Abalawĩ 8:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi mwamũhĩra kwʼekyuma kyʼekĩkũba; nʼomo kyuma kyʼekĩkũba mwahĩramo Ũrĩmũ na Thũmĩmũ.

Abalawĩ 8:8 Iomraidhean Croise

Ezera 2:63

Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

Nehemĩa 7:65

Nʼomũtabalĩ mwabwirabo ati, sibalye oko bindu bĩbũyĩrĩre kutsibu erĩhĩka aho mũhererĩ asyahanganira oyuli na Ũrĩmũ na Tũmĩmũ.

Erĩlũayo 29:1

Omwatsi goyũ ogo wasyakola kubo erihigulabo, erinyikolera omo mũbĩrĩ wʼobũhererĩ; wĩmaye ekyana kyʼende kyʼobulume nʼesyombangale ĩbĩrĩ esite ko bulema,

Olwimbo lwʼEsyonyimbo 8:6

Ũnyĩhĩre oko mutima wawe ngʼembũka yʼekiminyikalo Ngʼekĩbohĩ oko kuboko kwawe. Kusangwa olwanzo lũkalĩre ngʼoluholo. Obũha bũkalĩre ngʼeKũlĩmũ; Erĩpalya lyabo nĩ ʼpalya lyʼomuliro, Ekirimi kũndũ kyʼOmwami Mukulu.

Ĩsaya 59:17

Neryo mwambala eritunganene ngʼobupa bwʼekĩkũba, nʼengofĩro yʼomulamo oko mutwe wuwe. Kandi mwambala esyongimba syʼerĩkĩsya eribya ngimba, kandi iniambite omũhwa ngʼenzobe.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

AbanyaEfeso 6:14

Neryo muhangane, mũsĩke, mũhĩre omwatsi wʼekwenene ngʼomukoba omo mbindi syenyũ. Mwambale eritunganene ngʼekindu kyʼamalwa ekĩkategaya ekĩkũba.

Eryibuka Ebihano 33:8

Na busana na Lawĩ mwabũga ati, Tũmĩmũ yawe na Ũrĩmũ yawe bibye nʼomundu wawe oyukakenga Nyamuhanga, Oyo walengako eMasa, Oyo wanegena naye oko magetsi wʼeMerĩba;

1 AbanyaTesalonika 5:8

Nĩkwa tuli bandu bʼeritungi, tubye tũkateya. Twambale erĩkĩrĩrya nʼolwanzo ngʼobupa bwʼekĩkũba, kandi mwambale akakĩra kʼamaha wʼomulamo.

1 Samwelĩ 2:28

Kandi mondayisoga ye omo bihanda byosĩ bya Ĩsraelĩ eribya mũhererĩ wage, erihetuka oko kiherero kyage, nʼerĩhĩsya obukwa, nʼeriambala eefodĩ embere syage kwehĩ? Kandi mondaha ekĩtũnga kya tata wawe kyʼamahere gosĩ wʼabana ba Ĩsraelĩ awakayirawa omo muliro kwehĩ?

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.