Abalawĩ 8:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Neryo Musa mwĩtayo; na Musa mwĩmya oko musasi wayo, mwahĩrago oko mutwe wʼokũtũ kwʼamali kwa Harũnĩ, nʼoko kikumo kyʼebyala biwe byʼamali, nʼokwʼĩno lyʼobulume ryʼekisando kiwe kyʼamali.

Abalawĩ 8:23 Iomraidhean Croise

Erĩlũayo 29:20

Neryo wasyĩta embangale eyo, nʼerĩĩmya oko musasi wayo, ĩwahĩrago oko mutwemutwe wʼokũtũ kwʼamali kwa Harũnĩ, nʼoko mutwe-mutwe wʼokũtũ kwʼamali kwʼabagala buwe, nʼoko kikumo kyʼoko byala byabo byʼamali, nʼoko lĩno lyʼobulume lyʼekisando kyʼamali kyabo, nʼeritsatsanga omusasi gʼoko mbande syosĩ syʼekiherero.

Erĩlũayo 29:21

Kandi wasyĩmya oko musasi owali oko kiherero, nʼoko magũta wʼerĩhakabya, nʼeritsatsangago uku Harũnĩ, nʼoko syongimba siwe, nʼoko bagala buwe, nʼoko syongimba syʼabagala buwe; naye asyabya ĩnĩahĩwĩre, nʼesyongimba siwe, nʼabagala buwe, nʼesyongimba syʼabagala buwe haguma naye.

Abalawĩ 14:14

Kandi omũhererĩ asyĩmya oko musasi wʼobuhere bwʼolubanza, nʼomũhererĩ asyahĩrago oko mutwe wʼokũtũ kwʼamali kwʼoyũkerĩbawa, nʼoko kikumo kyʼebyala biwe byʼamali, nʼokwʼĩno lyʼobulume ryʼekisando kiwe kyʼamali.

Abalawĩ 14:17

Nʼawakasaka oko magũta awali omo byala biwe, omũhererĩ asyahĩrago oko mutwe wʼokũtũ kwʼamali kwʼoyũkerĩbawa, nʼoko kikumo kyʼebyala biwe byʼamali, nʼokwʼĩno lyʼobulume ryʼekisando kiwe kyʼamali, oko musasi wʼobuhere bwʼolubanza;

Abalawĩ 14:25

Neryo asyakera ekyana kyʼembũlĩ kyʼobuhere bwʼolubanza; nʼomũhererĩ asyĩmya oko musasi wʼobuhere bwʼolubanza, nʼerĩhĩrago oko mutwe wʼokũtũ kwʼamali kʼoyũkasyerĩbawa, nʼoko kikumo kyʼebyala biwe byʼamali, nʼokwʼĩno lyʼobulume lyʼekisando kiwe kyʼamali.

Abalawĩ 14:28

Neryo omũhererĩ asyahĩra oko magũta awali omo byala biwe oko mutwemutwe wʼokũtũ kwʼamali kwʼoyũkandĩsyerĩbwa, nʼoko kikumo kyʼebyala biwe byʼamali, nʼokwĩno lyʼobulume lyʼekisando kiwe kyʼamali, omo mwanya wʼomusasi wʼobuhere bwʼolubanza.

Abalawĩ 7:37

Ekĩ ni kihano kyʼobuhere bwʼerĩokererya, nʼobuhere bwʼengano nʼobuhere bwʼebibi, nʼobuhere bwʼolubanza, nʼobuhere bwʼerihigula, nʼobwʼehongo yʼamahere wʼobuholo.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 6:13

Kandi simuhe ebĩtsũko byʼemibiri yenyũ busana nʼebibi, erikola ebitatunganene; nĩkwa muyihe uku Nyamuhanga ngʼabandu ababĩrĩlũbũka oko baholĩ, kandi muhe ebĩtsũko byenyũ uku Nyamuhanga, bikole ebitunganene.

AbanyaRoma 6:19

Ngabũga omo bĩnywa byʼabandu busana nʼobolo-bolo bwʼomubiri wenyũ. Ngoko mwabya mukaha ebĩtsũko byenyũ ngʼabakobe bʼebĩtĩsĩrĩre nʼebibi, ebikaleta emigendere mibi, neryo lino muhe ebĩtsũko byenyũ ngʼabakobe bʼeritunganene erikaleta emigendere mĩbũyĩrĩre.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 6:20

Abiribagula omo bũgũlĩ. Neryo omo mibiri yenyũ, muletere Nyamuhanga yʼolukengerwa.

AbanyaFilipi 1:20

Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage.

AbanyaFilipi 2:17

Nomo musasi wage angũtũlĩrwa ngʼobuhere busana nenyũ kusangwa mwabĩrĩkĩrĩrya Nyamuhanga nʼeriyiherera ukwʼiye, ngandisyatsema nʼerisangira obutseme bwage haguma nʼĩnywe bosĩ.

1 AbanyaTesalonika 5:22

nʼerisaga obuli mũsĩndo wʼekibi.

AbaEbrania 2:10

Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

AbaEbrania 5:8

Nomo anabya Mugala wa Nyamuhanga, mwiga erĩowa omo myatsi agalawamo.