Abalawĩ 9:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ kandi enume yʼende nʼembangale busana nʼamahere wʼobuholo, erihongerasyo embere syʼOmwami Mukulu; kandi obuhere bwʼeyĩsyano yʼengano obũtũlũngene nʼamagũta; kusangwa mũnabwĩre Omwami Mukulu akandibahulukira.

Abalawĩ 9:4 Iomraidhean Croise

Erĩlũayo 16:10

Neryo mokyabya, omugulu Harũnĩ abya akabũga nʼendeko yosĩ yʼabana ba Ĩsraelĩ mobasamalira oko luhande lwʼerirungu, neryo lebaya, olukengerwa lwʼOmwami Mukulu molwahuluka omo kĩtũ.

Erĩlũayo 19:11

abandu basĩke busana nʼekiro kyʼebisatu; kusangwa oko kiro kyʼebisatu Omwami Mukulu asyakĩmĩra omo meso wʼabandu bosĩ oko kitwa kyʼeSĩnaĩ.

Erĩlũayo 24:16

Nʼolukengerwa lʼOmwami Mukulu molwĩkala oko kitwa kyʼeSĩnaĩ, nʼekĩtũ mokyaswikakyo ebiro ndatu; nʼekiro kyʼebirinda Omwami Mukulu mwabirikira Musa erĩlũa omo kĩtũ.

Erĩlũayo 29:43

Naho nasyahĩndana nʼabana ba Ĩsraelĩ; nʼeHema yasyahigulwa nʼolukengerwa lwage.

Ezekĩelĩ 43:2

Neryo lebaya, olukengerwa lwa Nyamuhanga wa Ĩsraelĩ molwahuluka omo nzira yʼoluhande lwʼendata. Omulenge wuwe abya ngʼerihuha lyʼamagetsi mangi, nʼekihugo mokyakangabasanĩa omo lukengerwa luwe.

Ezekĩelĩ 43:27

Neryo omugulu bamabĩberererya ebiro, kyasyabya oko kiro kyʼomunani nʼenyũma wʼaho, abahererĩ basyahera amahere wenyũ wʼerĩokererya oko kiherero, nʼamahere wenyũ wʼobuholo. Nage nasyabalĩga, Omukama Iye Omwami Mukulu atya.

Abalawĩ 2:1

Neryo omugulu omundu akaherera Omwami Mukulu obuhere bwʼerĩhĩtya lyʼeyĩsyano, obuhere buwe bwasyabya bwʼeyĩsano yʼenzelele; asyũtũlĩra kuyo kwʼamagũta, nʼerĩhĩra kuyo kwʼoũbanĩ.

Abalawĩ 3:1

Neryo obuhere obo bwamabya ini buhere bʼobuholo; bwamabya ini bwʼende, enume kutse eyʼobũkalĩ, asyahera eyite ko bulema embere syʼOmwami Mukulu.

Abalawĩ 9:23

Neryo Musa na Harũnĩ mobingira omo Hema yʼerĩhĩndanamo. Babere bahuluka, nʼeritsumula abandu, olukengerwa lʼOmwami Mukulu molwahulukira abandu bosi.

Abalawĩ 9:3

Neryo wasyabũga nʼabandu ba Ĩsraelĩ uti, Mwĩmaye embaya busana nʼobuhere bwʼebibi nʼekyana kyʼende nʼekyana kyʼembũlĩ, ebibiri byosĩ byʼomwaka muguma, ebite ko bulema, busana nʼobuhere bwʼerĩokererya;

Abalawĩ 9:5

Neryo mobaleta ebyo Musa ahula embere syʼeHema yʼerĩhĩndanamo; nʼendeko yosĩ moyasegera hakũhĩ mobahangana embere syʼOmwami Mukulu.

Abalawĩ 9:6

Neryo Musa mwabũga ati, Oyũ go mwatsi ogo Mwami Mukulu ahana ati mukole; nʼolukengerwa lʼOmwami Mukulu lubahulukireko.

Emiganzo 14:10

Nĩkwa endeko yosĩ moyahamula iti, twĩtebo omo mabwe, Neryo olukengerwa lwʼOmwami Mukulu molwahuluka oko bana bosĩ ba Ĩsraelĩ omo Hema yʼerĩhĩndanamo.

Emiganzo 16:19

Neryo Kora mwahĩndanĩa endeko yosĩ eriponabo oko lũkyo lwʼeHema yʼerĩhĩndanamo. Neryo olukengerwa lwʼOmwami Mukulu molwahuluka oko ndeko yosĩ.