Abalawĩ 8:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Neryo Musa mwĩmya oko magũta wʼerĩhakabya nʼoko musasi owabya endata oko kiherero, mwatsatsangago uku Harũnĩ nʼoko ngimba siwe, nʼoko bagala buwe nʼoko ngimba syabo, kandi mwahigula Harũnĩ, nʼesyongimba siwe, nʼabagala buwe, nʼesyongimba syʼabagala buwe.

Abalawĩ 8:30 Iomraidhean Croise

Erĩlũayo 28:2

Wasyakokoterya Harũnĩ mugala wenyũ, esyongimba sĩbũyĩrĩre, busana nʼolukengerwa na busana nʼerĩyĩsũga.

Erĩlũayo 29:21

Kandi wasyĩmya oko musasi owali oko kiherero, nʼoko magũta wʼerĩhakabya, nʼeritsatsangago uku Harũnĩ, nʼoko syongimba siwe, nʼoko bagala buwe, nʼoko syongimba syʼabagala buwe; naye asyabya ĩnĩahĩwĩre, nʼesyongimba siwe, nʼabagala buwe, nʼesyongimba syʼabagala buwe haguma naye.

Erĩlũayo 30:30

Kandi wasyahakabya. Harũnĩ nʼabagala buwe, nʼerihigulabo, ibanyikolera omo mũbĩrĩ wʼobũhererĩ.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ĩsaya 61:3

eriha abandu abakalirira eSĩonĩ, erihabo omusanga wʼeriambala omo mwanya wʼerĩbũ, nʼamagũta wʼobutseme omo mwanya wʼeririra, nʼolukimba lwʼeripipa omo mwanya wʼekĩrimũ kikalembera. Ibabana eriahulwa mo miti yʼeterebĩntĩ yʼeritunganene, eyaherawa nʼOmwami Mukulu, atoke erikengwa.

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Abalawĩ 7:35

Erĩ nĩ ʼgabo likahigulawa busana na Harũnĩ, nʼerĩgabo lyʼabagala buwe likahigulawa busana nabo, erĩkalũa omo mahere wʼOmwami Mukulu awakokĩbawa oko muliro, oko kiro ekyo ahĩrabo erikolera Omwami Mukulu ngʼabahererĩ.

Abalawĩ 7:36

Omwami Mukulu mwahana ati abana ba Ĩsraelĩ bahebyo kubo omo kiro ekyo ahakabayabo amagũta. Nĩ ʼgabo lyabo busana nʼemigulu yosĩ omo katĩkatĩ kʼesyondengo syabo.

Abalawĩ 8:12

Neryo mũta amagũta wʼerĩhakabya oko mutwe wa Harũnĩ, mwamũhakabya, erimuhigula.

Emiganzo 3:3

Aya wa mena wʼabagala ba Harũnĩ, abahererĩ abahakabĩbawa amagũta, abo ahigula erikola omũbĩrĩ gʼobũhererĩ.

AbaEbrania 2:11

Kusangwa oyukahigula nʼabakahigulawa bawite Tata muguma; busana nʼomwatsi oyũ, Yesu sialibana esĩsonĩ eriahulabo mo bagala babo,

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Yoane 2:27

Nĩkwa Kristo abĩrĩbũtũlĩra Omũlĩmũ wuwe, naye ĩkere omwisi wenyũ; isimuli nʼobwaga bwʼerĩkangĩrĩrĩbwa nʼomundu. Kusangwa Omũlĩmũ wuwe akabakangĩrĩraya emyatsi yosĩ, nʼemyatsi eyĩ ni kwenene, sĩ yʼamabehĩ. Neryo ngoko abiribakangĩrĩrya erikola, mubye mukamatikana na Kristo.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.