AbanyaEfeso 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ mwayisoga erituyira mo bagala buwe busana na Kristo Yesu. Erĩ ryabya erisonda liwe erĩkamũtsemesaya.

Nouveau Testament et Psaumes en Ndandi Version 1962

⁵ Mwategeka ati tubye abagala buwe omwisi wolwanzo busana na Yesu Kristo, ngeritsema ribuya ryerisonda riwe,

AbanyaEfeso 1:5 Iomraidhean Croise

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Yeremĩa 3:4

Siwabirinyilakira lino uti, Tata wage uli mũsondolĩ wʼobwana-buto bwage kwehĩ?

Danĩelĩ 4:35

Nʼesyondũlanĩ syosĩ syʼekihugo sikaganzawa nga si kindu; naye akakola ngʼerisonda liwe omo milondo yʼelubula, nʼomo katĩkatĩ kʼesyondũlanĩ syʼekihugo; kandi sihali oyo wangakakĩrya ebyala biwe, kutse erĩmũbũlya ati, Ukayira uti?

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Matayo 1:25

Nĩkwa mwatamuminya erĩhĩka aho abutira mugala wuwe. Neryo Yosefũ mwaluka erĩna liwe mo Yesu.

Matayo 11:26

Ega, Tata, kusangwa ko byakũtsemesaya bitya omo meso wawe.

Luka 10:21

Oko ndambĩ eyo Yesu mwatsema kutsibu omo Mũlĩmũ Abũyĩrĩre ati, Ngakupipa uwe Tata, Omukama wʼelubula nʼowʼekihugo, wabĩrĩbĩsa emyatsi eyĩ oko bʼamenge nʼabanyima. Kandi Ega, Tata, kusangwa wabĩrĩbĩsũlĩrayo oko bana balere; ko byakũtsemesaya bitya omo meso wawe.

Luka 11:32

Abandu bʼeNĩnawe basyahangana oko kiro kyʼeritswerwa nʼerĩsĩnga abandu bʼolulengo olũ, kusangwa babindula emitima erireka ebibi okwʼĩtũlago lya Yona. Kandi lebaya, oyũlengĩre Yona ane hano!

Luka 12:32

Ekĩhyo kike, simubahe kusangwa kikatsemesaya Tata wenyũ yo ndeke, eribaha Obwami.

Yoane 1:12

Nĩkwa abosĩ abamũkokaya, nʼerĩmwĩkĩrĩrya, mwahabo ehamũlĩ eribya bana ba Nyamuhanga.

Yoane 11:52

Kandi si busana nʼekihanda ekyo kisa, nĩkwa atoke erĩhĩndanĩa haguma omo ndeko nguma abana ba Nyamuhanga abapanza-panzĩre ehosĩ.

Yoane 20:17

Yesu mwamubwira ati, Sũnyĩtũleko Kusangwa sindinahetukira ewa Tata. Nĩkwa ugende oko bagala betu ubwirebo uti ngahetukira uku Tata wage, na Tata wenyũ, nʼuku Nyamuhanga wage, nʼuku Nyamuhanga wenyũ.

Emibiri 13:48

Ebihanda byabere byowa ebĩ, mobatsema nʼeripipa ekĩnywa kyʼomukama, nʼabosĩ abayisogawa busana nʼengebe yʼerikota, mobĩkĩrĩrya.

AbanyaRoma 8:23

Kandi butsira ebihangikwa bisa, netu nibya, tuwite Omũlĩmũ mo bĩgũma byʼerĩmbere byolũsũnzo lwa Nyamuhanga, tũkasĩmba omo mitima yetu, tukalindirira Nyamuhanga erituyira mo bagala, nʼerĩtongolya emibiri yetu.

1 AbanyaKorinto 1:1

Ĩngye Paũlo, oyo wabirikirawa busana nʼerisonda lya Nyamuhanga eribya mukwenda wa Kristo Yesu. Ĩngye nʼomũlĩkyetu Sosĩtenĩ,

1 AbanyaKorinto 1:21

Kusangwa ekihugo mokitetatoka eriminya Nyamuhanga omo menge wakyo. Neryo omo menge wuwe Nyamuhanga mwatsemesĩbwa erĩlamya abandu abakĩkĩrĩraya busana nʼobũkĩrũ bwʼomwatsi tũkatũla.

2 AbanyaKorinto 6:18

Nasyabya Tata wenyũ, Nenyũ mwasyabya bagala bage nʼabali bage, Omukama wʼobũtokĩ Bosĩ akabũga atya.

AbanyaGalatia 3:26

Kusangwa busana nʼerĩkĩrĩrya, ĩnywe bosĩ muli bagala ba Nyamuhanga nʼerimatikana na Kristo Yesu.

AbanyaEfeso 1:11

Kusangwa Nyamuhanga akakola emyatsi yosĩ ngʼerisonda liwe, ngoko ategekanaya. Kandi Nyamuhanga ayisoga twe eribya bandu buwe omwisi wa Kristo ngoko ayĩsũnza kera-kera.

AbanyaEfeso 1:9

Kandi abĩrĩtũmĩnyĩsya erĩkũmbo lyʼerĩyĩsũnza liwe, eryo ayisoha erĩberererya omwisi wa Kristo oko mugulu atolere.

AbanyaFilipi 2:13

Kusangwa ni Nyamuhanga yukakola omwisi wenyũ, imwabya mũkalĩga nʼerikola ebĩkamũtsemesaya.

AbanyaKolosai 1:19

Kusangwa molyatsemesya Tata, ati Mugala alingirirane naye ndeke, ahĩkane naye.

2 AbanyaTesalonika 1:11

Ekĩ kyalekĩre itwabasabira emigulu yosĩ. Tuti Nyamuhanga wetu abayire mo bandu abatolere eribirikirwa lya Nyamuhanga. Kandi tuti omo maka wuwe aberereraye erisonda lyenyũ lyʼerikola ekibuya, nʼerĩhĩkanĩa obuli mũbĩrĩ mukakola omwʼĩkĩrĩrya.

AbaEbrania 2:4

Kandi Nyamuhanga mwatũlago haguma nabo iniakakola ebiminyikalo, byʼobũtokĩ, nʼebyʼeriswekera, nʼebitiko-tiko mĩsĩndomĩsĩndo. Kandi mwaha olũsũnzo lwʼOmũlĩmũ Abũyĩrĩre ngʼerisonda liwe.

1 Yoane 3:1

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.

Eribisurirwa 21:7

Oyũkakĩnda nasyamuha emyatsi eyĩ: Nasyabya Nyamuhanga wuwe, naye asyabya mugala wage.