Abalawĩ 8:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo mwamwambalya erĩkotĩ, mwamũkũndĩka kʼomukoba, kandi mwamwambalya ekanzu, kandi mwamũhĩra kwʼeefodĩ, kandi mwamũkũndĩka olukoba lwʼeefodĩ olũlũkĩre nʼamenge, mobamũkũndĩkalo.

Abalawĩ 8:7 Iomraidhean Croise

Erĩlũayo 28:2

Wasyakokoterya Harũnĩ mugala wenyũ, esyongimba sĩbũyĩrĩre, busana nʼolukengerwa na busana nʼerĩyĩsũga.

Erĩlũayo 28:4

Nʼesyongimba syesĩ esyo basyakokotya: ekyuma kyʼekĩkũba, nʼeefodĩ, nʼekanzu, nʼerĩkotĩ ryʼebitanga-bitanga, nʼakakĩra, nʼomukoba; basyakokotya esyongimba sĩbũyĩrĩre busana na Harũnĩ mugala wenyũ nʼabagala buwe, ibatoka erinyikolera omo mũbĩrĩ wʼobũhererĩ.

Erĩlũayo 28:6

Kandi basyakokotya eefodĩ yʼesyamagetsi nʼerangĩ yʼakanĩkĩ, nʼerangĩ yʼamabono, nʼeyʼengula, nʼolukimba lwʼekĩtanĩ ekĩlũkĩre ndeke, omo mũbĩrĩ wʼomũlũkĩ wʼamenge.

Erĩlũayo 29:5

Kandi wasyĩmya esyongimba, wasyambalya Harũnĩ erĩkotĩ, nʼekanzu yʼeefodĩ, nʼeefodĩ, nʼobupa, nʼerĩmũkũndĩka omulemba owalũkĩre nʼamenge, owʼeefodĩ;

Ĩsaya 61:10

Nasyatsemera Omwami Mukulu kutsibu, omutima wage asyatsema uku Nyamuhanga wage, kusangwa abĩrĩnyambalya esyongimba syʼomulamo, abirinyiswika ekanzu yʼeritunganene, ngʼĩba wʼomũherũkĩ akayisitika omo kikoba kyʼomusanga, kandi ngʼomũherũkĩ oyukayisitika omo mabwe wuwe awakangĩre gʼobũgũlĩ.

Ĩsaya 61:3

eriha abandu abakalirira eSĩonĩ, erihabo omusanga wʼeriambala omo mwanya wʼerĩbũ, nʼamagũta wʼobutseme omo mwanya wʼeririra, nʼolukimba lwʼeripipa omo mwanya wʼekĩrimũ kikalembera. Ibabana eriahulwa mo miti yʼeterebĩntĩ yʼeritunganene, eyaherawa nʼOmwami Mukulu, atoke erikengwa.

Ezekĩelĩ 42:14

Omugulu abahererĩ bakayamo, sibendisyahuluka eriya omo kibuga kyʼeyĩhya, bakalũa ahabũyĩrĩre bate babikayo esyongimba syabo esyo bakakolamo, kusangwa sĩbũyĩrĩre. Kandi basyambala esindi ngimba. Ibaminya erĩyĩtũnda ahali abandu.

AbanyaRoma 13:14

Nĩkwa muleke Yesu Kristo abye oyukabalwira nʼebindu biwe byʼamalwa; Simubye nʼobũlengekanĩa bwʼomubiri erikwama esyongumbu syago.

AbanyaRoma 3:22

Nĩkwa Nyamuhanga akatũngananaya abandu busana nʼerĩkĩrĩrya Yesu Kristo. Eritunganene erĩ ni ryʼabandu bosĩ abakĩkĩrĩraya Kristo, kusangwa sialisombola mundu.

AbanyaGalatia 3:27

Kusangwa ĩnywe bosĩ mwabatĩsĩbawa erimatikana na Kristo mwabiriambala emibere ya Kristo.

1 Samwelĩ 2:28

Kandi mondayisoga ye omo bihanda byosĩ bya Ĩsraelĩ eribya mũhererĩ wage, erihetuka oko kiherero kyage, nʼerĩhĩsya obukwa, nʼeriambala eefodĩ embere syage kwehĩ? Kandi mondaha ekĩtũnga kya tata wawe kyʼamahere gosĩ wʼabana ba Ĩsraelĩ awakayirawa omo muliro kwehĩ?