Abalawĩ 8:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Neryo mwaleta enume yʼende yʼobuhere bwʼebibi, na Harũnĩ nʼabagala buwe mobahĩra ebyala byabo oko mutwe wʼenume yʼende yʼobuhere bwʼebibi.

Abalawĩ 8:14 Iomraidhean Croise

Esyonyimbo 66:15

Nasyahera esyombũlĩ nʼerĩokereryasyo oko kiherero; Hasyabya ekikumbo kyowene kyʼesyombene esĩkahĩsĩbawa; Nasyahonga esyonume nʼesyombene.

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Ezekĩelĩ 43:19

Mwasyaha abahererĩ Abalawĩ abali oko bana ba Zadokĩ, abakayĩtũnda hakũhĩ nage, erinyikolera, enume ndere yʼende busana nʼobuhere bwʼebibi, Omukama Iye Omwami Mukulu atya.

Ezekĩelĩ 43:20

Neryo wasyĩmya oko musasi wayo nʼerĩhĩrago oko mahembe ani waho, nʼoko syonũnga ĩnĩ syʼomũnywa, nʼoko mũsĩke owatĩmbĩreho. Ko wasyakola utya erĩeryakyo nʼeririhirakyo.

Ezekĩelĩ 44:27

Nʼoko kiro akingira ahabũyĩrĩre, omo kibuga kyʼomwisi, erikola omo habũyĩrĩre, asyahera obuhere buwe bwʼebibi, Omukama Iye Omwami Mukulu atya.

Abalawĩ 1:4

Kandi asyahĩra ebyala biwe oko mutwe wʼobuhere bwʼerĩokererya; ibwatoka erĩrĩgwa eribya mbanulo busana naye.

Abalawĩ 16:21

Na Harũnĩ asyahĩra ebyala biwe bibiri oko mutwe wʼembene eyiriho, nʼeribikulira kuyo kwʼebibi byosĩ byʼabana ba Ĩsraelĩ, nʼamalolo wabo, nʼebibi byabo byosĩ; neryo asyahĩrabyo oko mutwe wʼembene, nʼerĩlolyayo omo mbwarara, omo byala byʼomundu oyũsĩkĩre aho.

Abalawĩ 16:6

Kandi Harũnĩ asyaleta enume yʼende yʼobuhere bwʼebibi, eyiri busana naye, iniayirihira embanulo nʼekĩtũnga kiwe.

Abalawĩ 4:15

Neryo abakulu bʼendeko basyahĩra ebyala byabo oko mutwe wʼenume eyo embere syʼOmwami Mukulu; nʼenume eyo yasyakererwa embere syʼOmwami Mukulu.

Abalawĩ 8:2

Wĩmaye Harũnĩ nʼabagala buwe, nʼesyongimba, nʼamagũta wʼerĩhakabya, nʼenume yʼende yʼobuhere bwʼebibi, nʼesyombangale ĩbĩrĩ, nʼekĩbo kyʼobundu obute mo kĩhamya;

Emiganzo 8:12

NʼAbalawĩ basyahĩra ebyala byabo oko mitwe yʼesyonume syʼesyonde; neryo uhonge enguma eribya buhere bwʼebibi, nʼeyindi eribya buhere bwʼerĩokererya, busana nʼOmwami Mukulu, eririha embanulo busana nʼAbalawĩ.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.