Abalawĩ 9:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² neryo mwabũga na Harũnĩ, ati, Ĩmaya enume yʼekyana kyʼende busana nʼobuhere bwʼebibi, nʼembangale busana nʼobuhere bwʼerĩokererya, eyite ko bulema, muhereresyo embere syʼOmwami Mukulu.

Abalawĩ 9:2 Iomraidhean Croise

Erĩlũayo 29:1

Omwatsi goyũ ogo wasyakola kubo erihigulabo, erinyikolera omo mũbĩrĩ wʼobũhererĩ; wĩmaye ekyana kyʼende kyʼobulume nʼesyombangale ĩbĩrĩ esite ko bulema,

Ezekĩelĩ 29:1

Omo mwaka wʼerĩkũmĩ, nʼomukera wʼerĩkũmĩ omo biro byʼerĩkũmĩ nʼebibiri byʼomukera, ekĩnywa kyʼOmwami Mukulu mokyambĩkako kiti,

Abalawĩ 1:10

Kandi obuhere buwe bwamabya ini bʼomo kihangulo, omo mbũlĩ, kutse omo mbene-hene, busana nʼobuhere bwʼerĩokererya iniahera embangale eyite ko bulema.

Abalawĩ 1:3

Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 16:3

Harũnĩ asyingira ahabũyĩrĩre nʼebindu ebĩ: enume ndere busana nʼobuhere bwʼebibi, nʼembangale busana nʼobuhere bwʼerĩokererya.

Abalawĩ 16:5

Neryo asyĩmya oko ndeko yʼabagala ba Ĩsraelĩ esyombaya ĩbĩrĩ busana nʼobuhere bwʼebibi, nʼembangale nguma busana nʼobuhere bwʼerĩokererya.

Abalawĩ 4:3

omũhererĩ oyo wabĩrĩhakabĩbwa amagũta amahalya okwʼiletera bandu olubanza, neryo aherere Omwami Mukulu busana nʼebibi biwe ebyo abirikola, enume yʼende eyite ko bulema busana nʼobuhere bwʼebibi.

Abalawĩ 8:14

Neryo mwaleta enume yʼende yʼobuhere bwʼebibi, na Harũnĩ nʼabagala buwe mobahĩra ebyala byabo oko mutwe wʼenume yʼende yʼobuhere bwʼebibi.

Abalawĩ 8:18

Neryo mwaleta embangale yʼobuhere bwʼerĩokererya; na Harũnĩ nʼabagala buwe mobahĩra ebyala byabo oko mutwe wʼembangale.

Abalawĩ 9:3

Neryo wasyabũga nʼabandu ba Ĩsraelĩ uti, Mwĩmaye embaya busana nʼobuhere bwʼebibi nʼekyana kyʼende nʼekyana kyʼembũlĩ, ebibiri byosĩ byʼomwaka muguma, ebite ko bulema, busana nʼobuhere bwʼerĩokererya;

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbaEbrania 5:3

Neryo litolere iniahera amahere busana nʼebibi biwe ngoko akaherera ebibi byʼabandu.

AbaEbrania 7:27

Yesu siali ngʼabandi bahererĩ bakulu oko bahererĩ bosĩ. Ibo bakahera amahere ebiro byosĩ busana nʼebibi byabo, nʼakandi busana nʼebibi byʼabandu. Kusangwa Kristo mwahera obuhere bo ngendo nguma nyisa omugulu ayiha.