AbanyaEfeso 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nyamuhanga mwayisoga twe eribya buwe, erimatikana na Kristo embere wʼerihangikwa lyʼekihugo, ati tubye ababũyĩrĩre butsira bulema embere wuwe. Nyamuhanga, busana nʼolwanzo luwe,

Nouveau Testament et Psaumes en Ndandi Version 1962

⁴ ngoko ayisoga twe omwisi wuwe embere wekibanza kye kihugo, tubye babuyirire butsira bulema embere siwe.

AbanyaEfeso 1:4 Iomraidhean Croise

2 Samwelĩ 22:24

Nabya nyĩhĩkene embere siwe; Kandi monayĩteya oko bibi byage.

Esyonyimbo 135:4

Kusangwa Omwami Mukulu mwayisoga Yakobo busana naye, Nʼabandu ba Ĩsraelĩ busana naye ĩyowene.

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Abalawĩ 19:2

Ũbũge nʼendeko yosĩ yʼabana ba Ĩsraelĩ, ubwirebo uti, Mwasyabya babũyĩrĩre; kusangwa ĩngye Mwami Mukulu Nyamuhanga wenyũ nyĩbũyĩrĩre.

Abalawĩ 20:7

Neryo muyihigule, mubye babũyĩrĩre; kusangwa Indi Mwami Mukulu Nyamuhanga wenyũ.

Matayo 24:22

Nĩkwa kumbe Nyamuhanga atalĩkũhĩhaya ebiro ebyo, sihali mundu wangalamĩbwe. Nĩkwa abĩrĩkũhĩhyabyo busana nʼabayisogawa buwe.

Matayo 24:24

Kusangwa abakristo bʼamabehĩ nʼabamĩnyererĩ bʼamabehĩ basyahuluka basyakangya ebĩmĩnyĩsyo nʼebyʼeriswekera, busana nʼerĩtalya abayisogawa ba Nyamuhanga, kyamatokekana.

Matayo 24:31

Neryo Yesu asyatuma abamalaĩka buwe nʼomulenge munene wʼengubi, nabo basyahĩndanĩa abayisogawa ba Nyamuhanga erĩlũa oko bihande bini byʼekihugo, erĩtsũka oko ndũlĩ nguma yʼekyanya erĩhĩka oko yindi ndũlĩ yʼekyanya.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Yoane 10:16

Kandi nyiwite esindi mbũlĩ, esite syʼomo butsunga obũ; litolere inaletasyo nibya, nasyo syasyowa omulenge wage; syasyabya ekihangulo kiguma haguma nʼomũlĩsya muguma.

Yoane 15:16

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Yoane 17:24

Tata, ngasonda nyiti, abo wabirimba babye haguma nage, balangire olukengerwa lwage olo wabirimba; kusangwa wanyanza ekihugo isikiri kyahangikwa.

Emibiri 13:48

Ebihanda byabere byowa ebĩ, mobatsema nʼeripipa ekĩnywa kyʼomukama, nʼabosĩ abayisogawa busana nʼengebe yʼerikota, mobĩkĩrĩrya.

Emibiri 15:18

Omukama atya, oyũkamĩnyĩsaya emyatsi eyĩ erĩtsũka kera.

Emibiri 18:10

Kusangwa indi haguma nawe. Sihali mundu oyo wasyakubambira, nʼerikukola nabi, kandi ngwite bandu bangi omo mũyĩ oyũ.

AbanyaRoma 8:33

Nindi wasyahandĩkĩrĩrya abayisogawa na Nyamuhanga kwehĩ? Nyamuhanga yukahulabo mo batunganene.

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

AbanyaGalatia 5:13

Kusangwa balĩkyetu, ĩnywe mwabĩrĩkĩrĩrya eribya nʼobwĩranda. Nĩkwa simuleke obwĩranda bwenyũ bũkabakolesya esyongumbu syʼomubiri; nĩkwa mukolerane omo lwanzo.

AbanyaGalatia 5:22

Nĩkwa emikolere eyĩkalũa oko Mũlĩmũ yeyĩ: olwanzo, obutseme, Obuholo, eriyibombeka, obwenge, obubuya, eritendiregula,

AbanyaGalatia 5:6

Kusangwa omugulu tumatikene na Kristo Yesu, erĩbanĩbwa si kindu. Nʼerĩ tendĩbanĩbwa si kindu. Omwatsi munene nĩʼkĩrĩrya erikakola omo lwanzo.

