AbanyaEfeso 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Tupipe Nyamuhanga Tata wʼOmukama wetu Yesu Kristo! Busana nʼerimatikana na Kristo Nyamuhanga abirituha omũyĩsa munene. Abirituha obuli mũyĩsa wʼekĩrĩmũ owakalũa omo myanya yʼelubula.

Nouveau Testament et Psaumes en Ndandi Version 1962

³ Omuyisa abye oko Mungu na Tata woMukama wetu Yesu Kristo, oyu watutsumula omwisi wa Kristo noburi muyisa wekirimu aho elubula,

AbanyaEfeso 1:3 Iomraidhean Croise

Enzũko 14:20

Nyamuhanga Wʼendata Kutsibu apipawe, oyo wahĩra esyonzĩgũ syawe omo byala byawe. Neryo Abramu mwamuha ekiguma kyʼerĩkũmĩ oko byosĩ.

Enzũko 22:18

Kandi Nasyatsumula ebihanda byosĩ byʼekihugo kusangwa wabirikenga omulenge wage.

1 Emyatsi yʼEmigulu 29:20

Neryo Dawĩdĩ mwabwira endeko yosĩ ati, Lino mupipe Omwami Mukulu Nyamuhanga wenyũ. Nʼendeko yosĩ moyapipa Omwami Mukulu, Nyamuhanga wʼabotata wabo, mobũnamya emitwe yabo, mobasĩkya Omwami Mukulu, nʼomwami.

1 Emyatsi yʼEmigulu 4:10

Na Yabesĩ mwasaba Nyamuhanga wa Ĩsraelĩ, ati, Kumbe wanganyitsumula kwenene, nʼerĩkanyĩrĩrya emitano yage, kandi kumbe ebyala byawe byangabya haguma nage, kandi kumbe wanganyĩkakĩrya kwʼebibi, sibibye bikanyiretera obũlĩge! Na Nyamuhanga mwamuha ebyo asaba.

2 Emyatsi yʼEmigulu 31:8

Nʼomugulu Hezekĩa nʼabatabalĩ basa bakalebya ebilundo ebyo, mobapipa Omwami Mukulu nʼabandu buwe Abaĩsraelĩ.

Nehemĩa 9:5

Neryo Abalawĩ, ye Yesũa, na Kadĩmĩelĩ, na Banĩ, na Hasa-bĩneya, na Serebaya, na Hodĩa, na Sebanĩa, na Petahĩa, bati, Muhangane mũhamaye Omwami Mukulu, Nyamuhanga wenyũ kera na kera nʼerĩhĩka kera na kera! Nʼerĩna liwe lyʼolukengerwa lĩhahamĩsĩbawe erĩhahamĩsĩbwa kwilaba omũyĩsa gosĩ nʼeripipwa lyosĩ!

Esyonyimbo 134:3

Omwami Mukulu, oyo wahangika olubula nʼekihugo, Abatsumule erĩlũa eSĩonĩ.

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Esyonyimbo 72:19

Mupipe erĩna liwe lyʼolukengerwa kera na kera, Nʼolukengerwa luwe lũsũlaye ekihugo kyosĩ! Amina! Amina!

Ĩsaya 61:9

Neryo abana babo basyaminyikala omo bihanda, nʼabana babo basyaminyikala omo katĩkatĩ kʼabandu. Abosĩ abakalola kubo basyaminyabo, kusangwa ni bana abo Mwami Mukulu abiritsumula.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Luka 2:28

Sĩmeonĩ mwawata oko mwana oyo omo byala biwe, mwapipa Nyamuhanga ati,

Yoane 14:20

Oko kiro ekyo mwasyaminya ko nyimatikene uku Tata wage, nenyũ mumatikene ũkwʼĩngye nage nyimatikene ũkwʼĩnywe.

Yoane 17:21

Ngasaba nyiti abosĩ babye muguma. Uwe Tata! Nyiti, bamatikane ũkwʼĩtwe, ngoko umatikene kwĩngye, kandi nage nyimatikene ukʼuwe, neryo ekihugo kĩkĩrĩraye kʼuli inina we wanyituma.

