywe mwabya hali uku Nyamuhanga imwabiriyiyira mo nzĩgũ siwe omo bũlengekanĩa bwenyũ busana nʼemyatsi mibi mwabya mukakola.

1 AbanyaTesalonika 4:13

Balĩkyetu, twanzĩre imwaminya ndeke omwatsi wʼabandu ababirihola, mũkasyakwa obũlĩge ngʼabandi bandu abatawite maha.

1 AbanyaTesalonika 5:6

Neryo situbye tukagotsera ngʼabandi ko bakakola; nĩkwa tubye ĩtũnalolĩre ĩtũnemũteya.

1 Timoteo 6:9

Nĩkwa abakayĩtsũtsa eribya bateke bakawa omwʼirengwako, nʼerihambwa omo kitego kyʼesyongumbu nyingi nyĩkĩrũ, esĩkagalaya. Esyongumbu esĩ sĩkatsandaya bandu nʼerĩheryabo.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

1 Petero 1:14

Mubye bana abakowa Nyamuhanga. Simusyekwama esyongumbu esyo mwabya mukakwama erĩmbere omo butaminya bwenyũ.

2 Petero 2:14

Ameso wabo oswĩre mʼoluteto nʼerikwama emyatsi yosĩ yʼebibi, bakasondola abandu batasĩkĩre, nʼemitima yabo yoswĩre nʼomururu; ni bana Nyamuhanga abiritakira.

2 Petero 2:18

Kusangwa bakabũga ebĩnywa ebyʼobusa byʼeriyipipa, ibakabirikira abandu nʼeritebabo omo mwatsi wʼesyongumbu syʼomubiri nʼesyʼerĩsĩngĩra. Abandu aba babya bakateba, babya bandu abakasonda erĩlũa ukwʼabo bĩkere omo luhabo.

1 Yoane 2:16

Kusangwa ebyosĩ bya muna-kihugo, esyongumbu syʼomubiri, kandi esyongumbu syʼameso, kandi emiyiheko yʼabandu, ebyosĩ ebĩ ni byʼekihugo, sĩbyelũa uku Tata.

1 Yoane 2:8

Nĩkwa kandi ekihano ekyo ngabasakira ni kihya-kihya, nʼekwenene yakyo ikalolawako omwisi wa Kristo nʼomwisi wenyũ nibya. Kusangwa omwĩrĩmya akalenga, nʼekyakakala kyʼekwenene kĩnemũkolerya.