AbanyaEfeso 2:10

Kusangwa Nyamuhanga atubumba, nʼerĩtũmatĩkanĩa na Kristo Yesu, abirituhangika ati tukole emĩbĩrĩ yowene eyo akokotaya kera, ati tubye tukakolayo.

AbanyaEfeso 3:17

Kandi ngasaba nyiti, Kristo ĩkale omo mitima yenyũ busana nʼerĩkĩrĩrya lyenyũ; kandi nyiti, muhande emĩrĩhĩ yʼolwanzo lwenyũ, ĩmũnasĩkĩre omo lwanzo olo.

AbanyaEfeso 4:2

Mũyĩkehaye, mubye nʼomutima molo, muyibombeke. Muganyirane omo lwanzo.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

AbanyaEfeso 5:27

Ati, iniatoka eriyiretera ekanĩsa omo bubuya bwayo, isiyiwite ekĩtĩngũ kutse omũkũnyo kutse ekindi kiri ngʼekyo; nĩkwa ati, ibye ĩbũyĩrĩre butsira bulema.

AbanyaFilipi 2:15

Imwatoka eribya abakũmayĩre nʼeribya bandu babuya, abana ba Nyamuhanga abate ko mwatsi, abĩkere omo katĩkatĩ kʼekihugo kĩhengemĩre, nʼekyʼomwaga. Nenyũ mukaminyikala ngʼesyotala omo kihugo.

AbanyaKolosai 1:22

Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira.

AbanyaKolosai 2:2

Nyiti kumbe bahande emitima yabo, ibabohana omo lwanzo, ibatoka erĩowa ndeke-ndeke nʼeriminya kutsibu ngoko Kristo nĩ kũmbo lya Nyamuhanga.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

1 AbanyaTesalonika 3:12

Kandi Omukama aleke olwanzo lwenyũ lukanye nʼeribwaga busana nʼerianzana, na busana nʼerianza bandu bosĩ, ngoko lwanzo lwetu luli busana nenyũ.

1 AbanyaTesalonika 4:7

Kusangwa Nyamuhanga mwatatubirikira busana nʼerikwama oluteto, nĩkwa mwatubirikira erikwama ebĩbũyĩrĩre.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

2 Timoteo 2:10

Kandi busana nʼomwatsi oyũ, ngayĩyĩnaya omo byosĩ busana nʼabandu abayisogawa na Nyamuhanga, nabo batoke eribana erilama lya Kristo Yesu, haguma nʼolukengerwa lwʼerikota.

2 Timoteo 2:19

Nĩkwa ekibanza ekyo Nyamuhanga ahĩmba kĩsĩkĩre ndeke, kandi kĩsakĩreko ebĩnywa ebĩ biti, Omukama anasĩ abandu buwe nga ni bahi. Kandi, Obuli mundu oyũkabũga ati ni wʼOmukama aleke ebibi.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Petero 1:20

Kusangwa Nyamuhanga ayisoga Kristo ekihugo kite kyahangikwa. Nĩkwa abirihuluka omo biro ebĩ byʼenyũma-nyũma busana nenyũ.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

1 Yoane 4:16

Netu twabiriminya, kandi twĩkĩrĩrye olwanzo olo Nyamuhanga abiritwanzamo. Nyamuhanga ni lwanzo, nʼoyuli nʼolwanzo amatikene na Nyamuhanga, kandi Nyamuhanga amatikene naye.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.

Eribisurirwa 17:8

Enyama eyo walangira yabyaho, nĩkwa siriho lino, nĩkwa lino ikasonda erihetuka erĩlũa omo buhya, kandi ĩkayaherĩbawa. Abandu abĩkere oko kihugo amena wabo atasakĩre omo kitabu kyʼengebe, ekihugo kite kyatsũka, basyasweka omugulu bakasamalira enyama eyo. Kusangwa enyama eyo yanabyaho, nĩkwa sikiriho, kandi yasyaswabutuka.