Yoane 20:17

Yesu mwamubwira ati, Sũnyĩtũleko Kusangwa sindinahetukira ewa Tata. Nĩkwa ugende oko bagala betu ubwirebo uti ngahetukira uku Tata wage, na Tata wenyũ, nʼuku Nyamuhanga wage, nʼuku Nyamuhanga wenyũ.

AbanyaRoma 12:5

Netu tutya tuli bangi, tuli mubiri muguma itumatikene na Kristo, kandi tuwatene haguma ngʼebĩtsũko mĩsĩndo-mĩsĩndo byʼomubiri muguma.

AbanyaRoma 15:6

Neryo ĩnywe bosĩ haguma nʼomulenge muguma, imwapipa Nyamuhanga Tata wʼOmukama wetu Yesu Kristo.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 12:12

Kusangwa ngoko mubiri ni muguma nĩkwa awite ebĩtsũko bingi; nʼebĩtsũko byosĩ byʼomubiri nomo byangabya bingi, ni mubiri muguma, neryo Kristo kwʼali atya.

2 AbanyaKorinto 1:3

Nyamuhanga apipawe, ye Tata wʼOmukama wetu Yesu Kristo, ye Tata wʼeriganyira, na Nyamuhanga wʼerĩkĩranĩa lyosĩ.

2 AbanyaKorinto 11:31

Nyamuhanga na Tata wʼOmukama Yesu, erĩna liwe lipipawe kera na kera, iye anasĩ ko ndebiha.

2 AbanyaKorinto 5:17

Kusangwa omundu amabya amatikene na Kristo, ni mundu muhya-muhya; emyatsi ya kera yabirirenga, neryo emyatsi mihya-mihya yabĩrĩhĩka.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 3:9

Neryo abosĩ abakĩkĩrĩraya bakabana omũyĩsa ogo Abrahamũ abana bu­sana nʼerĩkĩrĩrya liwe.

AbanyaEfeso 1:10

Nyamuhanga abĩrĩyĩsũnza erĩhĩndanĩa umu Kristo ebyosĩ ahangika, ebiri omo lubula nʼebiri omo kihugo.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaEfeso 1:20

ago akangaya omugulu alũbũkaya Kristo oko baholĩ, nʼerĩmũhĩra oko kĩtũmbĩ oko luhande luwe lwʼamali omo lubula.

AbanyaEfeso 2:6

Kandi, itumatikene na Kristo Yesu, abiritusumba nʼerĩtwĩkalya haguma na Kristo Yesu omo myanya yʼelubula.

AbanyaEfeso 3:10

iniatoka, oko mugulu ono, omo kanĩsa yiwe, erĩkangya oko batabalĩ nʼabʼehamũlĩ omo kyanya, amenge wuwe mũsĩndo-mũsĩndo.

AbanyaEfeso 6:12

Kusangwa situlilwa nʼabandu, nĩkwa tukalwa nʼabatabalĩ, nʼabʼamaka, nʼabʼehamũlĩ bʼomwĩrĩmya muna-kihugo, nʼemilondo yʼebĩrĩmũ byʼebibi ebiri omo kyanya.

AbanyaFilipi 2:11

Obuli mundu asyatũlaganĩa ko Yesu Kristo ni Mukama, busana nʼeriha olukengerwa uku Nyamuhanga Tata.

AbaEbrania 8:5

Bakakola omo kĩsosekanĩo nʼomo kyũtsũtsũ kyʼemyatsi yʼelubula. Ngoko Nyamuhanga ahana Musa omugulu abya akatsũka erihanda eHema ati, Ũlebaye, Ukole emyatsi yosĩ omo lulengo olo wakanganĩbawa oko kitwa.

AbaEbrania 9:23

Neryo lyabya litolere ebĩsosekanĩo ebĩ byʼebindu byʼelubula, ĩbyerĩbwa omo nzira eyĩ, nĩkwa ebyʼelubula bitolere amahere awalabĩre aya.

1 Petero 1:3

Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.